مشكلتيي

أولا ياقلبى شكلك فى سن المراهقة صح؟؟:wink:
لأن عادة المراهق بيكون اكثر حساسية لأى مواقف تحصل معاه وبيتذكر كل شىء
لكن الواقع إن ممكن تكون والدتك بتنسى جدا
أو ممكناختك تكون هى أقرب لوالدتك ومصاحباها أكتر فامك عارفاها وعارفة إنها ممكن تتصرف إزاى فى المواقف المختلفة
وإنتى ممكن تكونى من بعد دخولك فى المراهقة بدأتى تصبحى اكثر غموضا وإنغلاقا على نفسك وبالتالى والدتك مش عارفة إزاى توجهك وتساعدك فبقت تضع لك معايير كتير
أو ممكن تكونى إنتى طيبة اكتر من اللزوم فهى بتخاف عليكى إنك ماتعرفى تدافعى عن نفسك أو إنك ماعندك خبرة للتصرف فى المواقف المحرجة
وبالنسبة لموضوع الفستان طب إنتى ما قلتيش أختك هتفصل برضه ولا هتعمل إيه
ماهى لو هتفصل ليه ماوديتى قماشك لنفس الخياطة
ولو هتشترى طب إنتى كمان إنزلى ودورى على اللى يعجبك
أنا عارفة إن شعور عدم المساواة مؤلم جدا لأنى مريت فيه فترة من الزمن ورغم غنى البنت الكبيرة إلا إنى كنت بأشعر بعدم المساواة بينى وبين اخى الاصغر فى اوقات عدة بس لما نضجت عملت حاجتين
أول حاجة صارحت والدتى بكل اللى كان بيوجعنى من عدم المساواة وهى إعترفت إنهم كانوا ساعات مش بيعدلوا بس لأجل غاية فى نفس يعقوب وليس ظلما
ولأنهم يعلمون انى سأقدر على التحمل وسأقدر الظروف طبعا اخبرتها بما كان يضايقنى
وبعدها صفيت قلبى مما كان يؤلمنى وندمت على أنى لم اصارح والدتى بما كنت اشعر به منذ زمن طويل لعلى كنت وفرت على نفسى آلام كثيرة
إذا حاولى الجلوس مع والدتك فى جلسة مصارحة فى وقت تكون هى هادئة فيه وتحدثى معها حول كل مايضايقك
وأطلبى منها معرفة السبب فى تفرقتها فى المعاملة بينك وبين اختك
وإن شاء الله قلبك يستريح