بنتي دمها ناقص

مشكورين على النصايح لأني أعاني من نفس المشكلة بالضبط

موضووع رائع
وأتمنى الكل يتفاعل ,, عشان نستفيد
ولدي بعد دمه ناقص 10,2

رو و و و عة يسلم و و و

سويت ليها عصير البرتقال والتفاح والتمر والحمدلله حبته
بس عصير الطماط ماحبته كلش
انزين من وين اقدر احصل الزبيب الاسود في البحرين؟

البقدونس شلون اقدر اضيفه لاكل بنتي؟

الزبيب الأسود شريته من جيان بس لو تحصلين في مكان ثاني يمكن نوعيته افضل بس هذا مشى الحال معي رغم ان ما حسيته 100 ال 100

ولدي ما يحب عصير الطماط كلش لما اعطيه إياه يذوق شوي ويباعده ويضحك .. يقول تماتة مو حلو مو دين !!! بس هو يحب الطماط المقطع كثير فصرت لما أقطع له الطماط أحط له الماي اللي يطلع منه في قلاص أو اخليه يشربه من الصحن وواجد يحبه !!!

البقدونس عادي بعد ما تسوين اي شيء " خصوصا الشوربة " ضيفيه في الآخر وخليه يذوب في الاكل

صارت عندي خبرة شويونة لأن ولدي حامل السكلر فبصعوبة يزيد دمه ولازم اركز على هالشغلة

رقم;10200002:
الزبيب الأسود شريته من جيان بس لو تحصلين في مكان ثاني يمكن نوعيته افضل بس هذا مشى الحال معي رغم ان ما حسيته 100 ال 100

ولدي ما يحب عصير الطماط كلش لما اعطيه إياه يذوق شوي ويباعده ويضحك .. يقول تماتة مو حلو مو دين !!! بس هو يحب الطماط المقطع كثير فصرت لما أقطع له الطماط أحط له الماي اللي يطلع منه في قلاص أو اخليه يشربه من الصحن وواجد يحبه !!!

البقدونس عادي بعد ما تسوين اي شيء " خصوصا الشوربة " ضيفيه في الآخر وخليه يذوب في الاكل

صارت عندي خبرة شويونة لأن ولدي حامل السكلر فبصعوبة يزيد دمه ولازم اركز على هالشغلة

مشكوورة رقم عالرد ..استانس اذا اشوف ردش مادري ليش
امس سبس شربت شوي من عصير الطماط وطلعته
عطيتها شوي كيوي وطلعته بعد ماعجبها
احترت وياها احسها ماتاكل عدل:(
يجنن ولدش وهو يتكلم الله يخليه

ولدي نفس الحال بس المشكلة انه وزنه تمام حتى ان الدكتورة قالت لي سويله دايت

بس دمه ناقص 9 واهو عمره 9 شهور .. واهو فيه مرض نقص الخميرة مادري اهو السبب ولا لا

عطتني حقه دوا الحديد اعطيه 4 مل مرتين باليوم

استفدت من ردود البنات واااااااايد

وباقولكم عن شغلات اسويها حق ولدي وان شاء الله تنفع معاه ويزيد دمه

عقب ما اعطيه الدوا اسويله بالخلاط تفاحه وبرتقاله وااكله بالقفشة .. اخلي القوام مو سائل لا اخليه وسط

واذا بعطيه حليب لازم بعد ساعتين عشان جسمه يستفيد من دوا الحديد ومن خليط التفاح والبرتقال

وولدي قبل يموووت في الشوووفان فانا شسويت قمت اقطع قطع صغار بروكلي و سبانخ واضيفهم الى الشوفان

والحمدلله اكل مع ان باين عليه انه حس بالتغيير


يعني الخلاصة من الردود
الاشياء المفيدة للدم

الزبيب الاسود

الدبس

البرتقال والتفاح والكيوي .. سمعت بعد ان المشمش او المشمش المجفف زين

والخضروات الورقية مثل : السبانخ . البروكلي . البقدونس . الجرجير << حاولو تضيفونها لأكله يحبها الطفل

ترى حتى الفراولة والبابايا والبطاطا مفيد حق الدم


والله يوفق الجميع