تجمع الحوامل اللواتي يلدن في شهر كانون الثاني (يناير 1 )2010 الجزء الرابع

ويييييييييييييي اخيرا انهيت الواجب

صدق اللي بيعقبونه يقولون له اقرا واجب حوامل يناير

صبحكم الله بالخير صدق وشخباركم :)

قطوور، هلا شخبارش، كلها هالاسبوع ونتبادل الادوار انا وانتين، لأني برد الدوام يوم الأحد :(


عيوونه مبرووووك الولد يتربى بعزكم :)

سيووووووود الف مبروك نواري ، تتربى بعزكم ان شاء الله

سيووده هالمهادات في منها في مدركير سنتربوينت على خمسة دينار تقريبا

مروووم

هلا حبيبتي ... انا من الاسبوع الياي اجاااااااااااااازه .. وااااي حدي مستانسه ^__^

انا كذا مره رحت مذركير ومالقيت هالمهادات :( بنطر التنزيلات تخلص عشان اشوف البضايع اليديده ^__^

في جم شغله تكلمتوا عنها اسمحو لي اتكلم عنها :

1) اللهاية ( السهاية ) والعضاضات بدري عليهم من الحين اولا اللهاية تخرب اللثة وقت خروج الاسنان والعضاضات ما بتستخدمونهم الا لما البيبي يكمل 5 - 6 اشهر

2) تنظيف البيبي من رأيي يكون مباشرة بالماي أنظف وأطهر ، بس يمكن صعب عليكم ، فشوفوا اللي يناسبكم

3) لا تنسون تغسلون ثيب البيبيهات قبل ما تلبسووونهم لأنه ما تدرون اشفيها ، على الاقل لو بماي ، بس انتبهوا للي قطن 100% ينكمش ، لا تقولون ما خبرتكم

4) صابوون ثياب البيبي محد تكلم عنه ، انا استخدمت فيليتي ، حلوه ريحته خفيفه يجي سائل وفي باودر

5) افضل لو ثياب البيبي ما تكون فيها قطع تضغط على البطن مثل البانطلون او التنوره، يعني فستان او overall يكون افضل ، لأن البيبي بيواجه مشاكل ويا بطنه اول الاشهر ، غازات وغيره ، فالشورت والتنورة وهالقطع ممكن تضايقه اكثر.

6) في كرسي للبيبي مثل اللي خلتنه نبووض كهربي هزاز وفيه العاب ها استفدت منه وااااااااااااااااااااااااااااااااااااااجد للبيبي ولي ، اقول لكم اشلون ، بالاضافه للعب اللي فيه وتشغل البيبي لولو لما كان بطنها ما يمشي ، بش اخليهاعليه واشغله على طول يمشي بطنها ، غير انه لما اخليها عليه كانت بسرعه تنام بالاضافه للشي الأهم ، لما ليول ما تكون عليه بس اخلي رجايلي واشغله يسوي لي مساااااااااج فن :) خخخخخخ.

7) في بعض الألعاب تجي بحيث انها تتعلق للبيبي في العربه او في كرسي السياره وتشغله وتلهيه ، في منها انواع واااجد ريحوني

بالنسبة للأم

1) الهافات اللي استخدام مره وحده لفترة النفاس وفي لقبل بعد للي عندها افرازات ، في منهم في مدركير الاصلي ( بجيان والسيف ) الباكيت فيه 6 حبات شريته بحملي بلولو بدينار ونص تقريبا ، وترى في السرور بعد بس توني شايفتهم الشهر اللي راح وما ادري على جم بس اقل من دنينار اتوقع ونفس الماتيريال.

2) ثياب النفاس افضلها تكون قطعتين مو جلابيه الا للي ولدوا قيصرية ، لأنه بالولاده الطبيعية تبين شي يشد البطن. اهم شي مفتوحه في الجيب او انه يكون واسع للرضاعه.

3) لاااااااااازم حزام لشد البطنبعد الولادة ، بس اللي قيصرية ما تستخدمه ، وترى كل الاحزمه اشوفها توفي الطلب مو لازم الاندنوسي ، ام شي انه تخلينه مده طويله وتشدينه عدل ، الاندنوسي غربااااال لأنه طوييييييييييييييل 10 متر تخيلوا ، اشلون تربطينه وتفكينه يبي له شغله واحد يساعدش فيه اساسا.

4) كريم الخياط وصي الدكتورة لما تجي تكب لش على خروج من المستشفى انش تبين من هالكريم ، وبيعطونش، اني بولاداتي كانوا يعطوني المستشفى ( مرهم عصارته بيضه وفيها خط وردي ) وترى السيم او الخيط يحتاج ثلاثة الى اربعة اسابيع على ما يطيح كله فلاتحاتون اهم شي المنطقه تكون دوم جاااااافه يعني مو تتنقعون بماي وملح او سافلون مده طويله، شي بسيط وقوموا .

