تجمع حوامل قطر لشهر رمضان *1430ه*

صبحكم الله بالخير ..

صبحج الله بالنور والسرور

شخباركم ؟؟

بيبي بنك
انتي بأي شهر؟
اذا فالشهور الاخيره عاادي لين اللحين ماشفتي شي
الله يعينج ع التيبس
المكان ضااق ع البيبي

ام الغالين

شفتي محل جيين مال الاكسسوارات عنده مجمع غيرون فيه محلات واكشاك شباصات وبكلات شعر
عندهم هناك البف ,,
ابي اروح مره ثانيه :( مافتريت عدل


أخباركم .؟

دوحانيه بخير الحمدلله والشيخ نام من ساعه تقريبا
ويلا تصبحون ع خييييييير

ريل
بدخل السادس او دخلت مادري

ام تمووم

حراااام صبري عليييها كسرت خاااطري شووفي خلييها شهر وخلي الخداماات يترجموون كلشي تبينه لها واذا شفتيها ماعرفت اللي تبينه ذيك الساعه يحلها الف حلاااال

بسومه


او البسي جلابيه ناعمه ..فيه شاي تكلمتي عنه شسالفته ومن وين ماخذينه لج .؟
ابي اضعف خخخخخخخ وزني رجع مثل ماهووو بس الكروووشه الحلوه لحين موجوده .
اليوم ابتديت امشي وعقب ان شاء الله بسوي رجيم دشتي ..

وترى للحين ماستقريت بمشد اوكيك هع ماعرفت شاشد بطني به

ام الغالين
البف بتلقينه عند اختيارات المرأه قريب من المحل اللي يبيع الجوارب

من كم يوم اكتشفت محل في الستي اسمه توب تاتو نفس المحل اللي في العثيم بس اسعاره اغلى ..طبيعي كل شي عندنا غالي :)

ام تمومي

مسكيييييييييييينه بصيح ههههههه
ترى كل الخدامااات جي لازم جديده واصلا احسن لج جديده تتعلم على ايدج
خدامتي جي اول ماجبتها ماتعرف لشي واحنا علمناها على كل شي والخداماات الموجودين يترجمون لهاا وتعرف ماشاء الله ..
خلي خدامه من عندكم ترجم لها كلامج وتعلمها كل شي ..والله يعينج الصراحه ..

بيبي بنك

انا توب تااتو الي ف العثيم خذت منه للعيد وقلت له عن الي بالستي
قالي هاي شركته غير واحنا شركتنا غير بس نفس الاسم ..

بنات من تعرف رقم حنايه يكون شغلها حلوو
مشتطه اتحنى لانه اول عيد مع ريلي ومافيني شده على الصالونات والنطره

قطريه نفس البضاعه اللي في العثيم والستي حتى كان في خاطري جلابيه وما قدرت اخذها من العثيم خذتها من الستي

ع طااري الحناايات ابي رقم حناايا

حنااها حلوو ابيها حق 2 او 3 ايام العيييد

عندي رقم الحفافه رضوانه
معاها وحده تحني
توني متحنيه عندهااااااااا يوم طلعت من لاربعين وحلوووو حناهاااا معنها توها مبتدئه
وطلعت لهاا نقشات من النت وسوتهم لي كوبي بست :) ..

قطوور

دزي لي رقمها

الجوري

لا ما جربته ولا طعمته.. بس يمدحون في طعمه.. ما يندرى

بالنسبة لهدايا العيد.. ريلي بسويله نفس حركة قطورة... بس مو اول يوم عيد.. لانه ما بيكون موجود..
وامه بشوف.. باخذلها شي قبل ما اروح قطر.. افكر في دخون/مخلط وعطور ..
امي... ماخذتلها اغراض وايد من الامارات قطع وعطور ودخون.. بس ان شاء الله لين رديت قطر باخذ لها شي لفالة العيد..


برد انام

صباحكم ورد
ام تميم
ايه عليج حاولي تعلمينها صبري عليها اسبوع مانفعت غيريها
الله يكون بعونج انا بعد خدامتي يديدة يات وعمر عبود 5 ايام
والحين باطة جبدي اول شي منعتها من الجوال وحنت لين ماعطيتها
ولا قصت علي تقولي تلفونها خربان خذت يديد والحين اشوفها تشغل الاثنين
فلبيني وقطري وامس يايتني اختي يات الدوحة تبي العنوان تبي تشوفني
واقطع يدي اسبوعين بتيي بتقولي تبي يوم اجازة احس بموت منها قهر مو عارفة شسوي
هي فاكتني من الطباخ وتنظيف البيت اخاف اذلفها اتوهق واخاف ايييب غيرها واتوهق اكثر

هلا لمار

وينج مره وحده قطعتي ,,سلامه ولدج مايشوف شر
بخصوص الاكل خذت قطعت صغيره من صدر الدجاج فوحته في الماي بعدين حطي تقريبا 2قفشه شوفان واي نوع من البطاطا اللي يحبه وخليه على النار لين مايستوي بعد اهرسيه

جربت اعطي بنتي افوكادو 3 قفاش ،،

قطر
بخصوص الملح احط ذرة بس وبخصوص الدجاج قرات في كتاب انه عادي من السادس تعطينه الياهل

اليجنت
سلامه ولدج مايشوف شر
فيه دكتور اعتقد اسمه سامر اسامه وبعد في وحده هنديه كانه استشارية

امس سويت جيب التاجر وايد حلو
وبعدين خذت التوست ورقته وقطعته بالقطاعه حطيته فيه جبن بين طبقتين توست وبعدين غمسته في بيض وزعتر وقلته في زيت حار

السحور
ربيان منظف مع القشور
الخلطه : عصير ليمون ،، خل ،، زيت زيتون ،، ملح ،، وفلفل اسود ،، فلفل احمر حار
ثوم مدقوق
نخلطهم مع بعض ونضيف عليه الربيان تقريبا نخليه ساعه
نحطه في طابي على نار هادئة لين مايستوي وبتكون معاه صلصه خفيفه
وسويته معاه خضار : بصل جرز فلفل بارد بروكي شوحته في زبده شوي وملح وفلفل

وبالهناء

صبااح الخيير مااامييز وكروشات...

حبيت اسال ولدي كمل السنه وعنده تطعييم وما طعمته للحين عااادي ااخر شوي يعني لحد عقب العيد والا مب زين...


وسؤال ثاني بعد حد يعرف متى تفتح العيادات الخاصه فرمضان فليل....ويعطييكم العافيه..