منبر مدرسات التربيه الجدد حياكم

اتصلولي التربيه عشان اروح استلم رساله التوظيف واوديها للمديرة
وعندي دورة من الاثنين لي الخميس في مدرسه خوله
في احد يعرف ليش هالدورة وشنو بسوي اول يوم في المدرسه

الله يوفقكم ويكتب لكم الخير حبيباتي

السلام عليكم ورحمة الله وبركاته :15:
شخباركم بنات؟؟؟؟ أدري من زمان مادشيت الموقع .... شاسوي صادتني ظروف قاهره خخخ
اول شي نبارك لصاحبة الظل الخفي ,,, وإن شاء الله يحطونج في مدرسه زينه (f) ... وعقبال الباقي ياااارب
آنه الصراحه وااااايد متغربله من الشغل الزايد .... مو متعوده :tongue: .... سنتين قاعده في البيت وبعدين مرة وحده شغل ... ومتطلبات زايده وفي كثير من الاحيان بايخه..... مدرستنا مسويه روحها كلش وكارفتنا من الزين ..... خاصة إن الاسبوع الياي بيونا هيئة ضمان الجوده ..... وما أدراك ما لهيئة:ss:
المدرسة مقلوبه فوق حدر عشان هالزيارة الميمونه ..... الله يساعدنا عليهم
المدرسات حبوبات بس وايد يتحلطمون عالوضع خخخخ..... حتى صرت اتحلطم وآنه ما صار لي في الوظيفه غير شهر واحد بس ....الله يستر

ابتسامه نور;10468108:

مبروك صحوب .. زين ما أخروكم وايد صديقتي نادوها شهر 10 و استلمت الرساله و داومت شهر 1 ..

يعني حطوج ثانوي ؟؟

الله يبارك فيج حبيبتي
جانزين انه نفسها:tongue: ابي اقعد مع يويو شوي ووراي عمليه ماعرف شباسوي
ماظن ثانوي شكله ابتدائي بخبركم يوم الاحد

ابتسامه نور;10469479:

سلامات صحوب عسى ما شر .. ان شاء الله ابتدائي اريح لج و ان شاء الله بنات ..

الله يسلمج يوم كنت حامل صادني حصى في الكلى والحالب فحطولي بيب لان ماكانوا يقدرون يسون شي عاد الحين لازم اروح عشان يشيلون البيب ويفتتون الحصى ومابي من اولها اجازات
تصدقين مافكرت ابتدائي صبيان الله يستر بس

سمايلي
ماتعرفين احد من الفنون نادوهم هالايام؟؟
يارب يصير شواغر وياخذونج

سؤال الحين اذا رحت المدرسه عشان اعطي المديرة الرساله بعدين شباسوي بتم ولا برجع البيت؟؟
والساعه جم اروح الوزاره لاني نسيت اسأله؟؟

بالتوفيق صحوبه ودام الورشه في مدرسة ثانويه يعني اغلب الظن وظفوج ثانوي ع فكره اهي نفس مدرستي اللي وظفوني فيها إن شاء الله نشوفج هناك هههههههههههههه..
وبالنسبه للرساله اول ما تودينها خلاص تعتبريين موظفه رسميين وتواصليين الدوام عادي وبالنسبة لساعتيين الامومه ع حسب تعاون الادارة وياج لانه اول سنه تعتبر تجربه يعني بالعربي مالج حق في اجازه الوضع وساعتيين الامومه وهالسوالف بس في ادارات اوكي فيسمحون لج حتى الاجازات المرضيه لازم يمر على توظيفج شهر عشان يصير لج حق فيها ولو غبتي قبل الشهر حتى لو بعذر ينخصم علييج بس اهم شي صحة الواحد والفلوس تتعوض...

ابتسامه نور;10472792:

(f)(f)(f)

صباح الخير ..

شخباركم ..

جمعه مباركه ان شاء الله ..

سلامات سلامات ..

