O?°· ( مع رمضان ركننا احلى - -·°TAG2 ) ·°?O

الله يعطيكم الف عافية
و صج الموضوع مميز وايد
و ناطرين مشاركات البنات :)


.. ديما ..

جميل

بالتوفيق للجميع

:)

مرحباااااا :)

موووضووع واايد حلوو (y)

يسلمووو مشرفاتنا الغالياات .. و نتريا العضووه برووود :o

حلووو...

يعيطك العافيه..

السلام عليكم ورحمه الله وبركاته

شحالكم خواتي !! عساكم بخير انشاء الله
اليوم 13 رمضان :( من شهر الخير والبركه

[BLINK]نصيحه يالغاليات [/BLINK]
لا يطوووووووووف عليكم الشهر بدون ما تغتنمون فرصه

العتق من النار

جعلنا الله من عتقاءه من النار جميعا يارب العالمين

وانا اذكر نفسي قبل لا اذكركم




طبعا اهني اختي الغاليه بلووووقه على الطرح المميز والتصوير الرائع
يعطيج ربي الف عافيه يالغلا ...........

و أحييج على إختيار اختنا المتميزه دايما ,,,,,,,,,, برود


إنشاء الله يكون الموضوع خفيف عليكم ويعجبكم جميعا


أحبكم في الله


عاشقه الدوحه

السلام عليكم ورحمة الله وبركاته

براقة.. حبيبتي والله تسلمين على الافتتاح المميز منك ويا رب يكون افتتاح خيرة وبركة
وتجمعا اسعد !!

اخترتي العضوة المميزة ونترياها كلنا ... برود

عشوووقة حبيبتي جزاك الله الف خير :)

هلاااااااااااااا والله..
نتريا الاخت بروووووووود بفارغ الصبر..
وتسلمون المشرفات على الموضوع الطيب عن جد مجهودواضح من قبلكم للركن..

صباح الخير
بما ان الاخت الغاليه برود طولت حبتين علينا بلالجابه
نعذرها طبعا اكيد منشغله

بنختار في الوقت الحالي العضوه

لولو بحر مكنون

ونرحب بمشاركه الغلا برود في اي وقت


لولو بحر مكنون

الأسئله هالمره شوي غير عنا المألوف بس الاجابه بتكون مفيده للجميع
1. ابغي صور 3 فرش اساسيه ما تستغنين عنهم بالمكياج
2.تحبين توزيع الفاونديشن بالاسفنجه ولا بالفرشاه يا ريت لو تصورين لي الاسفنجه
3.في مكياج العيون شو هم افضل 3 شادوهات عندج
4.شو هو روتين تنظيف الفرش بالنسبه لج يومي ولا اسبوعي
5.في رايج الشخصي هل طريقة ابراز جمال الوجه من خلال التركيز على مكياج العين ولا الوجه باكملهواذا العين هي الاهم في رايج شو الشي لي يجذب الرموش ولا الكحل

سؤال على الطاير - ورطه-لو قلت لج ابا صورة اغلى شي عندج من مكياجج كيف تصورينه لي بطريقه مميزه كانها صورة دعايه

مسا الخير عالحلوين
شحالكم عساكم بخير جميعاً
الصراحه تفاجأت برسالة مشرفتنا الحلوه
وماقصرت في الأسئله بس اسميج وهقيتي في آخر طلب لووووول
اسئلتكم وايد حلوه وان شاء الله طلبكم الأخير يكون مثل ما طلبتوا
احس اني ما فهمت الطلب صح
فلو كان غلط عادي طوفوها لول


لولو بحر مكنون

الأسئله هالمره شوي غير عنا المألوف بس الاجابه بتكون مفيده للجميع
1. ابغي صور 3 فرش اساسيه ما تستغنين عنهم بالمكياج

اعتبر كل الفراشي إلي عندي اساسيات
لأنه كل وحده تعطيج نتيجه معينه
اخترت هالثلاث لأنه يسهلن علي تفاصيل وايده

















