تجمع للبنات اللي شعرهم خفيف

انا شعري خفيف ودهني

صرت الان استخدم زيت زيتون و شامبو بالليمون

تعبت منه

بدي اكثرة واطولة لان عندي مناسبة مهمة ان شاء الله

و بدي اكون مميزة

و يارب تضبط شعورناا

ياعمري الله يعطيك العافيه
بنات
ايش رايكم نسوي جدول للاهتمام بالشعر الدهني ؟؟؟

الجدول
السبت زيت الحشيش + شامبو نونو
الاحد .. سدر
الاثنين ان احتاج شعرك غسيل >> سدر
الثلاثا زيت الحشيش + شامبو نونو
الاربعا ان احتاج شعرك غسيل >> سدر
الخميس ان احتاج شعرك غسيل >> سدر
الجمعه ثوم + غسل بشامبو نونو ...

السدر طبعا ينشف القشره ويعمل عمل الشامبو يعني اذا استخدمنا سدر مانستخدم شامبو
شامبو نونو اخترته لانه خفيف على الشعر

السلام عليكم

صباح الخير
الموضوع رائع انا اعاني من هذي المشكلة وخصوصا في المقدمة لكن الله يحفظكم بنصحكم بكثرة أكل البصل جداً مفيد لشعر يقوي وايضا يمنع التساقط طبعا تستخدمين معطر للفم او كلي بعده تفاح اخضر ممتاز والدتي الله يعطيها العافية تقول بداية الشي من معدتك ومشكلة شعري وراثية اخذتها من ابوي الله يرحمة واخواتي ماشاء الله عليهم شعرهن كثير وغزير ...
ولما عرفت ان زواجي قرب بدئت بعمل جدول اسبوعي لطريقة تغذي الشعر وتكثرة بس اهم شي الاستمرار
تاخذين صفار بيضة+ ملعقة مايونيز + ملعقة زبادي + ملعقة عسل سدر هذي الخلطة ممتازة شفت نتيجتها على وحدة من معارفنا كانت تعاني من خفة الشعر وماشاء الله بعد فترة توقعتها حاطة باروكة من كثر ماتحسن هي قالت لي انها استمرت عليها 3 شهور مرتين في الاسبوع وبعد كذا صارت تحطها كل مرةفي الاسبوع وتقعد الخلطة على شعرها من ساعتين الى ثلات وتغسل شعرها باي شامبو انتي تستخدمينة وآخر شي تغسلينة مع خل التفاح بنظف وبعطي لمعة للشعر
واما بخصوص الريحة بخري شعرك بالعود الأزرق انا بدئت فيها لي ثلاث أسابيع وحاسة شعري طربان ومنتعش وطبعا بعد الزواج انصحك ماتسوينة إلا لما تتاكدين ان زوجك بغيب عنك فترة طويلة
وهذي الخلطة تفتح مسامات فروة الراس وتنبت الشعر وطبعا اضيفي على كل هذا حبة زنك يوميا تاخذينها عشان تساعدك بسرعة وتشوفي النتيجة اسرع
وماابي منكم غير الدعاء لي ولوالدي الله يرحمة ويتمم زواجي على خير

حلو
الله يعطيك العافيه (f)
طيب شعرك خفيف ايش طبيعته ؟
ناعم ودهني ؟ <شعري :o
الله يوفقك بزواجك ويسخر لك زوجك يارب
وفعلا كلام الماما صحيح اهم شي التغذيه
بديت اهتم باكل الفاكهه يومي
وحبوب خميرة البيره لانها فيتامين B
اما حبوب الزنك خطر لان ان زاد نسبة الزنك بالجسم يضر ويكون اضرار
الزنك مره خطير لتقويه المناعه لكن الدكتور مره خوفني منه

العروسة حلا;10372159:
انا شعري خفيف ودهني

صرت الان استخدم زيت زيتون و شامبو بالليمون

تعبت منه

بدي اكثرة واطولة لان عندي مناسبة مهمة ان شاء الله

و بدي اكون مميزة

و يارب تضبط شعورناا

لاحظتي ان هالشامبو قلل من الافرازات الدهنيه ولالا ويارت اتحطين له صوره

بيتا;10374436:
ياعمري الله يعطيك العافيه
بنات
ايش رايكم نسوي جدول للاهتمام بالشعر الدهني ؟؟؟

الجدول
السبت زيت الحشيش + شامبو نونو
الاحد .. سدر
الاثنين ان احتاج شعرك غسيل >> سدر
الثلاثا زيت الحشيش + شامبو نونو
الاربعا ان احتاج شعرك غسيل >> سدر
الخميس ان احتاج شعرك غسيل >> سدر
الجمعه ثوم + غسل بشامبو نونو ...

