الرئيسية ركن الشات والمواضيع الترفيهية والألعاب شات عروس تجمع حوامل قطر لشهر رمضان *1430ه*

تجمع حوامل قطر لشهر رمضان *1430ه*

عروس فور ايفر 21-08-2009 3,360 رد 190,707 مشاهدة
a
aljori66
عروس مشاركة
03-09-2009 | 02:22 AM
صباح الحب ..

شخباركم كروشات ومامييييز ..

اليجنت :
فديتج شخبارج وشخبار الكتكوت فديته
لج وحشه صديقتي :(
الخياطه اذا تحرقج روحي شيكي عليها
بس اهم شي تنقعي بماي دافي وملح خفيف او زعتر كيفج اللي يريحج
وحطي ميبو وبتفتكين
لازم بعد هاي بهارات الولاده هههه


موزان ( ام السلطه ) :
خلاص اسمج فبالي مرتبط بالسلطه اللي لاااازم اطبقها بعد مااولد بالسلامه
شخبار حمودي فديته ؟

ام حمني + ام عبدالرحمن تذكرونها اللي سافرت مع زوجها +جوجو+دكتورة روح+ الليازي:
مالهم حس حد يطمنا عليهم ..

دح دح + كامي + ديور +عروس+قصوبه :
نشاطكم قل خير اشفيكم ..

بنات
اليوم وانا اصلي حسيت مثل الشي اللي انبط مع الم فنهايه بطني (خووش وصف )
قطعت صلاتي والله من الالم ورحت اشيك الا افرازات بس وايد مو شوي مثل دايما
هاي عادي ولا ؟
المشكله صارت لي السالفه بعد مارديت من العياده من قبل عشان اسال الدكتورة..
اليوم وحده شافتني بالعياده تقولي بطنج واااااااااااايد صغير ولا يبين عليج بنهاية ال8
قلت للدكتورة قالت ماعليج من كلام الحريم الا بطنج صغير الا نازل
اهم شي ان صحه البيبي ووزنه زينين
حجم البطن مايدل ع شي كلش
وتقولي كل وحده وحوضها وطبيعه جسمها
الحمدلله طمنتني وقالت لي كل شي الحمدلله اوكي
وتقولي شكل البيبي بيعيد معاج مابيكمل ال9 قلت لها خل يكمل ال8 وعادي حياه باي وقت احنا مستعدين له ههههه

قطر:
اخوي فديته يقولي الصراحه اشكري البنت اللي خذتي منها السويت وقولي لها ماعندها طرق شبيه
يقول صج صج شي عجيييب
متصل فاختي يقولها باجر تسوين منه كميه باكل فبيت الوالد وعقب بودي معاي البيت حق السهره ههههه
تسلمين حبيبتي (f)
D
DIOR QATAR
عروس برونزية
03-09-2009 | 02:23 AM
موزان


خلاص قامت ورضعتها وبنتي اعرف لها هالحزة وقتها في الصياح والحنه والرنه يا ليت لو تشرب وتنام
جان انا بخير .. لحد يعطيني فرصة اتشكى بلعوزكم ترى هههههه
وبخصوص السلطة يختي فيني طبع انا وحدة ما اكل السلطة من يد الخدامات ,,
ا
الناعمه77
عروس متألقة
03-09-2009 | 02:24 AM
هلا ماميز وكررروشااااااات شلونكم؟؟
ا
الناعمه77
عروس متألقة
03-09-2009 | 02:28 AM
ديور ذكرتيني بولدي يوم كنت في الاربعين ارضعه الساعه 12 ونص وينام ويقوم كل ساعتين او ساعتين ونص يرضع ويكمل نومه لين تسع ونص طبعا بعد مايرضع كل ساعتين ...بس الحمدلله ع الاقل ينام...وتم طول عمره ع هالحال وان شالله البيبي اللي عقبه يتم ع هالحال عكس اختى وبنتها كاانت بالاربعين معاي بس صياح طول الليل وماتنام الاالساعه 3 او 4 الفجر مسكينه طول ايام الاربعين وهي ع الحال..
D
DIOR QATAR
عروس برونزية
03-09-2009 | 02:31 AM
الجوري


انا اهني :)

بخصوص قلة مشاركاتي والله انتي ادرى بالظروف النتفة فديتها يبيلها رعاية واهتمام وفديتها ماخذة كل وقتي
لا طلعة ولا روحة معاها الا لمواعيد المستشفيات اللي الله يغربلهم كل يوم مطلعين لنا سالفة ..

