GIRL_U;10213187:
انا عنى كان وزنى 54 قبل الحمل ويوم اتوحمت نزل لين 49 والحين ارتفع ساعات 55 ومرات 65
ما ابى اصير دبدوبة ههههههههههههههههه مب حلووووو بس الريل يقول احسن جية هاهاه
الله يعافيج يارب ولازم تراجعين :) عشان البنوتة الله يحفظها لج واتشوفينها بعد فترة كم شهر احساس حلووووو
،، هههههه ادري الرياييل يحبون الربربه شوي ،،،
انا ريلي نفس الشي يقولي محلاج وانتي مربربه ،،، بس تحسينهم من يشوفون وحده رشيقه يغيرون رايهم ،،، لووووووووووووووولز :tongue::tongue::tongue::tongue::tongue:
ما ابى اروعج عن سكري الجمل بس بحذرج ياعمري،، ترى سكري الحمل يساعد على تضخم حجم الجنين (ليس نمو الجنين ) لا تضخمه يعني برمستنا نفخه بدون فايده، وبالتالي اتكون الولاده اصعب شوي
لا تخافين من كلامي بس والله ابى احذرج ياعمري
يعني شوفي اذا مرره خلاص ماقدرتي اتيودين عمرج وكلتي شي سكري حاولي تاكلين -قبله او بعده- شي فيه نسبه عاليه من الالياف لان الالياف تقلل من امتصاص السكر في الدم وتساعد على اخراجه مع البراز
وبعدين حبيبتي احذري من الاغذيه الغنيه بالسكر الخفي، مثل الأرز والذره والبطاطا والخبز الابيض لانهم يساعدو على رفع نسبة السكر.
ممكن تستخدمي الطريقه الامريكيه لتخفيف من السكر والي هيه:
يوم تكونين خلاص مب قادره اتيودين عمرج وتبين تاكلين اي شي سويت خذي لج حلاوة المصاص!!! لا تستغربي حبيبتي هاذي من انجح الطرق لتخفيف السكر والوزن بشكل عام ودائما اخصائين الصحه العامه وخبراء التغذيه في امريكا ينصحون فيها للاشخاص في حالة كانو مره مشتهين طعم السويت ،، حيث ان حلاوةالمصاص تعطي مذاق قوي بالسان وبنفس الوقت نسبة سكريات غير عاليه جدا مقارنة بقطعة كنافه او قطعة كيك او او او
بس طبعا مب كل شوي ، يعني لا تشغلين البطاريه :tongue: لووولز
اتمنى اكون افدتج حبيبتي واي سؤال عيوني لج