السدر طبعا ينشف القشره ويعمل عمل الشامبو يعني اذا استخدمنا سدر مانستخدم شامبو
شامبو نونو اخترته لانه خفيف على الشعر

قصدك شامبو الاطفال اذا هم ماينظفعدل مايشيل الزيت من الشعر

شهد الكلام;10374543:
السلام عليكم

صباح الخير
الموضوع رائع انا اعاني من هذي المشكلة وخصوصا في المقدمة لكن الله يحفظكم بنصحكم بكثرة أكل البصل جداً مفيد لشعر يقوي وايضا يمنع التساقط طبعا تستخدمين معطر للفم او كلي بعده تفاح اخضر ممتاز والدتي الله يعطيها العافية تقول بداية الشي من معدتك ومشكلة شعري وراثية اخذتها من ابوي الله يرحمة واخواتي ماشاء الله عليهم شعرهن كثير وغزير ...
ولما عرفت ان زواجي قرب بدئت بعمل جدول اسبوعي لطريقة تغذي الشعر وتكثرة بس اهم شي الاستمرار
تاخذين صفار بيضة+ ملعقة مايونيز + ملعقة زبادي + ملعقة عسل سدر هذي الخلطة ممتازة شفت نتيجتها على وحدة من معارفنا كانت تعاني من خفة الشعر وماشاء الله بعد فترة توقعتها حاطة باروكة من كثر ماتحسن هي قالت لي انها استمرت عليها 3 شهور مرتين في الاسبوع وبعد كذا صارت تحطها كل مرةفي الاسبوع وتقعد الخلطة على شعرها من ساعتين الى ثلات وتغسل شعرها باي شامبو انتي تستخدمينة وآخر شي تغسلينة مع خل التفاح بنظف وبعطي لمعة للشعر
واما بخصوص الريحة بخري شعرك بالعود الأزرق انا بدئت فيها لي ثلاث أسابيع وحاسة شعري طربان ومنتعش وطبعا بعد الزواج انصحك ماتسوينة إلا لما تتاكدين ان زوجك بغيب عنك فترة طويلة
وهذي الخلطة تفتح مسامات فروة الراس وتنبت الشعر وطبعا اضيفي على كل هذا حبة زنك يوميا تاخذينها عشان تساعدك بسرعة وتشوفي النتيجة اسرع
وماابي منكم غير الدعاء لي ولوالدي الله يرحمة ويتمم زواجي على خير

الخلطه مافيها ريحه كريه
بعدين شنو العود الازرق

تغسلون شعركم يوميا موزين
ولاتمشطون شعركم تحت المويه لما ينشف تمشطونه

زيت دابر الاصلي بو ريحه + زيت خروع + زيت لوز+ زيت زيتون+ سدر+ حنا هذي الاشياء الي بصراحه حسيت لها تأثير مباشر لشعري

زيت دابر + حنا طول شعري وخفف التجعدات بشكل ملحوظ وصار شعري صحي وملحوظ
زيت دابر سود شعري بس الحنا وقلبه من بني الى اسود تماما بس مع الحنا يصير توازن وترك شعري بلونه الطبيعي

مع ان ماصار لي 3 مرات وانا احط زيت دابر + مع الحنا

زيت خروع يقوي الشعره ويثبتها مايخليها تنقطع بسرعه او تطيح بسرعه

زيت اللوز بصراحه حسيته صار شعري موجاف واحس كانه صحي شوي يعني تأثيره مو ملحوظ بس مايخلي الشعر سيء

زيت الزيتون زين للي شعرهم قوي وكثيف لأنه يلين الشعره ويعطيها نعومه وليونه
وهذا مو زين للي شعرهم خفيف او ينقطع ويتقصف بسرعه يعني الي تستخدمه لازمي كون شعرها صحي وكثيف وقوي <<<اذا احتاجت وحده تلين شعرها شوي من القوه



