*** هل تكشفين عن وجهك إذا سافرتي للخارج ؟

مرحباا ياحلوين...
انا بالنسبه لي اكشف وجهي بس طبعا بحدود ماتكون طالعه مني ولا شعره بس طبعا مو بكل مكان واكيد طبعا لما اسافر رح اكشف وجهي

السلام عليكم
هلا البرتقالي
مشكور على الموضوع الحلو
الصراحه انا ما أغطي وجهي وتوني اليوم قررت اغطيه _مبروووك لي_ بس اذا طغطيت اعتقد اذا ما راح اغطيه برى لاني جذي راح الفت الانظار واحنا نغطي وجوهنا عشان ما نلفت الانظار..والله اعلم

شيوووومه مبروك واظن مسالة تقطية الوجه علمائناالافاضل منهم ابن باااز وابن عثيمين رحمة الله عليهم افتو بعدم كشف الوجه اذااختي وحبيبتي فيى الله لاتدخلي نفسك بالشبهه والستر حلو اصلن لوتماتلبسين القطوه وانتي متعوده عليها تحسين نفسك مولابسه شي وتحسي بشي نااااقصك صح والااناغلطااانه

السلام عليكم أنا سافرت تايلند ويعلم اللة إنى مغطية وجهى ولا قطيت نقابى لأنى وللة الحمد مقتنعة فية وأفتخر وأنا أمشى فية بس ولا يهينون الخوات السعوديات بعضهم شفتهم وفى تايلند قاطات نقابهم واللة يوم شفتهم حزنت أو تضايقة ومرة كنت مارة يم وحدة يوم شافتنى متنقبة وهى قاطة نقابها دنقة راسها

انا الحمدلله..متحجبة ومااغطي وجهي..الا اذا كنت متمكيجة..أو فيهى زحمة ..واذا كنت برة السعودية..اتحجب حجاب كامل..

مرحبا اخوي البرتقالي
موضوعك جداً حساس
الصراحه انا في بداية حياتي كنت وللأسف الشديد اكشف وجهي
وأقصد من كشف الوجه هو الحجاب المتعارف عليه تغطية الشعر مع لبس الملابس الفضفاضه
أما الان ولله الحمد فأنا ملتزمه بالحجاب الشرعي
يعني البس عباءة صحيح على الكتف ولكنها غير مخصره ولا مبهرجه وارتدي معها طرحه تغطي الكتفين والنقاب
والصراحه اصبحت اشعر بثقة في نفسي منذ اتبعت هذه الطريقه
والله يهدي الجميع ويوفقهم للعمل الصالح
شاكره لك طرحك لهذا الموضوع

انا الان لي حول السنه في بلد اسيوي قليل عليه قولة منحل وماله دين ويمكن اليهود فيه كثير بس والله ما هموني ولاهزوا شعره منراسي انا متنقبه وعيوني يالله تنشاف خوف من ربي وربهم اقول لو اموت في الشارع علي الاقل اقابل ربي بحجابي وهو سبحانه راضي علي والي يخاف من الله يكفيه شر نفسه وشر الكون كله والي يخاف من الناس تركه الله للناس ووالله مااحد منهم قدر ياذيني وانا في ذمة رب العباد

ياهلا فيك أختي بصراحه موضوع مهم وجاي في وقته


بالنسبه لي كانت سفراتنا لبرا أيام كنا صغار .. يعني ماكان فيها شي يومها


لكن ألحين ما أعتقد إني لو طلعت بكشف عن وجههي



للأسف البعض لا يهمه كل هذا .. لكن أرجو أن تراقب كل وحده نفسها


وتعرف بأن الله موجود في كل الوجود .. ليس في السعوديه أو الخليج


فقط إنما هو يرانا أينما كنا وإن غلقنا الأبواب .. فإنه يرى ويرى مافي قلوبنا



وهو مطلع على نوايانا ..


جزاك الله خير أختي على هالموضوع

انا ملتزمة بالحجاب الشرعي

يعني متطلع مني ولا شعره

بس ما اغطي ويهي

لان في الاسلام الواحد حلال يطلع الوجه والكفين

وتغطية الوجه زيادة في الدين

وسافرت بره ولا في بلادي ما اغير شي من ديني

يعني ماراح اشيل حجابي عشان غيرت البلاد

:cool:

اكشف .. عادي لكن اكون لابسه ملابسه محتشمه .. يعني كم طويل واذا لبست بنطلون ... البس القميص الي يكون للركبه ...

على المرأة تغطية وجهها والالتزام بتعاليم الدين فنحن في زمن الفتنة

فأنا أغطي وجهي في بلدي وفي غير بلدي لا أخاف إلا الله تعالى

وعليكم بتصفح الموقع الخاص لفضيلة الشيخ عبد العزيز بن باز رحمه الله واللي ماتعرفه تقولي
وشكراً

عاادي لاني في الاساس اكشف عنه في البلاد فعادي متحجبه يعني بس ما اتغشى فعادي:D

صح اختي نجمه بسماها....انا صراحه لين الحين ما تغطيت ...قررت اغطي وجهي بس لين الحين...بس لكن الحمدالله ما اطلع ولا شعره وما احط مكياج ابدا.....

انا اعتقد ان الي يغطي وجهه في مكان وفي مكان اخر ما يغطيه ...يكون مغطي وجهه بغير اقتناع او بس عشان عادات وتقاليد....بس ما دري احس انه لفت للانظار لانه محد يغطي وجهه هناك...والله مادري...بس المفروض ما نكشف عن وجهنا اذا كنا متغطيين...

لا تعليييييييييييييييييييييييق

مساء الورد للجميع
انا اذا سافرت اوربا او امريكا اكشف وجهي بوجود الطرحة على الشعر والعباة لكن الان بعد احداث 11 ستمبر صعب البس العباة في امريكا بكتفي بلباس ساتر والطرحة على الشعر .
والدول العربية زى البلد بظبط يعنى عباة+ طرحة + برقع او نقاب
تحياتى

انا سافرت بس بلدان عربيه وكنت اتغطى عادى مثل لما اكون في بلدى ..... بس مااعتقد انه ممكن نتغطى في البلدان الاجنبيه بس الاكيد ان نلتزم بالحجاب

مرحبا اخوي البرتقالي مشكور على الموضوع

بالنسبه لي أغطي وجهي ولاعمري فكرت
اني اكشفه والحمدلله ماتعرضت لأي مضايقات
وهذي بحد ذاتها نعمه تستوجب الشكر 000

أسأل الله لي وللجميع الثبات 000