ما تشوفين شر ..

شعليج منهم بعد هذي صحتج و عادي الاجازات بعد شي مو بيدج ..

ان شاء الله يحطونج في مكان ترتاحين فيه و قريب من بيتج و لا في ناس وايد يدرسون صبيان و مرتاحين و ما يبون ينقلون لمدارس بنات ..

شر ماييج حبيبتي
ان شاءالله يكونون متعاونين ويرضون ولو بدون راتب راضيه
ان شاءالله يارب وايد قاعده احاتي ان شاءالله المديرة والمدرسات حليوين

لا والله توني امس سألت وحده تقول ما سمعت احد اخدوه التربيه بس في وحده اخدوها وزاره النفط تقول وزاره جديده في المحرق تبع تمكين و وحده وظفوها في مدرسه خاصه بعد تبع تمكين ..

ان شاء الله يارب .. مع انه السنه الفنون كلش العدد قليل 13 بنت بس ..

انه سألت لان احنا التكنو 4 رفضوا الشغله لانهم يشتغلون ورواتبهم اكثر فصار مجال
ان شاءالله يارب تتوظفين في اي مكان مو شرط التربية

روحي الوزاره من الصبح وقت الدوام .. و بعد ما تودين الرساله المدرسه خلاص تقعدين وياهم لوقت الدوام .. بس انتي عندج ساعتين امومه .. يعني بتطلعين قبل المدرسات ..

بالتوفيق صحوب ..

دعواتكم لي ..

(f)
انه عبالي بطلع
انه اصلا مو عارفه اشلون بطلب ساعتين الرضاعه واخاف مايعطوني

كمام الأمل;10472863:
بالتوفيق صحوبه ودام الورشه في مدرسة ثانويه يعني اغلب الظن وظفوج ثانوي ع فكره اهي نفس مدرستي اللي وظفوني فيها إن شاء الله نشوفج هناك هههههههههههههه..
وبالنسبه للرساله اول ما تودينها خلاص تعتبريين موظفه رسميين وتواصليين الدوام عادي وبالنسبة لساعتيين الامومه ع حسب تعاون الادارة وياج لانه اول سنه تعتبر تجربه يعني بالعربي مالج حق في اجازه الوضع وساعتيين الامومه وهالسوالف بس في ادارات اوكي فيسمحون لج حتى الاجازات المرضيه لازم يمر على توظيفج شهر عشان يصير لج حق فيها ولو غبتي قبل الشهر حتى لو بعذر ينخصم علييج بس اهم شي صحة الواحد والفلوس تتعوض...

كلش ماتخيلت ثانوي يوم الاحد ان شاءالله بعرف
اذا جفتي وحده مضيعه يعني انه:tongue: دامج في خوله وين اروح اول ما اوصل لمديرة ولا مكان ثاني وشاودي معاي وشنو بيسون في الورشه
والساعه جم تنتهي الورشه اهوا قالي تبتدي 8 بس ماقالي لي متى او قال وانه ماسمعت
يارب يكونون متعاونين معاي انه استحي اقولهم ماعرف شباسوي ونهايه الشهر ولدي عنده تطعيم شكلهم بيفنشوني من اولها

ههههههههههههه صحوب ..

عاد من اولها جدي تفنيش لا الله لا يقوله ..

كمام .. صحوووب ..

صديقتي توظفت قبل لا تكمل بنتها الشهر ثاني يوم من رخصوها من المستشفى رحنا لها البيت من الصبح و عندنا الجريده و هي نايمه ماتدري بشي :D و بشرناها ..

و كان يعطونها ساعتين رضاعه .. بس انتي لازم تودين وياش شهاده الولاده اتوقع عشان تقولين لهم انه عندج بيبي ..

