تجمع حوامل قطر لشهر رمضان *1430ه*

صباح الوورد
فور ايفر / ام الغاليين / ديور قطر / الجوري
فديتكم والله تسلموون ع السؤال
انا تدهورت حالتي من عقب اخر مرة دشيت عليكم بها
والحمدلله امس فجت مني الصخونة ماصدقت للحين مومصدقة
الف الحمدلله والشكر لك يااارب والله يا بنات مت وحييت
الحمدلله والشكر لك يااارب
...

السلام عليكم خواتي القطريات
عندي استفسار وياريت تساعدوني

خواتي عندي صديقة من دول مجلس التعاون متزوجة من قطري و هي مقيمة في قطر و تعمل في قطر أيضا
و هي اللحين حامل و تبغي تولد عند أهلها يعني في احدى دول مجلس التعاون و ماودها تولد في قطر لبعض الظروف الخاصة

فياريت خواتي تخبروني اذا هالشي بيأثر في ان الطفل ما يقدر ياخذ لا الجواز ولا الجنسية القطرية او ان عادي؟

مشمشتي والله ماعندي خلفية
اتمنى البنات يساعدونج

الحمدلله ع سلامة دكتورة روح وان شاء الله مأجورة يارب

مشمشتي ماااعندي خلفية عن الموضووع

تسلمين الجوري ع السؤؤؤؤؤؤؤؤؤؤؤؤؤؤؤؤؤؤال وادعليج عسااااااااااا ربي يهون عليج وماتربين قبل 10_9
ووبسووومة الحمدلله ع سلامتج
واليحنت حمدلله ع السلامة

مرحباااااااااااا ديور نورتي ووين من زمااااااااااااااااااان


بناااااااااااااااااااااااات تكفووووون ابي مطوع قرايتة زبنة تعبت بنتي الكبيرةيابنات من تناااام تعور القلب ذوت قدام عيني ماتنام الليل واتم قاعدة ماتنام الا ساعتين اوثلات ساعات متقطع صار قريب العشرين يووم تعبت مااني قادرة اركز على شي احس يومي كلة دايخة وابي انااااااااااام تعبت تكسر الخاطر الله يحفظ لكم عيالكم من الشر ويخليهم لنا

ام تووت وعسل
الله يسلمج يالغالية
وبخصوص بنتج اسم الله عليها
ماعرف والله رقم مطوع بس بسالج حياتي

ام توت وعسل
ربي شفيها حبيبتي ويحفضهاا اعرف وحده ولدها كان تعبان ودته مطوع في الرياض وتقول الحمد لله ربي عافاه اذا تبين اسالها عنه ابشري

دكتوره روح
الحمد لله على سلامتج وربي يتم عليج لباس الصحه والعافيه ياارب

روووح


الحمدلله على السلامه حبيبتي وماتشوووفين شر


اليجاااانت

روحي شيكي الخيااااطه حبيبتي احسن لج

هيوووب

اش هالزين فديت حمووودي والله



مساء الخيرات كراااارييش ومامييييز

ام توت وعسل

حبيبتي والله ماعندي فكره عن مطوووع بس انتي دووووم اقري عليها وحصنيييييها


مشمشتي

ماعندي فكره بس توقعاااتي ان ماله خص الولد يتبع ابوووه انولد هني نولد برررع نفس الشي

دكتوره روح حمد لله عالسلامه...ماشاء الله توزيعاتكم حلوه وان شاء الله باحط توزيعات نعوم باقي شوي اخلصها واحط لكم

كيفكووووون ؟؟؟

قطر
ما شالله توزيعاتج مميزه
خصوصا سالفه التمر ويا الهرده اعجبتني

هيبه
توزيعاتج حلوة تناسب صبيان

روح
الحمد لله على السلامه

دوحانيه
عشان جذي خفت وما عطيت بنتي سيريلاك وفارليز
ابيها تاكل طبيعي فمن البدايه اكلتها اكل عادي
ان شاله يوم تطيب اذنه بياكل مثل قبل واحسن
حاولي تاكلينه موز مهروس يحونه اليهال لان فيه سكر
ونفس الشي الجزر والكمثرا والتفاح

ام الغاليين
ننتظر الصور ؛)

انا بصور لكم ان شالله وبنزل الصور
ريت خواتي القرقيعان امس وعجبهم الحمد لله استانست
بس جلابياتنا انا وبنتي مب لي ذاك الزود
تخيلوا لحين جلابيتها في الخياط هههههههههه
طرشتها يعدلونها شوي ولحين ما اجهزت
يلا الحمد لله كلها قرقيعان ويعدي
ان شال بنتي تطلع حلوة في العيد :)

كاامي


ياحلوو البناااات ف اللبس وبعدين لاتقولين انا مب حلوووه بتطلع تجنننن وباذكرج

انا امس اول مره البس بنتي الجلابيه طلعت مخصره عليها تجننننننن

`ما تهاب
الف الف مبروك الله يثبته لج يارب
تحملي على مرج وريحي ظهرج دايما
وكثر ما تقدرين انسدحي
ولاتعبين عمرج في المشي ولاتشيلين اشيا ثقيله
وراجعي عند دكتورة عشان تعطيج فوليك اسيد من الحين
وتعطيج معد عشان الاسبوع ال13 وايد مهم

