تجمع حوامل قطر لشهر رمضان *1430ه*

صباح الحب ..

شخباركم وحشتوني ..

مس :
الله يعينج ويعينيي معاج
الدموع تنزل بروحها كل مااقعد بروحي او لما دشيت وسبحت
ولما رتبت اغراضي ووديتهم بيت هلي قعدت اصييييييح
وترا صج على قولتج لانج عارفه السالفه
بس على قولت ريلي انتي فكري ان الحمدلله لان اول شي انتي قررتي انج تبين تحملين
والحمدلله الله استجاب وعطاج وغيرج يموت ويحصل ياهل
ثاني شي الحمدلله طفلج اللي ببطنج صحته زينه وانتي صحتج زينه
وغيرج عارفين ان الياهل بيوصل وفيه شي او الام تكون تعبانه ..
الحمدلله دكتورتج مطمنتج ان ولادتج طبيعيه وغيرج مثلا لاا
زوجج وهلج وامج وكل احبابج عندج وغيرج ماعنده احد او فالغربه
وفكري ان الولادة وتعبها انتي ماجورة عليه ورحمه ونعمه من ربج انج بتنسين كل التعب والدليل ان الوحده تحمل مره ثانيه
واخيرا انج بترتاحين من الثقل وبتشوفين عيالج بين يدج
الحمدلله لما يقولي هالكلام والله ارتاااح الحمدلله
بس بعد بوطبيع لما ارد واقعد بروحي اصيح..
بس حزات اذا دش علي ريلي وشافني اصيح
يقولي شكلج نسيتي الكلام
اقوله متذكره بس لما احد يقولي غير
يقولي بسجل صوتي في جوالج واذا ماكنت عندج شغليه ههههههههههههه
فديته الله لايحرمني منه
فانتي كل ماتجيج الصيحه اقري كلامي اذا حسيتي براحه منه ...

قطر:
حبيبتي الصراحه اشكرج واااايد انج حطيتي طريقة سويت التويكس
من يوم مااكتب المقادير وانا داش خاطري لاني احب التويكس
المهم اليوم لما رحت بيت هلي
قلت حق اختي تسويه وصج طلع واااااااااو من قلب ولذيييييذ
وعجبهم كلهم وشكله حلو فالاكواب لانه طبقات وملون
يعطيج الف عافيه ..


موزان :
فديتج لاتخافين ماعليه شر هاي من التطعيم فديته
كل شوي قيسي حرارته ومثل ماقالو لج عطيه ادول او كالبول انا استخدم كالبول
بس اذا بعد الادول باجر تمت حرارته مرتفعه وديه الدكتور احسن وعشان تطمنين
وماعليه شر حبي وان شاء الله باجر الصبح بيقوم لج زي الحصان
لاتحاتين ذكرتيني بنفسي البجر كله تتخرعين من اي شي .. لما الحين انا جذي بس احاول اخفف من هالشي ...