تجمع حوامل قطر لشهر رمضان *1430ه*

Baby.Pink;10246151:
ام الغالين
البف بتلقينه عند اختيارات المرأه قريب من المحل اللي يبيع الجوارب

من كم يوم اكتشفت محل في الستي اسمه توب تاتو نفس المحل اللي في العثيم بس اسعاره اغلى ..طبيعي كل شي عندنا غالي :)

========================================
لامش اسمه توب تاتو ...اسمه تاتو .......وشكله مش فرع السعوديه لان بضاعته غير...بس اللي في العثيم احلى وارقى خذت جلابيه العيد من هناك

ام الغاليين يسلمو غلاتي فكرت في اتش اند ام
يبيلي روحه لفيلاجيو كل المحلات هناك

أم الغاليين الثلاث;10248609:


موز موز

باسوي شوربة البطاطا امس سويتها وطلعت لذيذه بس ريلي كان معزوم وماذاقها عاد اليوم باسويها له ^_^

الله شهيتيني فيها... عليكم بالعافية ^^


روح

شارع النخيل... ورا شارع مادري عمارة الشيخ حميد

موزاااان سويت الشووووربه

باصورها لكم


الله يعاااافيييج حبيبتي

ياي < في انتظار الصورة :)

موز موز
يعطيج العافية غناتي

ام الغاليين يات في خاطري ابي اشووفها :)

um bo 3oooof
jaw3teeeni
5a6ry asawi shooorooobah
ween almaqadeeer ??

الله يعافيج روح

ام الغالييين تبي اتعذبنا خخخخخ

أم الغاليين الثلاث;10245775:
بسوووووووووووووومه

اياني واياااج تلبسين تنوووره وقميييص العالم من غييييير شي تحط عينها على كل شي من صجج تبييين تلبسين تنوره وقميص؟؟؟


البسي قميص نوووم كشووووخي وحطي كحل بس انا كنت ف بنتي الثانيه مخلصه شهر ف عيد الاضحى بس تميييييت بقميص نووم كشخه وبس

كشخت بنتي بس شووويونه

لكن لاتلبسيييييييييييين تنوووووووووره وقميص اختي كملت شهر والبست كلووووها النااااس وماكانت بكر فمابااالج انيت بجر :ss:

انا في ولدي الاخير .. ربيت قبل عيد الاضحى باسبوع تقريبا :) وكنت لابسه بنطلون وتي شيرت يوم العيد صج ماحطيت مكياج بس ماعرف اطلع بقميص نوم حتى لوبيت امي ..ومسويه قيصريه بعد كنت

elegant_QR;10242937:
بسومة وموزان: ثانكس عالرد


ام حمني: المعرس فديته فيه سهال ويرجع

ماقلتوا لي من تعرف مسادة عندها تحاميل

ولدي جلده متقشر.. كل ايوم احط له زيت بس بعد متقشر عادي؟

ومن احسن دكتور اطفال في الاهلي؟

احسن دكتور اطفال مامون بالكيالي من تجربه وبخصوص التقشر انا كنت هالشكل اسوي لعيالي اخر شي طلع ولدي متحسس من الحليب وانا ذبحته بالبيبي اويل .. قام الدكتور غير لي حليبه ووصف لي NAn H,A والحين الحمدلله صار ريال عقبالج ..

كان في خاطري احط لكم الشوربه بس البلوتوث عندي خربااان لي شبكت من جهاز ريلي باحط لكم الصووره ان شاء الله

السلام عليكم

انتقلت الى رحمة الله تعالى ام امونتي اليوم العصر

الله يرحمها ويغفر لها ان شاء الله

الله يصبرهم ويمسح على قلوووبهم ياااارب


• اللهم ارحمها رحمه واسعه وتغمدها برحمتك , اللهم أرحمها فوق الأرض وتحت الأرض ويوم العرض عليك , اللهم قها عذابك يوم تبعث عبادك , اللهم أنزل نورا من نورك عليها , اللهم نور لها قبرها ووسع مدخلها وأنس وحشتها , اللهم وأرحم غربتها , اللهم أجعل قبرها روضه من رياض الجنه لاحفره من حفر النار, اللهم اغفر لها وارحمها , واعف عنها وأكرم نزلها .