الكبيره وايد احبها حق توزيع الفاونديشن - البودره واحياناً البلاشر إذا اباه وايد خفيف
وهيه غنية عن التعريف من ماك
الثانيه تعيبني في دمج الألوان امممممممم ما اعرف كيف اشرح
بس بعد دورها حلو في تشتيت الشدو عالأطراف
الأخيره اعتبرها اصغر فرشاه عندي .. ربيعتي ماخذتلي اياها
وايد وايد فنانه حق خط الألينر الرفيييييييييييييع جداً وحجمها وايد صغير

2.تحبين توزيع الفاونديشن بالاسفنجه ولا بالفرشاه يا ريت لو تصورين لي الاسفنجه

افضل الأثنين الصراحه
اساساً انا احب الفونديشن إلي يكون خفيف عالويه
وفي نفس الوقت مغطي البلاوي وموحد لون البشره
الفرشاه استخدمها في غير اوقات المناسبات
تعطيني تغطية حلوه وعقب اطبطب بالأسفنجه
علشان اعدل اثر خطوط الفرشاه
وفي المناسبات احط الفاونديشن بالأسفنجه واوزعه
والأسفنجه تكون الاسفنجه العاديه إلي تي ويا البودره عادةً



3.في مكياج العيون شو هم افضل 3 شادوهات عندج

الصراحه افضل شدو جربته
هو بيجمنت من ماك اسمه تان
كلمة روعه شويه عليه









ان حطيتيه بروحه مع مسكرا سودا يطلع حلوووو (y)
وان زدتي عليه خط أيلينر او
دمجتيه مع ألوان ثانيه بعد أحلى وأحلى
عموماً انا وايد احب البرونز والألوان اللحميه واحسبها تنفع لكل وقت

الثاني من انجلوت









اسميه بني لحمي
وايد يعيبني وبعد ينفع تدمجينه ويا الوان ثانيه
ميزته انه من الألوان اللحميه إلي وضوحها عالي
وهذا إلي يعيبني في شدوهات هالماركه
للألوان الباهته بالذات
ويوم ادمجه ويا لون فاتح يعطيني هالنتيجه بالضبط









الثالث من شانيل
لونه اصفر ذهبي ووايد حلو حق تحت الحاجب









4.شو هو روتين تنظيف الفرش بالنسبه لج يومي ولا اسبوعي

تقريباً بشكل اسبوعي مب يومي
لأنه استخدامي اليومي للفراشي
يقتصر على فرشاتين
فرشاة الألينر وفرشاة البلشر

5.في رايج الشخصي هل طريقة ابراز جمال الوجه من خلال التركيز على مكياج العين ولا الوجه باكملهواذا العين هي الاهم في رايج شو الشي لي يجذب الرموش ولا الكحل

100% الويه بالكامل
مع انه وايد يهمني جمال العيون
بس للأسف وايدين ما يهتمون بهالنقطه إلي هيه مكياج الويه
يصرفون مبالغ على الشدوز والماكييرات
وفي المقابل البشره تعبانه - حبوب -هالات
وكل ما ساءت حالة البشره زادت كميه الفاونديشن
ومخفيات عيوب البشره
والنتيجه في النهايه كمية طحين وطبقه اعتبرها مقززه
ومن غير انه الماكييرات اغلبهن
يستخدمن فاونديشن واحد او ثنين لكل الزباين
فهنيه تبين عيوب المكياج على رغم من جمال مكياج العيون

اكثر شي اكرهه يوم اشوف وحده ميكبها روعه
ويوم اقترب منها ألاحظ طبقة الفاونديشن والبودره إلي حاطتنا
ولو نلاحظ الأجنبيات يكتفن بلمسات بسيطه سحريه يخفون فيها عيوب بشرتهم وعملية الكنتورينج للويه
علشان يبرزن جمال بشرتهن وجمال عيونهم
واشوف انه جمال الرموش هو إلي يبرز جمال العين


