كيف كانت فترة النفاس !!! ... أنا خاااايفه موت ... ممكن تفيدوني

يزاكم الله خييييييييييير جميعا ما قصرتوا

^_^

إن شاء الله نويت أيلس بيت أمي أسبوع بالكثير 10 تيام وبرجع بيتي خلي زوجي يهتم فيني خخخ

شو وراه

وأهل زوجي بعد إن شاء الله ما بيقصرون

والله يسهل عليكم الحمل والولاده والنفاس وكل شي يااااارب ويرزقكم الذريه الصالحه آمييييييييييين

والله انا نفسكم مب عارفه شسوي,, لانه انا بكريه بس الصراحه موليه مب مقتنعه اني اسير بيت اهلي لانه في الشارجه وانا بيتي في دبي يعني كيف بخلي حبيبي زوجي روحه فالبيت ؟؟ منو بيلس وياه؟ منو بيخدمه؟ منو بيطبخله حرام....وغير عن جذي بيت اهلي هو بيت العايله وضيق ما برتاح هناك احس في بيتي كل شي متوفر وبرتاح اكثر فقلت حق الوالده تعالي يلسي عندي في النفاس قالتلي لا ما بيي انتي تمي عدنا وانا مستحييييييل ارتاح في بيت اهلي ما اتحمل الحشره موليه .....انشالله بس قلبها يحن وتيلس عندي على الاقل اسبوع لين ما اتعود على الياهل انا ابدا مالي في البيبيات ما اعرف اسويلهم شي :( واختي الكبيره يزاها الله خير قالت انا بيي ايلس عندج كمن يوم بس الله واعلم لو بتي ولا لا الله كريم وربي يسهل علينا امورنا يا كريم يا قادر

انا ربيت بقيصريه وكانت فترة النفاس عادية بس اول اسبوعين شوية الم وبعدين صار عادي

ورديت وسرت الكليه لانه كان عندي امتحانات وكنت بعدني نفاس

اختي عادي والله جنها ايام الدوره الشهرية وانتي بكرامه

والله يسهل عليج ان شاء الله

هنوده حبيبتي لاتخافين من النفاس والولاده
هو صج اول الايام تحتاجين شوي عنايه وتقدرين انتي تعتنين بروحج بس لازم
في احد يشيل البيبي عند ويساعدج اول الايام عليه لي ماتتعودين ويطيب الخياط
وبالنسبه للخياط لازم تهتمين فيه مو تهملينه علشان يلتئم بسرعه وتفتكين يعني حطي دوا عليه من اول الايام وتنقعي في ماي وملح وماي سافلون علشان ييبس بسرعه ...

وربيي يسهل عليج وماتتعبين ... وتولدين بالسلامه يارب ...

انا بكريه مثلك

انا ماعرف شنو الالم وشنوعه لاني ماجربت

بس هم قالو فترة النفاس 40 يوم مو علشان التعب او

علشان الالم وانج ماتقدرين تقومين بنفسج لا هو عادي

بس يختلف من وحده لوحده يعني اللي صحتها زينه تقدر بس 10 ايام

وفي ناس بس 3 ايام وناس 40 وبالموت تخف يعني هو بالاول والاخير يعتمد

على صحة الوحده وقوتها

وبعدين حتى لو ماتبين احد يساعدج حاولي ترتاحييييييييين لان هذي

من مصلحتج حتى لو ماحسيتي بالتعب لانه يمكن يظهر عليج بالحمل الثاني

لان اختي ماجات عندنا وكانت تقوم بنفسها من ولدت ماعدا الطبخ كانت امي تعمله لها

بس تاثرت بعدين وطلع التعب عليها في ظهرها ورجولها

مابي اخوفج وانتي براحتج يعني اهمش دايم تظلين مرتاحه والتساهيل من الله

يمكن انتي جسديا وصحيا قادره على هالشيء وماحد يعرف نفسه قدج

وانتي شوفي انتي تحسين انج قادره انج تقومين بكل شيء لوحدج

هنوده ..

انا مره قريت لج رد في موضوع ثاني انج ما بتمين بيت امج وكنت ناويه اكتب لج رسالة خاصه بخصوص هالموضوع.. لأنج ذكرتيني في نفسي هههههه بتواصل وياج فالخاص احسن..

يزاكم الله خير عالمشاركه خواتي

صراحه هالفتره صعبه للي ما جربها ... وأنا كل شي يديد عليه أخاف منه خخخخ

كل وحده ظروفها غير عن الثانيه وصحتها وتحملها للآلام وتأقلمها مع الوضع اليديد غير عن الثانيه

أتمنى تكون تجربتي سهله بإذن الله وأنا بتفق مع أهلي من الحين عالترتيبات وجي عشان هم يكونون مرتاحين ومستعدين وأنا بعد أكون مرتاحه وياهم

والله ييسر لكم اللي فيه الخير ويرزقكم ولاده سهله آمييييييييين

^_^

مفتون

يزااااااااااااااج الله خير عالرساله أستفدت منها وايد ^_^ والله يوفقج ويفرحج بعيالج ياااااااارب

تسلمين يالغاليه