انا اول مره انزل موضوع في ركن المطبخ .. وان شاء الله ما رح تكون اخر مره
ع فكره هالطبخه ما اخذت مني اكثر من ساعه وطلعت لذيييذه
انا مارح احدد قياس المقادير لاني اعتمد فالطبخ على التذوق :)
نبدأ بسم الله ....
المقادير .:.
1) كوسا
2) باذنجان
3) بصل
4) ثوم
5) بقدونس
6) البهارات : ملح+فلفل احمر + بهارات مخلوطه + هيل مطحون +بهارات هندية
7) صلصة الطماطم
8) شيش طاووق الدجاج الجاهز بس تقليه
هذي صورة البهارات الهندية اللي عندي
هذي نوعية الشيش طاووق الجاهزه
اول شي قليت الدجاج وتركتهم على جنب
شوحت لبصل والثوم في الزيت لين ذبلو
ضفت الكوسا والبقدونس وتركته لين تذبل الكوسا
ضفت الباذنجان
بعدين ضفت الملح والبهارات وصلصة الطماطم
خلطتهم وضفتلهم شوية ماي
خليته شوي بعدين ضفت الدجاج اللي قليته
خلطتهم مع بعض .. وانتي تقدري تحددي اذا تريدي المرقه تكون اكثر بزيادة كمية الماي
طبعا غطية القدر .. وفي هالاثناء حطيت الرز المنقوع على النار
ضفت عليه ملح وملعقه صغيره كركم وخليته يغلي
بعد ما بنضج العيش ارفعيه عن النار واشخليه .. وقدميه مع مرقة الدجاج بالخضار
تريدوا تشوفوا النتيجه ؟
••
••
••
••
••
••
هالطبق هدية لأول وحده ترد :15:
ان شاء الله عجبتكم النتيجه .. واتمنى الاقي منكم التشجيع لاني مبتدئة فالطبخ