وبخصوص بطنج ما شاء الله ما في اصغر من بطني كان صغير وااايد يعني اللي يشوفني وانا السابع يقولي جنج بالخامس وصج اللي جبتها نتفة كانت كيلو و200 يمكن بيبيج وزنه قليل ,,وبعدين عادي لا تحاتين
اللي الله كاتبه لج بيصير وما عليج شر هاي اكشنات الحمل خصوصا انج خلاص في الشهور الاخيرة
والله يهون عليج وتولدين بالسلامة ويفرحج بشوفة البيبي سالم معافى :)
ش
شمعه جلاس قطر
عروس رائعة
03-09-2009 | 02:33 AM
شخباركم ياجماعه .. شخبار تجهيزاتكم ؟؟

احس اني واااايد صايره عصبيه وما اقدر اسوي شي من بدا رمضان .. توني مصطره بنتي ومصفقتها .. كفرت فيها .. مسكينه نامت وهي زعلانه فديتها ..
D
DIOR QATAR
عروس برونزية
03-09-2009 | 02:39 AM
الناعمة


احنا بخير انتي شخبارج ؟

انا بنتي من يوم ما خذتها من الحضانه وهي من تجي الساعة 12 بالليل تقوم واتم ساعتين او 3 ساعات
صياح وحنه وكنت متوهقة فيها لاني اكون مشربتها ومبدلتها وكل شي مسويته لها وعقبها بفترة تذكرت ان هالحزةبالمستشفى يسبحون اليهال وينظفونهم ويوزنونهم من جي تعودت هالحزة تقوم لي ,,
وللحين احنا على هالوضع تقعد لي ساعتين ولا 3ساعات صياح وحنه جنه حد قارصها وبالزور تنام
يختي احيانا اشك ان عين وجاتها لان خدامتي اذا اناديها ترتب الغرفة دووم تسألني بيبي سليب ؟
اول مرة رديت عليها وثاني مرة سفهت لها والحين ما اداني ادخلها غرفتي ..





شمعه


حرام عليج ليش شسوت عشان تضربينها ؟
ا
الناعمه77
عروس متألقة
03-09-2009 | 02:41 AM
شمعه ........حرام عليج تحطين حرتج في الصغيرة ..شذنبها؟؟
الله يعينج
ا
الناعمه77
عروس متألقة
03-09-2009 | 02:46 AM
ديوور....انا بخير حبيبتي
والله انا ماسلمت ولدي للخدامه الا بعد ماكمل 6شهور ...احنا مانستحمل صياحهم شلون الخدامات والله يحطون الحرة فيهم والله العالم شيسون فيهم بغيابنا...
اخاف والله من هالسوالف اللي تصير بسبب الخادمه مع اني مااقصر فيهااا
والله يحفظ عيالنا
وانا من رايي اذا تبين الياهل ينام بالليل حميميه وقبلها دلكي جسمه بزيت الاطفال وشوفي نومته شلون يتكون ولازم تقرين عليه يوميا في الليل
ش
شمعه جلاس قطر
عروس رائعة
03-09-2009 | 02:46 AM
اي والله حاسه بالذنب كنت اسوي لها علب القرقيعان وادبس .. جان تاخذ الديوس وتحطه في حلجها .. لاو اللي ذبحني انها تقول لي امممممممممم ..>> يعني لذيذ

الله يحفظها يارب ..

