بنات البحرين.. بليز طلب اللي عندهم عبي محل شهايل

أنا أحب الناعم المميز...

هلا اختي

الناعم المميز عندج (الجنادرية) و(الخدر) ايصيرون في سوق واقف

هالمحلين يعجبوني

وعندج (شيلاتي) في محرق والمحل اللي يمه (عبايتي اجمل) اممممممممم

وفي محلات عبايات في شارع بوكواره (الرفاع) بس مامره سويت عندهم



وهذي عباية للعضوة (عيون بن عون) امسويتها في محل سراريح في
بوكواره وسعرها 115 دينار

وعندج محل (الفيروزة) في جدعلي

انتي لما بتيين البحرين انشالله بتقعدين جم يوووم؟؟

لان بالبداية لازم تفترييين على المحلات وبعدين تختارين واتفصلين

يوم واحد ما اتقدرين تفترين واتفصلين وخاصه ان امحرق والرفاع وسوق واقف بعيدين عن بعض

يعني الفره و اللف والدوران في يوم واحد وبعدها بتعبين وماراح

اتعرفين تختارين و اتفصلين بنفس اليوم

لان راح تتخذين قرار ابسرعه

اتمنى قدرت افيدج

هلا اختي انا تجربتي مع عبايات شهايل ماساوية انا فصلت عندها عباية للعيد وماكانت رخيصه سوتها لي 180 دينار والله ان العبايه لبستها ساعتين وبعدها على الزبالة من القهر وانحسرت عليها كلها انسلت من الاكسسوارات التعبانه اللي تحطها لان هي تحط تراجي وعقود بالعبايات ولما كلمتها وقلتلها اللي صار تقول ان مو مسؤليتها ان الفصوص والاكسسور اللي تحطه يسل العباية طالما انها طلعت من المحل عندها واذا تبين مثل ماقالوا البنات في المحرق محلات وايد كلهم عندهم عبايات روعه

البحرينية
بال كلش مايسوى اذا جذي..الله يعوضج بافضل منها يارب

بالنسبة للعبايات
عندج اختي سوق واقف..جدعلي.بوكوارة ..المحرق
المحرق اسعار وايد تمام وزينة

حبيبتي عندج وايد محلات غير شهايل انه رحت جم مرة محلها وايد دفش وموحلو واااااايد

عندج في محرق كرميلا حلوووو واسعارهم مناسبة

عندج محل جديد حلووو وايد اسمه فيونكة كتور

في بوكواره الرفاع شوفي خلي المنتزه مشاهدج يايه من شارع بوكواره لفي يمين يجيج دوار روحي سيده في اهني محلات وايد طوفيهم بتجيج لفه على اليمين خليها بعدها كفتيريا الزاويه الظبيانيه لاصق فيه المحل

اتمنى اني افدتج