حمل ورا حمل

ماعندي اي علم لأني حامل بالبكر
ان شاء الله البنات يردون عليج

يعيك العافيه على مروك
ولله يقومك بسلامه

الله يعينج حبيبتي
انا اشوف لهاا ايجابيه ولها سلبيه
الايجابيه انه راح تربينهم مع بعض وبتسهل تربيتهم لانهم مع بعض
اما السلبيه التعب وضياع الوقت معاهم
وانا نصيحتي لج او اللي بسويه بمكانج بيكون جدولي بهالطريقه
اول شي الطفل لازم يتعود ينام من الساعه ٨ في الليل
يعني بعد الساعه ٨ مافي حس اطفال في البيت
وانتي مثلا تنامين ١٢ بالليل
في هالوقت من ٨ لين ١٢ هالوقت حقج وحق زوجج
والصبح انشالله الطفل بيقعد الساعه ٨ او ٧ وبتقعدين معاه
وبترتاحين وبتقسمين وقتج بينج وبين زوجج وبين اطفالج

اذ الله رزقني بجيبهم وراى بعض بعوض سنين الحرمان اللي انا عايشته
والله يرزقني ويرزق كل محروم بشهره الفضيل انه سميع الدعاء

الله يرزق كل محروم يارب

السلبية والله بآلام الظهر والمفاصل اللي تصير وللاسف مزمنه

أنا حملت على اول طفل بعدها ب 3 شهور يعني يوم شرف البيبي الثاني كان الاول بعده ماكمل السنة من الايجابيات انج تربينهم بع بعض ماراح تحسين بالتعب لانج راح تتعبين مرة وحده كانهم توائم ماشاء الله ومن السلبيات بعد مافي نوم بس الايجابيات راح يكونون قريبن من بعض وايد وكل واحد متعود على الثاني اكثر وانا الحين حامل بالطفل الثالث بس في فرق بينهم يعني 4 سنين من آخر حمله وخايفة وايد خاصة لاني تعودت على الراحة بس عندي تخطيط اذا الله كتب في الحملة الرابعة ماراح يكون في فاصل كبير يعني بفكر في الحمل لما يكون عمر البيبي 5 شهور باذن الله

انا فكرت مثلكم في البداية بس تعرفون للحين ماني مستوعبه اني حامل لاني في الشهر الاول والكرشه ماطلعت لسى يعني الله يعين

هه ماتخيل حالي ’’ صعبه جدا جدا
اني اكون حامل بعد حملي الاول
حاليا حملي الاول اول شهور تعبت فيها وخايفه من التربيه’ لاني ابي ارجع الجامعه واحاول اشتغل’’
فبصراحه لو كان الموقف وياي بتصيدني حاله هستيريه’
وعن البنات الباقي مادري’’
والله يعطي كل محروم ان شاء الله

اكيد بتكون الحاله صعبه ار اذا كنتي نظاميه من قلب

بستجن اكيييييييد
وعشان لا يصير شي اخذ كاااااااااااااااااااااااافة الاحتياطات!!

انا رايي ان الحمل وراء بعض في اول طفلين احسن من انج اتخلين فاصل زمني كبير بينهم تربينهم مع بعض واصيروا اصدقاء خاصة لو كان المولودين مثل الجنس ولدين وراء بعض او بنتين اصيروا مثل التوائم

التعب اكيد في تعب بس الصغير يكبر وبتنسين التعب لما تجوفين اعيالج يكبرون

شلونكم بنات انا توني حامل في بدايه الشهر الثاني وعندي ولدي حبيبي توة مكمل سنه ف الله يعيني ويعين الجميع,,
انا بصراحه ما كنت اخذ مانع لان سوالي اضرار في شعري وهرموناتي والدكتور قالي انتي مايصير تاخذيت مانع بالمره والله رزقني وحملت الحين الحمدلله والله يبلغ الجميع.

حرم بووليد;10168946:
الله يعينج حبيبتي
انا اشوف لهاا ايجابيه ولها سلبيه
الايجابيه انه راح تربينهم مع بعض وبتسهل تربيتهم لانهم مع بعض
اما السلبيه التعب وضياع الوقت معاهم
وانا نصيحتي لج او اللي بسويه بمكانج بيكون جدولي بهالطريقه
اول شي الطفل لازم يتعود ينام من الساعه ٨ في الليل
يعني بعد الساعه ٨ مافي حس اطفال في البيت
وانتي مثلا تنامين ١٢ بالليل
في هالوقت من ٨ لين ١٢ هالوقت حقج وحق زوجج
والصبح انشالله الطفل بيقعد الساعه ٨ او ٧ وبتقعدين معاه
وبترتاحين وبتقسمين وقتج بينج وبين زوجج وبين اطفالج

(y)(y)(y)(y)

هههههههههههههههههه اذا على حلة الهستره فهي جاتني اول ماسمعت الموضوع بس في النهاية تاقلمت مع الموضوع وراحت الهستره من نفسها مع اني كنت مثل حالتك اضحك على اللي يحملون على طول والاول لسى صغير تصدون عاد احس ان ربي يرويني كيف كنت اتريق عليهم

هع هع موضوع حلووو

انا حملت بعدما صارت بنتي سنة و3 شهور مع اني كنت ابي احمل بعدما بنتي تصير سنتين ونص او ثلاثة لاني توني كنت مخلصة دراستي وراجعة من الغربة والتعب فكنت ابي استقر وارتاح بس شاء الله واراد وحملت والحمدلله وربيت قبل اسبوعين وبنتي كملت سنتين وشهر وياااربي الحياة صعبة مع اثنينة صغااار:confused:
بس حمدلله على كل حال وبيكبروا والتعب واحد الحين

بس الحين اقول لزوجي ابي احمل بعد سنتين واخاف اسويها مرة ثانية خخخخ

موضوووع رووووعه صرااحه

وتجاربكم هم أحلى

ومنكم نستفييد

هذا حملي الأول والله يتمم ان شااء الله

من تجاربكم افضل أحمل على الثاني بفاصل كلشش قليل

وبعدين أوقف 3 سنين أو أربع

وبعد أحمل جي أفضل

والله شرايكم؟!

بنات وش تقولون عني عيالي تؤام وعمرهم الحين 5 شهور بس وشوفو النكبه والله حامل وكل يوم ابكي والله لو تشوفون وش عيالي هذولا مسوين فيني مطلعين الشيب ماعرف النوم والحين حامل ومادري وش اسوي كل يوم بكي واكتأب بس وش الفايده طاح الفاس بالراس والله يكتب الي فيه خير

بنتي عمرها4ش وللحين الدورة موقفة شهر ونص وفحصت ماكو حمل بس أذا حملت بنجن لأن للحين ماداومت وفشلة أرجع الدوام ونا حامل مرة ثانية ولوكتب لي الحمل فلاحول ولاقوة الابالله رزق من ربي ماأردة