والله ياجماعه حتى انا متلعوزه معاها واااااااايد تصيح وخاصه قبل لاترقد .. مع ان يقولون لي من تكمل السنه رقادها بيستعدل .. وانا اشوفها على نفس الحال ماشاءالله عليها سنه و 8 شهور الحين ..

لا خليت حلوه ولا تمر .. ولا حليب الا ودعسته في حلجها ابي شي يهديها ماااااافي كلش ..


شكلها مستمده العصبيه مني ..


الله يهديها ويهديني لها ..
ا
الناعمه77
عروس متألقة
03-09-2009 | 02:54 AM
شمعه...........هههههههههههههههههههههههه عجبها طعم الدبابيس الله يخليها لج يارب

وانا والله اشتغلت ببتوزيعات ولدي وخلصتها وهو نايم لان ادري بنثر كل شي في صوب ..

الله يحفظهم
a
aljori66
عروس مشاركة
03-09-2009 | 02:55 AM
ديور الحلوة :
حبيبتي وحشتيني
وفديتها النتفه الله يخليها لج وتشوفينها عروس وي فديت البنات انا
اكيد لاعبه لعبتج فيها مع الريش والفساتين واااي خاطري احط لها مناكير
اقعد بنات اختي واخوي واحط لهم مناكير متعلمين علي فديتهم
امي اتقولي اذا الله عطاج بنت الله يعينها عليج هههههه
اقري على بنتج واذا جاتج الشغاله وقالت شي قولي لها قولي ماشاء الله
انا دوم جذي اذا احد قال شي عني او عن اي احد وسمعتهم اقول لهم اذكرو الله
بس اهم شي حصنيها
وماعليها شر
وبخصوص النوم مثل ماقالت لج الناعمه واهم شي اقري عليها بصوت
وعدلي نومها من الحين عشان ماتتعبين ...


شمعه الجلاس :
اسم الله عليج تعوذي من ابليس
البنت ياهل وعادي هاي حركات اليهال
بس لاتضربينها لو بس صرختي عليها شوي
حرام الا الضرب وفديتها نامت انا مااحب ازعل احد وينام
ماابي اعور قلبج
بس انتي عشانج خفتي عليها ولانج تعبانه مع القرنقعوه ومع هرمونات الحمل صايره شكلج عصبيه
الله يهديج ويهديها لج يارب ويحفظها ..
D
DIOR QATAR
عروس برونزية
03-09-2009 | 02:59 AM
الناعمة


الخدامات شر لا بد منه بس انا خدامتي ما تسوي شي غير انها ترتب ملحقي وبس
بس اني اخلي بنتي عندها نو وي الصراحه هاي امانه عندي وان اللي مسؤوله عنها
يمكن بس اخليها تلاحقها اذا مشت فديتها وتحت اشرافي بعد ,,غيره لا !
D
DIOR QATAR
عروس برونزية
03-09-2009 | 03:06 AM
الجوري


وانتي اكثر حبيبتي ,,اما بخصوص الفساتين لا انا ولا هلي ولا اهل ريلي قصروا فيها من كل صوب تجيني الفساتين والبدلات فديتها دلوعة العيلة هي ،، بس للحين وايد ملابس ما يجون قدها الحين خبرج نتفة
وبخصوص الشباصات حت شعرها حبيبتي يعني ما في مجال الحين هههههه
والله يرزقج ببنوته حلوة مثلج وادللينها مو بس تحطين لها مناكير ^*



شمعه


شكلج مضغوطة حدج من جي عصبتي عليها ,,
هي ياهل ولازم اطولين بالج عليها وبخصوص نومها هي ما شاء الله
كبيرة المفروض معتدل نومها حاولي الحين تنظمين لها نومها قبل لا تولدين وتتوهقين ..
ا
الناعمه77
عروس متألقة
03-09-2009 | 03:10 AM
ديور الله يخلي بنتج ان شالله ويحفظها ..