• اللهم اغفر لها وارحمها , وعافها واعف عنها , وأكرم نزلها ووسع مدخلها , واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس, اللهم جازها بالحسنات إحسانا وبالسيئات عفوا وغفرانا , اللهم امتك (ام امونتي) أن كانت محسنة فزد في حسناتها وأن كانت مسيئة فتجاوز اللهم عن إساءتها, اللهم افتح أبواب السماء لروحها وأبواب رحمتك وأبواب جنتك أجمعين برحمتك ياأرحم الراحمين, اللهم هذه امتك خرجت من روح الدنيا وسعتها , ومحبوها وأحباؤها فيها إلي ظلمة القبر وماهي لاقيه , كانت تشهد أن لا إله إلا الله وأن محمد عبدك ورسولك وأنت أعلم بها , اللهم يمن كتابها , وهون حسابها , ولين ترابها , وألهمها حسن جوابه , وطيب ثراها وأكرم مثواها واجعل الجنة مستقرها ومأواها.

الله يرحمها ويغفر لها

والله يصبرهم ويمسح على قلوبهم

الله يرحمها ويجعل مثواها الجنه ويصبر امونتي واهلها

الله يرحمها ويغفر لها.. ويصبر اهلها..
اللهم اغفر لها وارحمها , وعافها واعف عنها , وأكرم نزلها ووسع مدخلها , واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس

لا حول ولا قوة الا بالله
الله يصبرهم ان شالله

ام تميم : الحين كل يوم ادهنه بزيت وان شاءالله يروح

دوحانيه: انا مفكرة البس جلابية فخمه بس مادري عادي ولا البس من قمصان النفاس؟؟

وهج: زين سامر هو الي بديت اتابع معاه

مس اجنر: اي والله بلا فناتك بلا عوار راس.. وان شاءالله الكشخه حق عيد الاضحى

dying4qatar: الدكتور شافه وماقالي شئ الموعد الجاي بسأله بخصوص التقشر

بكتب لكم اكشن ولادتي

اكشن ولادتي:

