sweet_toota;10246857:
انا متشكرة اوى لكل واحدة سألت عليا ودعتلي ربنا يكرمكم يارب و يتمملكم حملكم على خير يارب
انا بقى المغص كان مموتنى زى مانتوا عارفين و مكنتش عارفة سببه روحت للدكتورة و كشفت عليا و لقيتها اتخضت اوى وقالتلى اية دة فى حاجة اودام الرحم انا طبعا اترعبت قالتلى انتى تنزلى حالا تعملى اشعة ثرى دى و تجيبيهالى
نزلت وانا منهارة و فى نفس الوقت المغص مموتنى و روحنا و عملت ثرى دى و الراجل قاللى فى كيس حمل بس مفيش لسة لا جنين ولا نبض مع انك فى الاسبوع الخامس و كام يوم و بعدين سألته اية اللى اودام الرحم قاللى عندك ورمين ليفين واحد صغير و التانى كبير و لازق فى جدار الرحم و ضاغط عليه جامد
طبعا كلنا جاتلنا صدمة و روحت وانا منهارة من العياط و تانى يوم روحت للدكتورة قالتلى بصىى انتى مقدمكيش غير الدعاء عشان فى حالات سبحان الله بيبقى عندها كدة و بتعدى بس الغالبية بيحصل اجهاض او موت للجنين لو ضغط عليه فى اى شهر من شهور الحمل يعنى احنا زى ما احنا وادعى ربنا يكملك على خير و منعتنى من اى حركة او مجهود قلتلها يعنى حتى الخطر ميقلش بعد اول ثلاث شهور قاتلى فى حالتك الخطر من اول لحظة لاخر لحظة
قلتلها الوجع مميت قالتلى اكيد طبعا الله يكون فى عونك طلبت منها تكتبلى مسكن رفضت نهائى و قالتلى اول 3 شهور مينفعش فيهم اى مسكن و بالعافية كتبتلى على مسكن وهى بتحذرنى الف مرة انى ماخدوش و طبعا اهلى و جوزى رافضين اشتريه وانا مش قادرة مبنامش من الوجع حاسة انى فى طلق يوميا متواصل و مفيش وضع بقدر انام فيه لدرجة انى نمت من امبارح ساعتين وانا قاعدة على كرسى فى الصالة و مش بقدر على اى مجهود
انا الاول كنت منهارة و بقول يعنى بعد اتعلق بالبيبى ممكن فى لحظة يقولولي مات؟؟؟؟؟ و كانت اعصابى بايظة بس صليت و توكلت على ربنا و بستغفر و ادعى و هديت الحمدلله عن الاول بس اللى مخلينى افتكر اللى انا فيه هو الالم البشع ربنا ما يوريكم انا بتقتل فى اليوم الف مرة و مش قادرة اخد حتى مسكن يارب صبرنى
بسألكم الدعاء امانة عليكم ان الالم يروح و الحمل يكمل على خير و ارزق بذرية صالحة
لا حول ولا قوة الا بالله ربنا يقدملك اللي فيه الخير