دفء الياسمين;11078148:
شكرا عزيزتي على ذكر تجربتك الناجحة المليئة بالتفاؤل والحماس...
وش كان ريجيمك وهل كان فيه رياضة...
وانا الحين افكر بنفس تفكيرك أقول مابفكر بالحمل اول بكمل الخطوة الاولى وهي انقاص الوزن والالتزام بحبوب السكري وبعدين انتقل للخطوة الثانية .(فكرة حماسية ):03:
وشرايك نحطك رئيس للنادي في التجمع اللي قالت عنه عزيزتنا سحر....:094:
هلا ياسمينة
ترى أنا ما نسيتج على طول في بالي اني ادش واكتب لج شلون نقصت وزني بس تعرفين مشاغل الدنيا ما تخلص ,,
بأقولج قصتي من البداية عشان تتشجعين ومنها عشان تقضين وقت في قراءتها <<< أنا أحب أقرأ القصص
,,,,,,,,,,,,,,,,,,,,,,,
بدت معاناتي مع التكيس من أول زواجي وهي الفترة الي عرفت اني فيني تكيس ,, مع اني قبل الخطوبة يعني من أول ما بلغت كانت الدورة مخربطة عندي و مرة ظلت سنة ما نزلت عليي وكنت وقتها صغيرة ما أعرف شيء
لما رحت المستشفى كأنهم قالولي ان بداية تكيس بس انا ما كنت أفهم كلش وقطعت العلاج
وكنت دددبة و وزني يزززززيد وكل يوم يمر أمتن من اليوم الي بعده
بس ما كنت أهتم ولا مرة قلت لروحي خل أسوي ريجيم
وكنت أدري اني متينة بس ما اهتميت ولا شيء
لأن أنا من النوع الي ما يحط في باله شيء ويسويه
يعني قلت مستحيل التزم بريجيم ,,
انخطبت ,,, وبعد الخطوبة بدأت أتفهم الموضوع ورحت لدكتورة قالتلي ما فيج شيء بس لخبطة هرمونات ,, طلعت دكتورة ما تفهم بس كل مرة تقبض فلوس وش كثر على هرار ,,
كانت بس تعطيني حبوب الي تنظم الدورة ولا استفدت منها
واخر مرة رحت اليها عطتني كلوميد انا ما كنت اعرف اهو شنوو بس خفت منه ولا خديته ,,
أنا كنت مخطوبة وتعطيني كلوميد ما كان اليه داعي أصلااااا :042:
المهم
تزوجت وأول 3 شهور زواااج ما جتني الدورة كلش وأنا كنت متعودة وكان اخر كورس اليي بالجامعة وما اهتميت بحمل ولا شيء
لما فضيت وتخرجت رحت جبت تست حمل أجرب حظي خخخخخ <<< متفائلة الأخت :091:
وطبعا طلع سلبي
رحت لدكتورة فرح في التخصصي
كشفت عليي وقالتلي كلمتين
علاجج سهل وااااااايد
نقصي وزنج و تعالي بأعطيج الحبوب
كان وزني وقتها 86 :040:
وأنا صارلي مدة ما وزنت فانصدمت صدمة كبيرررررررررة
وقلت لهالدرجة وصل وزني
يعني اسكت على روحي شهرين بأصك ال 100
قالتلي لا تجيني الا وزنج 70 وحولتني على اخصائية مالت تغدية رحت اليها مرة و هوونت ,,
وأنا أول مرة دشيت عالدكتورة كان التاريخ 1 / 7
وبديت الريجيم يمكن 4 /7
وكنت صج صج ملتزمة
وبأقولج شنو كانت خطتي
1. قاطعت العيش والخبز والمعجنات والمعكرونة
2. كنت أكل كل اشياء مشوية مع سلطة وفواكه
والتزمت شهرين لأن شهر 9 سافرت برا مع زوجي لمدة شهرين وكان رمضان ما قدرت ألتزم عدددل بس لأن تحركت وايد
رجعت من السفر وكان عندي موعد مع الدكتورة 25 / 11 وكان وزني وقتها 77 يعني نقصت 9 كيلووو
قالتلي ممتاااز بس انا قلت لج ما تجيني الا وزنج 70 :091:
انقهرررررت أنا من الدكتورة
ورحت غيرتها
رحت لدكتورة كيرن في ابن النفيس شهر 1 / 2009
عطتني الجلوكوفاج و خطة اكل لازم التزم فيها بس انا ما مشيت عليها لأن واااايد صعبة بس كانت كل موعد تجيك وزني وادا ما نزلت وايد تعصب عليي شووي خخخخ
ويكتب الله وأحمل في نفس الشهر الي خ>يت فيه الجلوكوفاج بس اسقط ومن يومها ما التزمت في الريجيم وكان وقتها وزني 68 وكان شهر 4 / 2009
والحين وزني 66 يعني ما نقصت واااايد ساعات يوصل 67 بعد :060:
المهم ,,
الريجيم الي اتبعته كان بهواي ,, لأن لو بأخلي اليي ريجيم من النت والريجيمات القاسية الي يسوونها جان أسبوع ما كملت
صج أنا تعبت اول الأشهر بس سبحان الله كانت عندي قوة ارادة اني اواصل
أنا مستغربة من روحي لأن وحدة عيارة وكسلانة وااااايد
بس لأن وايد شفت وزني فووق
وقلت لازم أنززله
أول شيء ابتعدي عن الأجباس والكاكاو والمشروبات الغازية <<< الي طايحة فيهم أنا طيح هالأيام :037:
ابتعدي عن النشويات : الأرز - المعكرونة - المعجنات - الخبز
واكتفي بالخبز الأسمر من فترة لفترة
ابتعدي عن العصائر الطازجة لأن فيها سكر - أنا كنت ساعات اشرب كي دي دي جوافة او كوكتيل او اناناس
عصير الأناناس ممتاز لحرق الشحووم حسب ما قريت
كثري من الفواكه والخضراوات والمااااااااااء أهم شيء يساعد على الحررق
وخلي وجبتج دايما مشويات وا>ا تمللتي كلي بس اللحم لو الدجاج بدون العيش
اهم شيء قااااااومي العيش ه>ا اهو سبب خرابنااااا
اي نسيت أتكلم عن الرياضة
أنا لو كنت التزم بالرياضة جان وزني نقص اكثر بس انا خايبة
وترى لما سافرت كنت أكل عااادي بس لأن وااايد أتحرك ونزل وزني
يعني الرياضة تفيييد وااااايد
شريت اليي سيكل في البيت وأتخايب ألعب عليه
أفكاري ما كنت مرتبة سوري :040:
اي سؤال أو استفسار أنا حاضرة
طولت عليكم سامحوني
متخرعة تكتب قصة الكفاح مالها خخخخخ