طبعا نفس ماقلت لكم انه انا طالبه اغراض حق عبودي حبيبي من النت
المهم اليوم وصلت شحنه مذركير وصورت لكم كل شي
وبقولكم التفاصيل والاعداد واللي حاب يسالني عن اي شي انا حاضره
اول شي اغراض الرضاعه
هاي توتال المراضيع
انا ماخذه ايفنت وتومي تبي
شفت ايفنت وتومي تبي وعجبوني وخذت الاثنين بس يوم شفتهم ع الطبيعه عجبوني ايفنت اكثر احسهم جوده اكثر
وتومي تبي طلبت شوي اكثر لانه حسيت اني بغيرهم كل شهرين لانه شكلهم مايعمرون بس هم حلوين
مادري يمكن يتغير راي فيهم اذا جربتهم ويا عبودي
هذه اصغر المراضيع الايفنت 125 مل والتومي تبي 150 مل
هاي المصاصات او الحلمات حق المراضيع اخترت نوعين اللي يجيج من الولاده واللي عمر اكبر شوي
هذه لهايه وصغيره وشكلها حليوو
هذه فرشاه تنظيف المراضيع وخذت 2 لانهم يخيسون بسرعه ويبيلهم تبديل ع الاقل كل شهرين
والحلو فيها انها تتفتح وتصير حق الحلمات
هذي كريم لحلمات الصدر 2 حق قبل الولاده وبعدها واكياس لحفظ حليب الام وخذت علبتين
وهاي نفس بادز حق الصدر عشان مايوصخ الحليب الملابس
وهاي بدله عجبتني وملمسها نفس ملمس الفوطه الناعم وبلفيت حق الكشخه حسيتها حليوه
وهذا جوتي صغنون حق الكشخه بعد
وهاي قبعات حق البيبي شبه شتويه يعني موثقيله وايد
وهاي قفازات عشان البيبي مايخمش نفسه
وهاي بلانكت حلووه وخفيفه بنفس الوقت واذا طويتيها تصير ثقيله يعني تنفع حق شتانا الحلو ههههه
وهاي دلاغات الوان ع نفس الوان الثياب اللي خذتهم
وهاي حق البيبي ينحط ع كتف الام عشان لين البيبي يتجدأ
وهاي فوط صغاار حق البيبي وهالعدد كفايه اضن
وهاي فوطه حق السبوح وانشالله باخذ ثانيه بعد بس من الدوحه
اتمنى اعجبتكم الاغراض وحبيتوها واي سؤال انا حاظره
وانشالله بيوصلون بعد كم يوم الثياب وبصورهم بعد
(f)
ونسيت اقولكم يوم الجمعه يوم ميلادي وهديتي من زوجي الغالي هذه
صج صج تلفون روعه