بنات باركولي
1
2
3
أمس ابتديت تجهيز لي وللبيبي :wink: رجعت البيت من الشغل ما في بالي اني اروح اي محل بس كنت اقول متى بجهز ما بقى الا 12 إلى 10 أسابيع :eek: وعيالي ما خلوني انام :confused: قمت سبحتهم ولبستهم ورجع زوجي ببدل بيطلع لصلاة العشا قلت له شرايك اروح اجهز اليوم :rolleyes: قالي اذا بتروحين جهزي بصلي وبرجع :D قمت واتصلت لام محمد وكانت الساعة ثمان الا وخبرتها اني بروح لها قالت لي تعالي قبل 8 ونص لانها تسكر قلت لها وصفيلي بيتج قالت تعالي على الدور الاول يسار ودخلي الحي الاول واتصلي بدليج المهم رحت على الوصف واتصلت لها ودلتني طبعا زوجي هو الي يسوق :) الحمدلله ما يضيع بيتها من وصفها دخلت وكانت حجرة كبيرة فيها اغراض واااااااااااااااااااااااااااايد تجهيزات سألتها اذا عندها ثيم الفراشة قالت لا بس النحلة قريبة من الفراشة وبعدين قالت احنا طرشنا المحل مفرش وشنطة على فراشة اذا تلحقين عليه قبل لحد يأخذه قلت اوكي تأكديلي اذا موجود فاتصلت وخبرتني ان في وحدة عجبها قاعدة تشوفه :confused: وبعدين خبرها الهندي انه اوكي خلته ما خذته :D فسألتها اذا عندها جلابيات قلت هذولا المعروضين وكانو وااااااااااااااااااااااايد قلت لها عندج ارواب خبركم برد وبنحتاج حق الروب روتني واحد وردي مب طويل تحت الركبة ومب ثقيل ولا خفيف وااااااايد راقي سعره 8 دينار :eek: بس خذته وخذت بيجامة سعرها 5 دينار وخذت مخدة على شكل فراشة وسألتها ان المفرش الي في المحل في معاه المفرش الثاني الي يدخلون فيه الياهل نفس الثيم قالت لا هذولا ايون بروحهم ما يصرون نفس الثيم وروتني واحد ازرق عندها واااااااااايد حلو وقالت الوردي في المحل طلعت من عندها وطيران على المحل وسألت الهندي عن مفرش الفراشة ورواني اياه صج صج فخم وروعة وعجب زوجي :oاهو وشنطته ب 30 دينار وخذت الي يدخلون فيه الياهل شكل ثاني وردي وابيض وبيج نفس الي كان عندها بالبيت على ازرق ب 15 دينار خبرته يسويلي امهادات على نفس الثيم وجلابية لي نفس الثيم لونها ابيض والفراشات وردية وجلابية ثانية وردية والشلش ابيض بس لازم اختار القماش من عند ام محمد يعني في البيت وطلعت ورحت محل قيف اوايز عشان التوزيعات تخيلو دخلت الا كان عنده ستاند فراشة :eek: استأنست وايد بس احترت في التوزيعات فقالي الفلبيني روحي محلنا الثاني اورانج الي في الغربي فيه هناك توزيعات رحت بس احترت اكثر وبس .
الف مبرووووووووووك :wink:
اقرا التفاصيل و انا على اعصابي :eek:
اقول ان شاء الله ما يروح منج مفرش الفراشة
و الحمد لله اخذتيه :wink:
و عادي السليب باج اذا ما كان فيه فراشة
تقدرين انتي تركبي عليه فراشة (y)
عاشوا عاشوا
الاستاند بعد على فراشة ؟!!
انزين ما قلتي اخذتيه لو لا ؟؟ :rolleyes:
يلا ان شاء الله تحصلين التوزيعات المناسبة
و ما شاء الله عليج قضيتي لج جم شغلة و افتكيتي (y)