اففف لاحد يقولي اقاطع

بصراحه انا ماقدر اقاوم البيبسي ولابيتزا هت واهم شي الكوفي من ستار بوكس

واشتري اغراضي من المحل اللي ابي .. يهودي هندي فلبيني كيفي لاحد يكلمني


بصراحه زهقت قاطعوا قاطعوا انا ماشوف احد يقاطع يعني انا اذا خلاص ماعدت كل يوم اشتري لي تويكس ولاسنكرس بيصير شي .. يعني احرم نفسي عالفاضي


مساكين اللي حاربوهم اليهود وش اسوي يعني انا اللي قلت لهم روحوا حاربوهم


لما يقربون يوصلون لنا اليهود بقاطع واللي مايقاطع بدعي عليه بصراحه انا مابي اموت ولا ابي اعيش مشوهه ولا رجلي مقطوعه خصوصا انه كريماتي غاليه واخيرا صارت ركبتي بيضا يعني مااستانس فيها


الله جميل يحب الجمال ومحتاجه اشتري اغراض صحيح انه في محلات كثيره ماتدعم اليهود بس انا حتى هالمحلات اللي تدعم ابي اشتري منها يعني مرات اشوف بلوزه ولاجزمه عجبتني يعني ماشتريها هي كلها 200 يعني امممم واحد بيموت وواحد بتنقطع رجله يارب انا ماقتلته ولا نكدت على اهله انا عطيت فلوسي للمحل وهم عطوها اليهود انا مالي دخل


انا عارفه انه كل ريال ادفعه اذا صار جزء من ثمن رصاصة انا محاسبة عليه بس مايهمني انا بكتب في وصيتي اذا مت يقرون لي قرآن عشان ربي يسامحني


يارب سامحني لأني عطيتهم فلوسي بطريقة غير مباشرة واغفرلي وارحمني مثل ماانارحمتهم يارب والله يعورني قلبي اذا شفتهم واغفرلي واجعلني في منزلة الشهداء ولاتغضب علي اذا استمريت اعطيهم


حرررر بروح اشتري لي من باسكن روبنز من يبغى




هذا تفكير اغلب الناس


مابنقاطع لأنه ماحد يقاطع

بصراحه مالقيت احلى من هالجبنه يالله عادي ماني خسرانه شي اهم شي الفطاير تعجب زوجي

بس هالمرة بشتري المرة الجايه خلاص ماني شاريه وكل مرة على هالموال

حسبي الله ونعم الوكيل الله يلعن اليهود << ولا تلاقينه الا وراح كبر المخده ونام واليوم الثاني ماكأنه شي صار

" لا يغير الله بقوم حتى يغيروا مابأنفسهم "

لو كل واحد يقاطع من نفسه بدون مايطالع غيره كان الكل قاطع

الاجانب لو منتج مضر ولا خطر عالمجتمع انسحب من السوق لأنه ماحد شراه

مو هنا يجيك الواحد يقول والله وش نسوي يعني اروح اسحبهم انا من السوق ماقول الاحسبي الله ونعم الوكيل ولا تشوفه الا وطيران عالمطعم او السوق راح يشتري له

الله يهدي الجميع