السدر الشامبو القديم حق القدماء ماكان عندهم شامبو هذا كلام امي وجدتي وكانوا يغسلون شعرهم بالسدر
وكان شعرهم كثيف وطويل


وكانوا يستخدمون زيوت وكريمات طبيعيه
يعني اعتمدوا على مواد قديمه يعني كريم قديم هذا الاخظر نسيت اسمه بس قديم مره
هذا الي يستخدمونه

واذا يصبغون شعرهم حنا >>>بس يقوي الشعر لاتحطون كثير منه بس مره كل شهر لأنه يعالج الفطريات والميكروبات هو والسدر ويعالج فروه من القشره الي تسبب في تساقط الشعر

وغسلوا شعركم بمويه معبأه مو موية الي توصل من الحكومه مياه البحر الي تصفيها الحكومه وتخليها نص مالحه

احنا نسميه (بيذر ) يعني موية الشرب اانا الاحظ شعري يتحسن من اسافر لدوله او منطقه يكون المويه الي في الحمامات الله يعزكم نفس موية الشرب

وقصوا شعركم قصه تضيف كثافه يعني توحي بكثافة الشعر
انا لاحظت تأثير القص على تحسن شعري من كافة النواحي

وقبل كل علاج تصدقوا وادعوا وانتوا خلال فترة العلاج او وانتوا تزيتون شعركم ادعوا واقرئوا اي ايه قرانيه

ولاتنسون اهم شي التدليك ثم التدليك ثم التدليك
ينبت الشعر من الجذور ويطول الشعر بعد


في مره رحت اقص مدري املس شعري
وشافت القشره الفلبينيه وقال لامي فركي شعرها بالليمون ومن جد خفت القشره



نسيت اقولكم شي مهم

النفسيه ثم النفسيه ثم النفسيه لازم تكون مرتاحه وماتفكرين بشي
لانه صدقوني عن سابق تجربه مايدمر الوحده في شكلها ووزنها وشعرها ونقاوة بشرتها الا نفسيتها

لاتطالعين في شعرج كل يوم وتحاتين فيه شعري متقصف شعري خفيف شعري قصير شعري فيه قشره
انا جاتني فتره اسوي كذا بعدين طنشت وصار مايهمني مع انه صار خفيف وقصر لنص ظهري وانا كان واصل لفخوذي دائما الي يجي يجلس جنبي يجلس على شعري من طوله وصار فيه قشره وقبل كان شعري حرير مثل اليابانيات بالضبط
وكان كل مايشوفووني وين شعرج قبل وين شعرج الحين وينتقدون وارد عليهم الحمد لله شعري الياباني والصحي ماشفته ماينتحسف عليه لاني كنت صغيره ..ومشهوره بالعائله بحلاة شعري <<<عشان كذا صادتني شكلها عين
والله تحسن وصار احسن

صرت اقصه وخايفه ان مايطول مثل كل العائله وراثه بس ماهتميت وكنت اقنع نفسي لا انا غير عائلتنا شعري اذا قصيته بيرجع مثل قبل
ومن جد طول صحيح لسا مو مثل قبل بس احسن من غيري
وتقصف خف كثير ماراح بس خف
وشعري رجع رد شوي كثافته والقشره خفت بقوه
للحين في مشاكل بس ماعاد يهمني ولاحظت لما طنشت صار احسن شعري
طبعا مع استخدام زيت دابر والحنا والسدر بين كل فتره كل كم شهر مالتزم بصراحه كثير
وقنعت نفسي ان كل زيت استخدمه ينفع شعري ومن جد لاحظت ان كل زيت استخدمه صار ينفع شعري وبشكل سريع غي عن قبل اتعب وانا احط ومافي فايده

واقرأ وا على نفسكم عن الحسد ... مشكلتي دائما انسى
واذا احد قالك شنو تسوين في شعرج قولو لهم اني ازيته ومن هالشغلات لاتقولون طبيعي عن العين


شعري انا مو روعه بس الحمد لله على كل حال
اهم شي تقنعين نفسك ان كل علاج بتستخدمينه بيأثر بشكل ايجابي

