تجمع شلة ميلس شموخ 2007 .. ** رمضان 1430**

السلام عليكم

شحالكم صبايا ^^

صبحكم الله بالخير

شموخ 2007;10203780:

ماسووه ها الطقم غاوي انا من فتره كنت صوب ستي سنتر عيمان شفت من الفاترينا عقود تزيغ وتميت اضحك اقول لاختي حد يلبسه تقولي اكيد واايد واايد دفشاااات ..

انتي تبين منهم ..؟

هذا انا مطلعتنه من النت عشان اروايكم اياااه كمثال

انا شايفه نفس ها الستايل اقصد الديزاين بس على قلب عوود

ابا اخذ حق امي على سلامتها
لان انشاءلله بتووصل بالخميس


هو اول ما تشووفينه تحسيبه ديزاين مصريات يحبون ها السوالف
بس لو ادققين في بعض الديزاينات حلوه حق حريم

ماسة;10203989:
هذا انا مطلعتنه من النت عشان اروايكم اياااه كمثال

انا شايفه نفس ها الستايل اقصد الديزاين بس على قلب عوود

ابا اخذ حق امي على سلامتها
لان انشاءلله بتووصل بالخميس


هو اول ما تشووفينه تحسيبه ديزاين مصريات يحبون ها السوالف
بس لو ادققين في بعض الديزاينات حلوه حق حريم

صبااح الخيير..شحالكم حبيباتي؟؟


من شوي راده من بيت الماما..الحمدلله استانست بيمعة الاهل.. بس من بداية السيرة تغصصت وانقهرت وصحت وخربت صيامي بالتشتيم والتسبيب.. حسبي الله ونعم الوكيل..


بعدني مب مرتاحه وبفضفضلكم :(...

اليوم كان عند موعد ع الساعه وحده وشي في الوصل.. ولاني واصله مرحله معتبره من التعب قلت بخليه هو يوم الزياره لقوم ماما دامني واصله عدالهم..

سرت الموعد ويايه من وقت.. وكنا حلوين.. أخروني شوي.. وعقب دخلت.. الدكتورة حامل ..و اسمعها تقولهم لا تدخلون عليه حد.. لانه يايتنها تقلصات..


انزين انتي حامل وماترومين تشتغلين ليش الله يهديج تداومين؟؟ الواحده يا يشتغل بظمير او لا يشتغل احسن له..

اقولكم دخلت.. كيف حالك يا ام سعيد..بخير الحمدلله. انتي لازم تاخذين ابرة فرق الدم..قلتلها هيه.. وانتو ما كتبتولي الوصفه..وعيادتنا ماطاعو يعطوني اياها الا بأمر منكم..

اوكي بنشوف الموضوع..لازم تسوين فحص دم قبل..قلت اوكي..سألتني متى اخر مره مسويه تصوير؟؟ قلتلها يمكن اكثر من 3 اسابيع.. قالت بنسير نشوف!! هذا وهيه ما سوت شغلهم المعتاد انه يجيكون ع نبضات البيبي,, و ع ريولي اذا في انتفاخات او دوالي.. ولا حتى حطت ايدها ع بطني؟؟

سرنا التصوير.. مزرت بطني من كريمهم لي يلوع الجبد..وحاست شوي بالجهاز.. وجان تقولي انتي 90 % قيصريه..الياهل معترض.. <--- بلعتها..لانه من فتره مصوره عند زينب وهيأتني للموضوع لانه هاك اليوم كان الياهل بعده فوق..

ردينا الغرفه.. عطتني وقت الموعد وقالتلي سيري سجلي.. طبعا نست الابره!! وفحص الدم..

انا اذكرت الابره..قلتلها الابره..قالت تعالي عندنا باجر عقب ماتطلع النتيجه وبنعطيج اياها.. قلتلها ماروم ايي باجر بعد..انا ريلي تعورني وسياييرنا فورويل..ماروم اركب وانزل وايد..قالت منو يسوق؟؟ قلتلها ريلي.. قالت لا تتدلعين عيل..وتعالي هنيه!!

قلتلها هم عادي بيعطوني اياها في العياده لي عدالنا..بس انتي كتبيلي في الكرت..قالت انا بكتب في السستم وسيري الصيدليه واسأليهم..اذا بيعطونج الدوا تشلينه وياج!! <---شو هالعبط!! الدوا حساس وعادي يخترب لين يوصل هناك!! <---يعني اذا انتي دكتورة وماتعرفين النظام؟؟ منو يعرف عيل؟؟

صكت..وقلت خلاص بسير عند الصيدليه وبسأله عن الموضوع..

طبعا طبعا.. هيه كتبت في السستم انه لازم اسوي فحص دم.. بس لا زقرت نيرس تيبلي الطلب..ولا قالتلي مري خذيه من حد او اي شي!! مووول ما طرته..

وطلعت عنها وسرت اخذ موعدي الياي.. وسرت الصيدليه..ورمست الريال..قال بسوي العياده بشوف متوفره عندهم ولا لا.. وانا يالسه اتريا..اذكرت فحص الدم..لأازم اسويه اليوم.. ع اساس ع نتيجته باخذ الابره باجر..

وارد صوبها..يوم وصلت انها مروحه!! واحصل نيرس هناك..قلتلها ألحين فتحي كمبيوترها وطلعيلي ورقة الفحص!1 قالت صبري وسرت وياها عند برنتر الريسبشن.. الاخت طبعتها..ولا كلفت عمرها تقولي مري خذيها او زقرت النيرس تيبها..

وعقب سرت سويت فحص الدم في المختبر..

