المقادير :
1 قشطة نستله
باقي المقادير الجايه نستعمل لها نفس علبة الققشطه بعد مانغسلها وننشفها عدل :
1 سكر
1 جوز الهند ناااعم مو خشن ، يعني حباته صغيره
1 زيت
2 سميد
2 بيض
1 ملعقة طعام عياريه وتكون ممسوحه بيكنج باودر ( 15 مل )
2 ملعقة صغيرة عياريه ممسوحة فانيليا بودرة ( 2.5 مل )
الطريقة :
نخلط كل المقادير مع بعض بخلاطة الكيك لمدة 3 دقايق أو 5 عشان تتعبى بالهوووا ، وبعدين ندخلها الفرن على درجة حرارة 200 وبتاخذ من نص ساعه إلى 40 دقيقة .
بعد ماتطلعونها من الفرن قصوها على طووول ، وصبوا فوقها حليب نستله مركز نفس الكميه اللي انا صابتها ومبين فالصوره ، ورشوا الوجه بجوز الهند أو دارسين مطحون أو فستق مطحون .
بعد ماتبرد نقلوها حق صحن التقديم ، وبالعافيه وعلى ضماااااااااانتي بينمسح الصحن وبيقولون هل من مزيد
ملاحظات :
البيض وجوز الهند يكونون بدرجة حرارة الغرفه يعني طلعوهم قبلها بفترة من الثلاجه ، تقريباً قبلها بساعتين .
القشطه قبل ماتفتحونها ، رجوا العلبه عدل عشان قوام القشطة يصير ساااائل .
كل المقادير الناشفه تكون في حدود علبة القشطه يعني ماتكون طافحه ، لا ممسوحه .
الحليب المركز يكون بدرجة حرارة الغرفه او مصخنينه بالمكرويف 15 ثانيه بس
البسبوسه قبل مادخلها الفرررن
بعد ماطلعتها وقصيتها على طوول وصبيت عليها الحليب المركز ، وبعدين اوزعها لين بردت عدل
شوفوها شلون منتفخه وهشششششه
ترى أنا مسويتها احم احم ، بكره كلكم لازم تجربونها