ام الغاليين
ما حبيت الجلابيه لاني موديه للخياط موديل وقالي اوكي بسويه
واكدت عليه الف مره تعرف تسوي والا لاء
يقولي اي وفي الاخير الموديل فصوب واللي مسويه فصوب ثاني
ومافي وقت كللللش اول امس مستلمتهم
على قولتج ان شالله هي تحلي الجلابيه :)
وفديت البنات والله نبي نشوف صوة جلابيتها

ان شاء الله كاااامي

اليوم باطورهم وف الليل بانزل لكم الصووور ان شاء الله

وصح هم اللي يحلووون الجلابيه

مساكم ورد

دكتورة روح

سلامتج حبيبتي وظهرتي من الشر
عورني قلبي يوم دريت عنج
ماعليج شر يالغاليه


مشمشتي

اسمحيلي حبيبتي ماعندي فكره

ام توت وعسل

اسمله عليها
للاسف ماعرف مطوع بس
حاولي تشغلين لها سورة البقرة
وارقيها بالرقية الشرعيه


ماميز وكروشات

بنتي من يومين خشمها مسدود وفيها بلغم خفيف
حطيت لها قطرات تشيكو في خشمها وشفطته وبعد ماخف
ابي شي يطلع البلغم من صدرها
كله تحاول تكح وتطلعه وماتقدر فديتها مافيها حيل
واحس حرارتها مرتفعه الحين بس شيكت بالجهاز طلع 37
اوديها المستشفى ولا انطر يمكن تتحسن؟؟

بسومه هالشي صاد ولدي اول يومين ربيت فيه وسألت الدكتور
قالي هاي شي عادي من ماي البطن ..بس ولدي للحين فيه البلغم وصدره يطلع صوت وخشمه احسه مسدوود :(



دكتوره روح


فديييييييييييييييت روحج والله اول امس منسدحه وافكر فيج نزلت دموعي :(
صايره حساسه الاخت << فدتج ياصديقتي الصدوقه طلعتي من الشر حبيبتي


ديور


وحشتييييييني وآيد والله ...حمدلله ع السلااامه يالغلااااااا .. لحد يقطع :)


قطريه ماتهاب

الف مبروك حبيبتي ..الله ينقله لتمااامه يارب ...اهم شي تحملين بروحج ولازم تراجعين وتشوفين وضع النونو وكل شي تماام ان شاء الله وتاخذين الفولك أسيد ..




بنآت باجر بروح الحسا تامروني على شي .. ؟ لحد يستحي :)
بكره بتذكرج يام الغالين خخخخخخخ
بقوولج وين تنصحيني اروح اي محلات فيهاا ملابس كشخه مابي الف واعور راسي لان بنرجع بنفس اليوم الفجر اول ماتسكر المحلات خخخخخخ

قطرية H

اي بس يختي تعور قلبي فديتها
احسها مالها بارض حق شي كلش
كله تكح تبي تطلع البلغم وماتقدر
بس اليوم لها تاسع المفروض يخف صح؟

وتروحين وترجعين بالسلامه يالغاليه

اي حتى جي مابتقدر ترضع .. وديهااا شيكي عليهاا ..
الله يسلمج من الشر يالغلا ..

بسوومة قطر;10225044:

ماميز وكروشات

بنتي من يومين خشمها مسدود وفيها بلغم خفيف
حطيت لها قطرات تشيكو في خشمها وشفطته وبعد ماخف
ابي شي يطلع البلغم من صدرها
كله تحاول تكح وتطلعه وماتقدر فديتها مافيها حيل
واحس حرارتها مرتفعه الحين بس شيكت بالجهاز طلع 37
اوديها المستشفى ولا انطر يمكن تتحسن؟؟

حبيبتي اسم الله عليها العصفورة .. في هالعمر ماتقدرين تسوين شي لليهال ..
قطري في خشمها من حليبج .. و حتى اذا قطرتي في خشمها من شيكو نطري عليها لاتشفطينه .. خليها يمكن تعطس .. و اذا كلش كلش مافاد اخذي عود اذن غمسيه في زيت زيتون وحطيه في خشمها بيخليها تعطس .. بس هالحل خليه آخر شي ..

و بخصوص القطور .. حطي لها قبل الرضعة

و للبلغم .. دايما اقلبيها على بطنها بس اسنديها على يدج و طقطقي على ظهرها بهالطريقة :
حطي يدج بالطول على ظهرها و خلي كف يدج مجوف و طقطقي بأطراف أصابعج ..

اما بالنسبة للحرارة لا صبري عليها .. تأكدي أول شي انج مب مدفيتها بزيادة ؟ خففي ملابسها لأن ساعات الأوفرول الكامل يدفي الجسم .. تأكدي بعد من المكيف مايكون بارد عليها ..

برايفت :: يا حلو صورها ما شاء الله والله يحفظها ( بس عاد كل يوم شكل خخخخ )(f)

طمنينا عليها ..