اللهم صلي على محمد وآل محمد
احتفلنا بذكرى ميلاد بنتي ألي كملت سنتين وولد أختي كمل ثلاث سنوات الله يخليهم إن شاء الله
اثنينهم مواليد شهر مايو فرق بينهم عشرة أيام عشان جذي سوينا لهم حفلة مع بعض في نفس اليوم
الصور عندي من زمان وان شاء الله راح تشوفون كل التجهيزات اللي سويناها أني وأختي مع بعض
وهذي صورهم في الاستديو مع بعض ما شاءا لله تبارك الرحمن
اثنينهم مواليد شهر مايو فرق بينهم عشرة أيام عشان جذي سوينا لهم حفلة مع بعض في نفس اليوم
الصور عندي من زمان وان شاء الله راح تشوفون كل التجهيزات اللي سويناها أني وأختي مع بعض
وهذي صورهم في الاستديو مع بعض ما شاءا لله تبارك الرحمن
الحفلة كانت في بيت الوالد الله يحفظه عائلية وبسيطة
*بطاقات الدعوة شريناها جاهزة وقمت بتغيير بسيط فيها اني طبعت صورهم في اطار حلو ولصقتها على البطاقة وهذي شكل البطاقات مع الظروف مالهم
*التزيين كان في نفس اليوم العصر بالبالونات والشرائط وزين ورقية على شكل حلقات متداخلة وعبارة happy birth day علقناها في السقف ما قدرت أصور أكثر لان الأهل موجودين في الصالة
في وقت الحفل كان في عرض لصور بنتي وولد أختي من وهم صغار لعمرهم الحالي على التلفزيون مع الموسيقى عن طريق الدي في دي
الوجبات كانت عبارة عن سندوتش جبن وبيتزا و فلافل وكباب وسمبوسة شرينا صحون ورق حطيناهم عليه وغلفناهم بأكياس و معاهم مشروب
والحلو كان بسكوت غلفنا كل حبة بروحها وبسبوسة لذبذة من شغل أختي بس نسيت أصورها بالإضافة إلى كيكة الحفلة
الكيكة كانت بلونين ازرق ووردي شكلها كان حلو وطعمها حلو ولد أختي صاحب الحفل هو أختارها من البوم المخبز
- وزعنا على الصغار قبعات وصفارات
-
و كيس في هدايا بس نسيت أصورهم قبل لا نحطهم في الأكياس البنات قلم , ربطات شعر ، استكرات ، دفتر صغير والاولاد سيارة ضغيرة ، وحيوان لعبة صغير ، واستكرات
وزعنا كيس صغير فيه حلويات على الصغار والكبار
- ونهاية الحفلة كان في سحب على أرقام المعازيم ونسيت أصور الهدايا اللي سحبنا عليهم
وآخر شي هذي صور الهدايا اللي حصلوهم في بعد هدايا ما صورناهم
هذي صور هدايا بنتي وهدايا ولد أختي ما صورتهم بكاميرتي نسيت في هدايا ما صورتهم هدية من عند أخوي الكبير وكانت عبارة عن صورة بنتي و مشتغل عليها بالفوتوشوب وخلاها في اطار كبير من الاستديو وولد اختي بعد نفس الشي وهدية اخواني لصغاركانت كرة كبييييرة ملونة لبنتي وولد أختي وهدية امي بدلة وعطر مسك أبيض
في النهاية امنى تكون الحفلة البسيطة عجبتكم ودعواتكم لنا بالخير
ولا تنسون التقييم اذا عجبكم الوضوع لاني تعبت على ما نزلته لعيونكم (f)
في أمان الله