بنزل صور توزيعات ولدي
D
DIOR QATAR
عروس برونزية
03-09-2009 | 03:14 AM
الناعمة


ويخلي لج ولدج ويفرحج فيه مشكورة ع الدعوة الحلوة ^^
M
MoZ(a)N
عروس مشرقة
03-09-2009 | 03:23 AM
ديور

اي صح كلامج بس يعني قلت اذا خاطرج كلش اتسوين السلطة قولي حق حد مو شرط "الخدامة"..
يحليلها بنتج.. عادي اليهال لهم الحركات بس صدقيني لما تكبر شوي بالثالث والا الرابع بتريحج.. انا جي كنت نفسج.. بس الحين الحمدلله مرتاحة مع حمود..


الجوري

ههههه ان شاء الله اتطبقينها عقب ما تولدين وتعجبج..
حمودي بخير فديته... نايم.. صار له كم يوم احسه كله نعسان..
M
MoZ(a)N
عروس مشرقة
03-09-2009 | 03:30 AM
تصبحون على خير
ا
الناعمه77
عروس متألقة
03-09-2009 | 03:41 AM
توزيعات ولدي لليهال







توزيعات ولدي للشخصيات المهمه ..ليداته وعماته





وزينته بهالطريقه شرررررايكم..


D
DIOR QATAR
عروس برونزية
03-09-2009 | 03:44 AM
من ايميلي ,,




يا شباب هذا الايميل خطير جداً جداً لا يوصل لزوجاتكم عليكم الحيطة والحذر سمعتوا يا بعض الناس






مواصفات الزوج أبو عيون زااااااااااايغه
الا الخاين بعد







1- تلفونه دايم عليه قفل




2- كل ما تدقين عليه عنده ويتنغ - انتظار


وسبحان الله في البيت تلفونه ما يرن أبد وغالباً لأنه سايلنت - صامت

3- إذا نسى تلفونه عندج بالسيارة وهو نازل بقاله ولا صيدليه يرجع مثل الصاروخ علشان ياخذه
4- إذا يبي ينام يقفل تلفونه
مو علشان سواد عيونج ولا علشان راحتج طبعاً

5- عنده ردود استباقيه ... يعني إذا رن تلفونه يقول لج هذا واحد مليق مابي أرد عليه
مع أنج ما سألتيه منو داق ولا قلتي له شوف منو داق !! ...



6- يكون عنده ارتباط بين المسجات أو الرنة ... و الطلعة من البيت!! مادري شنو

العلاقة بس يتعذر بعدهم بأي شي علشان يطلع

7- يتكلم بالتلفون في مواقع غريبة الدوانيه - الحمام - المطبخ


المهم مكان بعيد عنج


8- فيه أسماء غريبة في تلفونه على سبيل المثال



أبو غادة = غادة




عنتر = عبير





محل الكنافة = اللي مرقمها عند الطيباوي





الشرقاوي = مرقمها بسوق شرق





أنور = نوره





بو صالح = باميلا اندرسون






9- لو كنتو طالعين بالسيارة ونزل بقاله ولا حمام يطول أكثر من اللازم !!!ا





10- فجاءه يصير حبيب معاج بدون سبب - عقدة الذنب




11- ما يمنعج من الروحه لأي مكان ... لأنه يبي الفكه يا هبله دايم يقولج روحي وسعي صدرج


12- ما يقول لعيالكم كلمة ( عيالي ) يقوول عيالج


13- إذا رحتي بيت اهلج يدق ويقولج إذا مستانسه مع خواتج نامي اليوم عندهم


14- يسولف ويتفلسف في الأمور الحريميه





حمل ولادة مكياج دوره حواجب أظافر وتستغربين من وين عنده هالكم من المعلومات ؟؟





من عندها يا ذكية






15- يحاول يتخانق معاج إذا كان مواعدها عشان يكون طبيعي أنه ما يرد على تلفوناتج


16- إذا وصل البيت يقعد بالسيارة ساعة قبل ما يدخل





.. تدرون بعد .. أحلى المكالمة آخرها ..




17- كل كلامه مع أصحابه يكون بالألغاز لأن كل مواضيعهم عن بنات

X