بنت قطر22;10376328:
قصدك شامبو الاطفال اذا هم ماينظفعدل مايشيل الزيت من الشعر

استعمله وينظف شعري وتمام التمام
ان مانفع لك استعملي شامبو هيرال

بنات ايش رايكم باستعمال الشامبو الاحمر اللي بزجاجه القديييييييييييييم

ينشف الشعر مررره

بنات ابتعدوا عن البيض..لان كثرة استخدامه تسبب ثعلبة حتى الدكتور جابر حذر منه...وانا مرة استخدمت قناع البيض من ثالت استخدام سبب لى فطريات بشعرى والحمدلله عرفت السبب بدرى وتركته... المايونيز عبارة عن بيضة مخفوقة فهو بعتبر بديل ممتاز للبيض..

ملاحظة وحبيت اوصلها...

بيتا;10380131:
استعمله وينظف شعري وتمام التمام
ان مانفع لك استعملي شامبو هيرال

بنات ايش رايكم باستعمال الشامبو الاحمر اللي بزجاجه القديييييييييييييم

ينشف الشعر مررره

يعطيج العافيه عالنصائح

سدن الكعبة;10381631:
بنات ابتعدوا عن البيض..لان كثرة استخدامه تسبب ثعلبة حتى الدكتور جابر حذر منه...وانا مرة استخدمت قناع البيض من ثالت استخدام سبب لى فطريات بشعرى والحمدلله عرفت السبب بدرى وتركته... المايونيز عبارة عن بيضة مخفوقة فهو بعتبر بديل ممتاز للبيض..

ملاحظة وحبيت اوصلها...

مشكوره حبوبه وان كنت ناويه احط بيض لانه يخفف الدهن بالراس بس الحمدلله البنات نبهوني

سلام بنات
انا عندي نفس مشكلة الجميع من انا تقريبا بأول ثنوي
الخلطات كلللللها جربتها وبصراحة يأست يمكن لاني مو النوع الي يقدر يصبر على نتايج
ريقين 2% ناسب شعري اكثر من 5% بس صار لي احين تقريبا 5 شهور موقفة لاني مليت بعد ههههههه
عاد انا رحت سويت لي فحص في المبايض وطلع عندي تكييس فيقال ان احدى تاثيرات التكييس هو سقوط الشعر في مقدمة الراس فإن شاء اللله يارب اذا شلت التكييس بحوف شيصير عقبها
عاد انا طحت قبل جم يوم على اختراع حده دخل باليز بس دخلو قوقل وكتبو hairmax laser comb ودخلو موقعهم
هاذي يابنات اختراع توه عاطينه ترخيص لانه صح اثبت انه ينبت الشعر بحيث انه يركز ليزر على فروة راسج فتحفز نمو الشعر. المشكلة سعره 180 دينار تقريبا وانا مابي اراهن فلوسي على شي ماعرف اذا بينفع ولا ولا بس والله في نفس الوقت حاطه في بالي لازم اجربه. جوفو الموقع وقولو رايكم فيه

الهم لك الحمد كما ينبغي لجلالك وعظيم سلطان

اللهم اشفي انت الشافي لاشفاء إلا شفائك شفائا لايغادر سقما

شكرااااااااااااااااااا

مرحبا بنات

أنا أعاني نفس مشكلتكم .. انشالله لي عودة مع المنتجات و الادوية يلي أستعملها بالصور .

هلاااا بنات .. حسبوني معااكم بالشلة :confused:..

شكرا خيتي على المعلوومة << حسافة كنت استخدم بييض وزيت زيتون وفيه تحسن ..

<< متابعة معاكم وبخبركم عن تجاربي عما قريب .. :15:

m!ss 3rbgeah;10488957:
هلاااا بنات .. حسبوني معااكم بالشلة :confused:..

شكرا خيتي على المعلوومة << حسافة كنت استخدم بييض وزيت زيتون وفيه تحسن ..

<< متابعة معاكم وبخبركم عن تجاربي عما قريب .. :15:

ننتضرج حبوبه

حرامية كيوت;10486119:
مرحبا بنات

أنا أعاني نفس مشكلتكم .. انشالله لي عودة مع المنتجات و الادوية يلي أستعملها بالصور .

ننتظر تجاربج