سؤال على الطاير - ورطه-لو قلت لج ابا صورة اغلى شي عندج من مكياجج كيف تصورينه لي بطريقه مميزه كانها صورة دعايه

امممممممم تراني ما فهمت الطلب عدل
هل هو اغلى عندي من ناحية سعره
او اغلى عندي ك شي مفضل مااستغنى عنه؟!
أنا مشيت على الفكره الثانيه

وايد وايد وايد احب بودرة الإضاءه من shu uemura
وهالشي من سنين
بالذات الدرجه إلي اسمه Pearl
مب عشان اني احب اللولو بس هيه أحلى درجه
فيها اضاءه اكثر من لمعه وهذا الحلو فيها
واحبها اكثر شي ويا البلاشر العنابي وسبحان الله من احطها الكل يسألني شو حاطه

محاولة بسيطه اونها دعائيه "تذكرت ايام الجامعه كان عندي كورس بنفس هالفكره لول"









ومشكورة عالإستضافه وما قصرتي يا مشرفتنا الله يوفقج يارب

ماشاء الله عليج يا لولو بحر مكنون دائما تعطين الشي حقه كامل ومكمل ..

لولو بحر مكنون

ما شاء الله تبارك الرحمن مشاركتج قمه على قمه و ذوقج قمه
تصويرج خطير تبارك الرحمن

الصراحه كلامج عن البشره صح الصح و انا من المهملين لهالنقطه بس بديت اعتني بها اكثر و الفرق واضح!
مشكوره مره ثانيه على تلبيه الدعوه .. ضيفه مميزه

و ترقبوا العضوه الثاليه من اختيار مشرفاتنا

ما شاء الله عليج ياللولو ..

فناااانة =)

ماشاء الله فناانه
وكلامك ونصايحك بمحلها
مشكوره يالغلا
وعجبتني الصوره الاخيره ابدعتي

ماشاءالله انتي مميزه
الله يعطيج العافيه

لولو بحر مكنون
ماشاء الله تبارك الرحمن عليج
أبدعتي من الخاطر
أجاباتج كافيه ووافيه و نصايحج صحيحه 100%
قريت ردج اكثر من مره وعجبني اسلوبج حيل
يعطيج الف عافيه فديتج ...........

[B]لولو...}}
ما شاء الله انتي ختيرررررررة بالاجابات استمتعت بالصور والكلام
وكل كلمة قلتيها 100% كان في بالي وصح كلامج وانا حاليا احاول اهتم ببشرتي
واخفف بان اساسا مكياجي مب قوي بس الواحد لازم يهتم وبين كل الفئات
مو فئة وحده اذا بداتي من الصغر خلاص بشرتك بتكون حلووة !!
مشاركتك اسعدتنا :)
[/B]

عضوتنا الي اخترتها هي

aNa QaTaRia



أسئلتنا هي :

1. ابغي صور 3 فرش اساسيه ما تستغنين عنهم بالمكياج
2.تحبين توزيع الفاونديشن بالاسفنجه ولا بالفرشاه يا ريت لو تصورين لي الاسفنجه
3.في مكياج العيون شو هم افضل 3 شادوهات عندج
4.شو هو روتين تنظيف الفرش بالنسبه لج يومي ولا اسبوعي
5.في رايج الشخصي هل طريقة ابراز جمال الوجه من خلال التركيز على مكياج العين ولا الوجه باكملهواذا العين هي الاهم في رايج شو الشي لي يجذب الرموش ولا الكحل

سؤال على الطاير - ورطه-لو قلت لج ابا صورة اغلى شي عندج من مكياجج كيف تصورينه لي بطريقه مميزه كانها صورة دعايه

لولو البحر المكنون
وايد حبيت مشاركتك واييييييد
كلك ذوق ما شاء الله
في انتظار العضوه انا قطريه