والصلاة والسلام على اشرف خير المرسلين ... سيدنا محمد وعلى ال وصحبه اجمعين...
:sa31:
بداية مبارك عليكم الشهر.. والله يعوده علينا وعليكم ان شاء الله كل سنة بصحة وعافية...:D_smil1:
عندي مشكلة بصراحة مسببت لي ازمة في البيت...
انه كنت في ايام المراهقة دبببببة يعني متينة سويت ريجيم حرمت روحي من الاكل نهائيااا وطبعا كان ريجيم ضار جدا بس الحمدالله اني ماانضريت وايد لاني كنت احاول اعوض اكل وجبة وحدة بس في اليوم وتكون صحية وكنت احاول اتبع نظام ريجيم صحي طبعا تعرفون كل يوم ريجيم شكل وكل شي يوم تجربة...الحمدالله وصلت الوزن المطلوب وبعدين صرت احافظ على اكلي وصرت صحية 99% الحمدالله...:clap:
المهم ...
هاي مو موضوعنا الحين انه عمري 22 سنة في شهر فبراير اللي راح صار صار وزني يزيد تعرفون كان فصل الشتى وكنت بس اكل وانه قاعدة :21_93:وبعدين انشغلت بتدريب عملي في المدرسة فصرت ماا اكل وصرت مشغولة ببحوث الجامعة فنسيت الاكل ونزل وزني مثل قبل والحمدلله...:clap:
والوالد والوالدة الحمدالله ماقصروا شرولي جهاز للمشي وصرت امشي عليه يوميا... وساعدني اني انزل وزني...
الحين في عطلة الصيف رجعت حق الراحة وزيادة الاكل :essen:و زاد وزني تقريبا 4 كيلو قبل اسبوع من شهر رمضان ... فقلت الحمدالله ان في رمضان اصلا مااكل وايد يعني وجبة الفطور وبعدين اروح التراويح ولما ارجع من التراويح اشرب شاي اخضر وبس .... في الفجر اكل وجبه السحور ... فقلت يعني مناسب اني اتبع نظام ريجيم ...
بما ان اليوم تونا 2 رمضان قلت حق امي بمشي على الجهاز قبل الفطور يعني على العصر جذي... امي مب راضية :cry:تقولي رمضان وبطيحين علينا وبتمرضين ومادري شنو ... الوالد الحمدالله رياضي يعني ما يخترب برنامجه الرياضي من سنين ... قلت له متى احسن وقت للمشي في رمضان قالي في نظريتين... الاولى ان في علماء يقولون الصبح اول مايقعد الانسان من النوم وبالاصح الفجر يعني... والنظرية الثانية قبل الفطور ... وقالي الانسب لي قبل الفطور ... امي تقولي امشي بعد التراويح... المشكلة بعد التراويح مافي وقت لان سعات نطلع ومااقدر اضمن يوميا اني بكون في البيت في هالوقت عشان امشي ...
مو عارفة متى امشي :cry:.... انتوا شرايكم مت انسب وقت للمشي في رمضان ؟؟
مع اني مااتعب في رمضان الحمدالله يعني قبل الفطور بنص ساعة امشي واسوي تمارين واسبح وانزل للفطور والحمدالله...
وجزاكم الله خير وان شاء الله الكل يستفيد من الموضوع ...