فديتكم وحشتوني فرحانه لج صحوبه حبيبتي وعن ساعتين رضاعه يعطون انا صديقتي الي معاي بقت لها سنه حق ساعة رضاعه والمدرسه طلبوا منها رساله من المستشفى تفيد انها مرضع وبعدين وافقوا لها ونصيحه اذا عطوج اخذيها الصبح عشان مايوهقونج بعدين ويعطونج احتياط او يدبسونج بحصص
الله يوفقج يارب

بنات انا الحين احس ان راحت السكره ويات الفكره صج التدريس جدا صعب خصوصا مع الثانوي المراهقات مرحله صعبه في التعامل واحيانا تمر علي ايام احن نفس المدرسات القدامى واقول لهم شكلي ماباطول في التدريس بيضيع شبابي:confused:
والبنات قلت لهم ان منقوله بس ماصدقوا ولا طعوا خواتهم يعرفوني ماسوينا شي:ss:

والتحضير مايخلص نطلع من الدوام ونقعد نحاتي التحضير والاختبارات والحاله يعني الدوام 16ساعه تقريبا اقول طال عمرنا في هالوظيفه الي يبيلنا حقن صبر:rolleyes:
وبالمناسبه صديقتي اتصلوا فيها الوزارة وبتداوم في نفس مدرستي الاحد:D مسكينه احس بالحماس وبعدين باشوف الصدمه عليها:eek:

تصدقيين رغم اني في نفس المدرسه بس ماعندي خبر عن الورشه بس اهو المفترض تروحيين دايركت للمكتب المديره او المساعده واهي بتخبرج اغلب الظن راح يكون في غرفة مصادر التعلم وإذا تبين اي مساعده تعالي لي غرفة التربية الاسرية يم الاداره دايركت وإذا ما تدليين المدرسه قولي لي بدليج اهي يم مجلس الشورى والسفارة الاماراتية مجابل شارع المعارض تقريبا بالتوفيق حبيبتي ولا تنسيين يبي وياج نوت صغير وقلم عشان تسجليين الاشياء اللي بتاخذينها من الورشه عادة هالورشات تكون حلوه ومفيده بتستفيدين منها إن شاء الله

بحرينيه بالعكس استهدي بالله الشغله جلوه والتحضير حضري درس بدرسه و باقي الاشغال سويهم في الويكند..
والبنات في منهم الاوكي وفي منهم قليلات الادب بس لازم تشديين معاهم

بحرينيه اموره;10478769:
فديتكم وحشتوني فرحانه لج صحوبه حبيبتي وعن ساعتين رضاعه يعطون انا صديقتي الي معاي بقت لها سنه حق ساعة رضاعه والمدرسه طلبوا منها رساله من المستشفى تفيد انها مرضع وبعدين وافقوا لها ونصيحه اذا عطوج اخذيها الصبح عشان مايوهقونج بعدين ويعطونج احتياط او يدبسونج بحصص
الله يوفقج يارب

بنات انا الحين احس ان راحت السكره ويات الفكره صج التدريس جدا صعب خصوصا مع الثانوي المراهقات مرحله صعبه في التعامل واحيانا تمر علي ايام احن نفس المدرسات القدامى واقول لهم شكلي ماباطول في التدريس بيضيع شبابي:confused:
والبنات قلت لهم ان منقوله بس ماصدقوا ولا طعوا خواتهم يعرفوني ماسوينا شي:ss:

والتحضير مايخلص نطلع من الدوام ونقعد نحاتي التحضير والاختبارات والحاله يعني الدوام 16ساعه تقريبا اقول طال عمرنا في هالوظيفه الي يبيلنا حقن صبر:rolleyes:
وبالمناسبه صديقتي اتصلوا فيها الوزارة وبتداوم في نفس مدرستي الاحد:D مسكينه احس بالحماس وبعدين باشوف الصدمه عليها:eek:

بسومه يا حليلها رفيجتج وعليه ما تهنت بالقعده مع البيبي بس خوش بشاره وانتو رايحيين لها بالجريده يله الفال لج يارب ههههههههههههه