؛ التجمع الثالث للحوامل اللاتي سيلدن في ديسمبر 12/2009 ؛

كيوتي بيبي;10279774:
هلا يا حلوين ادري اني مقصره معاكم بس والله تعبانه حيل من المطبخ واليهال يالله هانت اقول وايد احس بالم من تحت لدرجه ما اقدر اسجد في صلاتي عدل رحت الطواري قالت الدكتور الراس نازل وايد تحت ومسبب لج هالالم لدرجه ما اقدر امشي وايد احس بظغط من تحت وايد الله يعينني اشلون بخلص اغراضي

رؤى85;10280216:
السلام عليكم كيفكم يا حوامل وان شاء الله اموركم تمام ماشاء الله دخلنا المرحلة الثالثة بالحمل
الله ييسر للجميع امورهم ويهون الحمل عليهم
:wink:وكل عام وانتم بخير

ام نبراسي;10281394:
هلا فيج حبيبتي والله حتى لو تشرهنه على تقصيرج الله يعلم انج توحشينا وماتشوفين شر حبيبتي وانتي مثلي ترى أنه بعد مثلج بالظبط البيبي واااااااااااااااااااايد نازله تحت مادري شسالفتها مستعيله تبي تطلع وانه بعد ابيها تطلع تعبت واااااااااااااااااااااااااايد الله يسهل علينه حملنا وولادتنا ويقومنا بالسلامه معا بيبياتنه

ام نبراسي;10281424:
اهاااااااااااااا ان شاء الله بتطلع النتيجه تمام وماعليش الا العافيه

ام نبراسي;10281499:
هي السالفه اكيد ان كل وحده تختلف عن الثانيه بس تعرفين أنه في بنتي الكبيره نبراس وااااااااااااااااااااايد تعبت وخصوصا ان صادني زلال بشكل فضيع يعني واااااااااايد تنفخت وكنت في الشهر التاسع اول اسبوع رقدوني بالمستشفى اسبوع ومافي فايده ماولدت وبعدها طلعت وتميت في البيت اسبوع والاسبوع الثالث يومين وأنه ينزل عليي كرمكم الله مخاط ثاني يوم رحت بيتنه كان يوم تجمعنه وبعد مارجعت احس بألام قويه ورحت كرمكم الله الحمام الا دم ينزل عليي وماي وقالي زوجي باسوي لج دلة دارسين وسواها وشربت الدله كلها وتقريبا الساعه خمس الفجربس قالي قولي باوديج لان الالم ذبحني ورحت المستشفى وقالولي انتي فيج ولاده بس للحين مانفتحتي الا 1 سم وتعرفين مستشفى العسكري خلاص اذا دخلتي ماتقدرين تطلعين وبعدين قلت لهم حرام عليكم انه تعبانه يومين صار لي مانمت عطوني شي خلوني ارقد وقاموا عطوني ابرة الظهر وبس من وقتها ماحسيت بأي شي ومن الساعه خمس الفجر ولدت الساعه 12 وربع الظهر وتعرفون وأنه اولد احس كأني في حلم مااحس بأي شي من ألم ولاغيره وكانت صديقتي معاي هي اللي ساعدتني فديتها ماقصرت
لكن الحمله الثانيه بريماس طلعت عييييييييييييني الصراحه كنت اعووووووووووور بس تعرفون اني دخلت الشهر التاسع والطلق للحين ماياني يعني خلصت الاسبوع 40 دخلت في 41 وانه للحين ماولدت فقررت الدكتوره في اخر زياره انهم يرقدوني ويسون لي طلق صناعي وقالت لي اتصلي اتذكر يوم الاحد تلفون حق الجناح الصبح وشوفيهم متى تروحين لهم اتصليت الساعه سبع الصبح وقالولي تعالي الساعه 3 العصر فقلت خل ارقد شوي ارتاح للساعه 3 العصر وبس توني بارقد الا احس بألم في بطني يروح ويي قلت لا هذي اكيد امنان خل ارقد والله وتصبرت على الالم للساعه 12 الظهر بس الساعه 12 قمت من السرير كرمكم الله باروح الحمام الا كرمكم الله نزل عليي شي غرقني ولما وصلت للحمام ودخلت اشوف شنو الا كرمكم الله ماي اخضر كأنه طحالب وبس تسبحت وكرمكم الله حطيت لي كوتكس وبسرعه رحت المستشفى جان يقولون لي فيج ولاده ولما شافوا الماي الاخضر قالوا لي ان المشيمه انفجرت عليج لانج وايد تأخرتي فلازم نولدج بسرعه ومافي وقت نعطيج ابرة الظهر بس والله اعظيم شفت الموووووووووووت بعيني ومن الساعه 12 الظهر ولدت الساعه 7 وعشر المغرب والحمد لله على كل حال
وسوري طولت عليكم بس هذي كانت رحلتي في الولادات والله يستر ويسهل عليي في الولاده الثالثه

ام يسوور;10302269:
بنااااااااات شخباركم كل عااام وانتوا بخيييير بسألكم سؤاااااااااال ضرووووووووري انا سويت تحليل سكر مادري كنت اي شهر وماقدرت على الجلكوز ساعه كامله وانا اشرب فيه يالله يالله كمل والحين 26 أسبوع اجوف الدكتورة كتبت لي تحليل سكر وصيام وجلكوز مره ثااانيه فيعني الحااامل لها مرتين او جم مره بالظبط والله يستر بااجر مع هالجلكووووز ماقدر عليييييييييييييييييييييييه احس بازوع

البرج اليسر;10303929:
انا كمان ابتدت معايا الحموضة لما اروح للدكتور ابقا اسئل علي دواء

ام نبراسي;10281524:
بنات ترى ابي اقولكم حتى الدكتوره منى الشرقي عندها ال4 دي وعلى مااعتقد ب40 او 45 وتعرفونها بعد هي واااااااااااااايد شاطره