يعني لو ماتذكرت هالشي روحي.. جان انا باجر سرت العياده ع الفاضي.. وارد ع الصيدلاني..والحمدلله قالي عادي سيري العياده وبيعطونج اياها..

المشكله في هذا كله..أني تعبانه من ريلي.. والمشي بين هالاماكن كان متعب..خصوصا انه كل شي في جلعة جلاع..


يوم ركبت السياره قلت ما بقول شي عسب ما اخرب صيامي.. ولاني رمست جيه ع السريع يا بوسعود..صحت من القهر لي فيه ماتحملت اني اكتم شي..وبوسعود يقولي خلج انتي الكبيره..وخلج احسن عنها..لانه كل ما اطريها اقول ال ... بس اقول ال مب يعني اسبها..



ويوم وصلني بيت قوم امي.. مارمت اصيح عندهم,, خفت انهم يستهمون عليه زياده..خصوصا انه يعرفون وضعي..جان افجج حرتي في الدكتورة وادعي عليها >.< .. مب مني.. انا طيبه والله.. ونادر ما ادعي ع حد ولا اسبه.. بس اليوم كنت صددددددددددق مقهوووووووووورة.. يعني لا رمسه عدله..ولا رعايه عدله؟؟؟ليش انا من البدايه ما بستقبل حد؟؟ او اصلا في الاساس مابداوم!!


وبس هاي سالفتي.. وتراني لين الحين منقهره:confused:

اسمحولي غثيتكم واستويت حرطوم 2.. بس من لي شفته والله:confused:

ماسة ام حوووور
هالتشكيلة موضة داماس حاليا وبتجصلينها في كل فرع .. بس للحين ما شفت شي رقيق .. وبعدج شوفي الذهب البحريني في ديزاينات روووووووعه وما تنمل

مرحبا..

اليوم اتابكم من بعيد لبعيد ... ومضايجة وكارة نفسي من اللي انا فيه ..

تعبت من المستشفى .. الاسبوع اللي طاف كل يوم اسير .. لاني ماروم اخبركم اهني ..

واشوف الشي اللي كان فيني اتكرر مرة ثانية وفي مكان ثاني ... بموووووت من الويع والله ..

شوي وبصيح .. ادعووووولي ..

صح بغيت اشكر ندووووشة فديتها ما قصرت وحطت الصووور .. وحبيت الحلق الاول وحسيتبه غريب .. لان عندي حلق روووبي شرات اللي في الصورة الثانية بس الدزاين غير ..
انزين من وووين ماخدتنه اختج ...

تصبحووووون على خير ..

أم سعيد
وكلي أمرج لله .. والله يسهلها عليج يا ربي .. ويفرحج بشوفة البيبي .. و ما عليج منهن هذيل امهات حركات السقم .. صح موقفها ينرفز بس انتي لا تقهرين عمرج فكري في البيبي وفي يوم بشوفينه ويوم بيخاوي ولا بتخاوي سعودي وبشوفينهم يربون ويا بعض وما عليج من حد عنبوها بين روحين ما تخاف ربها تعامل الحريم جذه

يالله يا ام سعيد ان شاء الله ماجوره وكله عند الله مايضيع ..
كم يوم ان شاء الله وبتربين وبتنسين ها التعب كله بشوفة الحلوين مداوريبج يا ام دودي ..

صباااااااااااح الخييييييييييير

صباح الخيرات ..

صباح الخير انا بعد :D

اللولو ...؟
لك أهليييين وسهليين وبوستين على الخدييييين ..
تنور التجمع الصباحي اليوم .. :)

صباااااااح النور ^^


انا من امس قاعده وفيني نشاط مب طبيعي ,, خاطري اسوووي اي شيء لووول

بنات لو سمحتوا

اللي عندها طريقه كيك حلووه وتجنن يعني ابيها لو سمحتوا
زوجي طالب مني كيك وتوهقت لاني مااضبط الكيكات وايد

عاد ابي طريقه حلووه بلييييز << ماتلاحطون ان طلباتي زايده ><

شموخ 2007;10205838:
اللولو ...؟
لك أهليييين وسهليين وبوستين على الخدييييين ..
تنور التجمع الصباحي اليوم .. :)

هيه اكيد طبعاً لأنه انا اللمبه وانتوا التيوب ليت :tongue:
ممنوع البوس عاد صيام

لولو اووختي

ماتشوفين شر ان شاء الله
بس خرعتيني شفيييييج بسم الله عليج ><

قلب بنت الانتر;10205852:
صباااااااح النور ^^


انا من امس قاعده وفيني نشاط مب طبيعي ,, خاطري اسوووي اي شيء لووول

انا حتى فيني نشاط مب طبيعي لدرجة اني ابا ارقد واسولف في نفس الوقت
مخي موقف من قاطعت المطبخ كمن شهر
علشان جيه مب رايمه اتذكرلج كيكه حلوه
اممممممم اشتري قوطي كيك جاهز مال بتي كروكر وسويها كامله في صحن خبز مرتفع شوي
او سوي هنتين نفس السايز وحطيهن فوق بعض
إذا بتسوين وحده قصيها من النص
واحشيها بإلي تبينه .. مكسرات .. جوكلت سايح .. فواكه .. المهم اي شي جامد اخلطيه بكريما
وبعدين لزقيهم في بعض وعطي الكيكه كامله بكريما وزينيها من فوق
إذا بتسوين كيكة جوكلت صبي عليهاجولكت سايح ماشي اسهل من جيه
وعندج كيكة شموخ ماتتفوت وسهله