جدمت عن موعدي الاصلي 17 يوم

كنت سهرانة كعادتي من بداية رمضان وقلت خل ادخل المنتدى لأني كم يوم مادخلت الا اقرا ان بسومة نزل عليها الماي وراحت المستشفى .. قعدت احاتي و اناافكر ورحت صليت وقلت انا باجر لازم اخلص كم شغلة الي باقين لي .. انا ماضمن يمكن اولد قبل موعدي .. نمت 4 ونص وقعدت 10 ونص الصبح احس بشئ ينزل .. ورحن الحمام الله يعزكم الا اشوف ماي ينزل وشوي دم .. ودخلت المنتدى اسألكم قلتوا لي اذا الماي مو وايد اصبري شوي وعقب روحي .. وكل شوي ينزل ماي رحت قعدت امي قلت لها قومي شكلي بولد .. قالت شلون قلت لها ينزل علي ماي .. وزين اني رحت بيت اهلي من بداية رمضان .. قلت ماضمن متى اولد على الاقل امي تكون معاي .. المهم كلت تمر وشربت حليب واناناس وطلعوا اغراضي الي حق المستشفى ورحت الاهلي الساعة 3 على طول رحت الطوارئ .. ودوني غرفة يكشفون علي وقالوا مافي طلق ولا فاتح شئ بس قالوا لازم اقعد عندهم عشان ينزل علي ماي .. وكنت نعسانة وقعدت في غرفة وكل شوي يجون يفحصون ويحطون لي تخطيط .. ولا في فايدة مافي طلق وقالوا بيعطوني تحاميل تحمي الطلق وظليت من 3 العصر لي ثاني يوم الصبح الساعة 7 بديت احس بألم .. بس مو مثل ماسمعت انا يكون الطلق كل ساعة بعدين نص ساعة لين يوصل 5 دقايق من البداية كل 5 دقايق وجاتني روزوفي فحصت قالت فتح نص سانتي .. وانا قلت الله يستر شكلي بطول في المستشفى اسأل امي في الم ازيد من هاي قالت اي .. قلت لها عيل بقط روحي من الدريشة خلاص بموت وهي تقول لاتقولين جذي وقعدت اصيح وهي تمسح على راسي وتقؤا علي قرآن .. وكتن زوجي واختي بيجون قلت لها لا مابي احد يشوفني جذي ومحد كان يدري ان لي يومين في المستشفى لان مابي جدتي وام زوجي يحاتون.. وظليت من الصبح لي 3 العصر عقب فحصوني قالوا 1 ونص وانا الدكتورة تبيني ارفع جسمي مو قادرة اقولها I WILL DIE هني خلاص مت من اللألم ويحطون لي التخطيط يقولون للحين مافي طلق .. عقب زاد الالم صار كل دقيقية .. وانا اتالم ونعسانة ابي انام لاني مانمت في الليل الا ساعتين واسأل الممرضة كلمي الدكتورة مايصير تعطوني شئ ينومني دايخه ابي انام بس من الألم ماقدر .. جاتني الدكتورة الساعة 9 وانا حالتي حاله قالت بتفحصني وانا خلاص مليت .. امي قالت لها يعني في امل يكون فتح زيادة بهالسرعة هي من امس لليوم على واحد ونص قالت لها كل شئ جايزوقت لها ابي شئ يخفف الألم تعبانة قالت مافي الا ابرة الظهر وانا قبل كنت مقتنعة ماخذها بس من الي شفته قلت لها عطوني اياها قالت مايصير الا لما يفتح 3 .. فحصتني وقالت 3-4 خلاص نزلوها ولادة ماصدقت هالكلمة يوم سمعتها .. وقلت حق الممرضة يالله عطوني الابرة قالت لا لين دخلتي غرفة العمليات بنعطيج اياها .. اول مادخلت عطوني الاكسجين ريحني شوي .. كل ماتجيني الطلقة انادي الممرضة عشان تحط لي الاكسجين ومره ناديتها ماسمعتني لان صوتي رايح سحبت ثيابها عشان تنتبه عقب جاني الدكتور وعطاني ابرة الظهر وعقب جاتني دكتورة دنيز عشان تولدني .. كل شوي تروح وتجي تفحصني تشوف شكثر فتح لين وصلت 9 عقب ظليت ساعة ونص لين فتح عشرة .. وبعد قالت لي باقي حلقة .. وكانوا الممرضات يعلموني شلون اتنفس وشلون اسوي بووووووش لي حسيت بالطلقة بتجي .. وظليت طول الوقت احاول اتنفس بدل لا صرخ واختي وزوجي وهلي وصلوا .. عقب صار وقت البوووووش ماعرف شلون اتعصر مادري صح ولا غلط بس قعدت اتعصر واحاول لين طلع ولدي بس ماسمعت صوته خفت .. عقب قالوا لي لانه طولت وهو تعب ودوه يحطون له اكسجين عقب سمعت صوته يصيح وارتحت شوي على طول بدوا يخيطوني .. هني مت من اللأم حاولت اسوي طريقة التنفس ماقدرت قمت اصرخ .. قالت الدكتورة المفروض ماتحسين بألم انتي ماخذه ابرة الظهر عقب عطونب بنج وبعد احس باللألم .. عقب قالت لهم الدكتورة جيبوا الولد تشوفه عشان اسكت وماصرخ .. شفته وبسته مالحت اشوفه عدل وخذوه .. ولما خلصوا الخياطة خلوني عندهم ساعتين عقب نزلوني الغرفة ,ونزل دمي من 9 لي 6 وقبل لاطلع من المستشفى نقلوا لي كيسين دم ومارضوا اطلع بدون ماخذه وانا توكلت على اللع وخذته عقب ماشرحت لي الدكتورة الوضع .. بصراحة خدمتهم وايد زينة والممرضات كانوا وايد اوكي ويضحكوني ويخففون عني . حتى عقب مارحت الغرفة جوني وعلموني شلون ارضع طبيعي وشلون اسوي قياس الحليب حق المرضاعة وشلون اشفط وفي ممرضتين صاروا ربع ولدي كله يجون يلعبون معاه هم تخصصهم يساعدون الوحدة يعلمونها ترضع وبالهم طوووووويل يقعدون معاي بالساعتين بصراحة ارتحت في الاهلي ومافكر اغيرهم .. وبس هذا اكشني