سهرانين هااا ههههههههههههه >> انتي شكو كككككك

سيوده بعد جبدي ماعليج منهم ههههههههههههههههه ترى المفهي زايد عند الكروشات

دام فشونه تقط ثيابها في الزباله ههههههههههه انتي ماتنلامين اذا تميتي في التجمع

القبلي لووووول

بس فديييييييييتج استااااااااااانست لج وااااااااااايد والف الف مبرووووووووك على البنووته

الحلووووووووووة وعقبال ماتشووفينها باحضااانج:15:الحين بنتج رفيجة اتااامي بنت نبوضه

معاريس التجمع الحلواات :D

عيوونه وحرومة اذا طلبتوو من اماازون وصلو اغراضكم صوروهم خل نشووووف

قطورررررررة صباح الخيرررر يالحلوووة اي واجبناا كل ضحك امس هههههههههههه

انا توني جيت من الدكتورة وشفت علااوي وطمنتني كل شي الحمدلله تماام والمشيمة

تمام ووزنه بالنسبه لعمره قالت لي وايد زين الحمدلله ..

نبوووووووضه تررى اعترفت زوجته الاولى ان هي اللي سوت الحرريق في الخيمة حسبي

الله عليهاا تسببت في قتل هالاواادم وريلها ومرته ماصادهم شي الله عليهاااااا

اكا قنوات الكويت والوطن كلهم كاتبين بالخط العريض !

ماشاء الله مروم كلااااااامج كله حلوو ومفيد تصدقيين في اشيااء وايد عرفتها منج

صح انا بعد اقول حق بنت عمي الحين لازم تغسلين ثياب ولدج احسن لان ماتدرين

الف واحد جاسهم قبل لاتشتريهم بس تقول مابتغسل عادي :ss: بس انا ضروري بغسلهم

البس ولدي شي نظيف احسن ..

وعلى سالفة اللهاية انا ابي اخذهم بس جذي حق اصور ولدي ههههههههه احب اليهالوو

وهم في حلجهم يصيرون كيوووت بس زوجي مو راضي اعود ولدي عليها بس انا باخذ

جذي شوو يعني ..

وعن الهافات اول مرة اسمع منكم وان شاء الله مانساهم ..

وبعد فيدينااا مرووووووم احنه بكريات مانعرف شي :o

بحبوحه

هلا حبوووبه ^__^
اي اي سمعت مساعه في الوطن مسووين لقاء مع واحد كان يقول ان عرفوا الجاني .. وحسبي الله عليهااااا :( :( :(

هلا قطوور

يمكن يبي لش تدورين عدل، تلقينهم صوب اللحفه والشنط ، يعني الاشياء الكبيره :)

في شغله بعد اهي مخدة الرضاعه انا استفدت منها لأنها تحمي ظهري وقت الرضاعه ما انحنا واني ارضع البيبي، يجي منها احجام وممكن استخدمينها لأشياء اخر بعد

من اشكالها




اخدتها من سنتربوينت على خمسه تقريبا ايام ليوول الحين ما ادري بالضبط جم ، بس ان لقيتيون الي يصير في الاطراف خيط او حزام للربط يكون افضل ، وقيسوها او شوفوها اول

مروووووم

تسلميييييييين على النقاط اللي كتبتيها .. صج في اشياء ماكنت حاطتها في البال .. ولج مني احلى تقييم ^__^

اي قطورة الله عليها وياخذ الحق ان شاء الله :(

مرروم هي شنو يعني نحطها ورى ظهرناا؟؟ عشان الرضاعه؟

هلا هلا بحبح

حاضرين للطيبين بس حروم وجمول وفجر ان شاء اله بيفيدونكم اكثر بعد :)

الهافات هي فادتني لأنه تعرفين النفاس والدم الغزير ماش خلق تغسلين، فدلين يريحون فصخيهم وقطيهم :)

بحبح، هي تخلينها في حضنش وتخلين عليها البيبي لما ترضعينه مثل الصورة تحت






اهم شي الحضن يرفع لش البيبي، واتسندي ، في الصورة في قطعه ورى الظهر ، مو ضرورية ان كنتين متسنده عدل

مرووم

الصوره الثانيه حق شنووو ؟ :)

بحبوحه

الحمدلله انج تطمني على علاوي ^__^ انا انشاءالله اليووم موعدي .. ^__^

تسلمين حبيبتيي

بس ماطلعت الصوررة حطي صورة ثانيه خل نشوووف :wink:

ان شاء الله قطورر تتطمنين على علاوي بكررررررة وطمنينا عااد

اي مرروم خلاص طلعت الصوررررة الحين فهمت عليهاااااااا والله صج شكلها مريحة

بندور وحدة مثلهاا

مروووم

خطييييييييييييره والله :)

لازم اكتب هالاشياء عندي والا بنساهم ...

قطور اي صورة تقصدين ؟؟!!

الورديه واخضرة ثنتنهم مخاد رضاعه بس الخضره فيها حزام عشان تنربط المخدة حولش عدل وما تفل او تزلق

mroom;10145135:
قطور اي صورة تقصدين ؟؟!!

الورديه واخضرة ثنتنهم مخاد رضاعه بس الخضره فيها حزام عشان تنربط المخدة حولش عدل وما تفل او تزلق

اي اي فهمت الحين (y)

ميرسي يا قمر (f)(f)

شفتي قطوررة طلعت مروم خطيرة الا اووووووف ههههههههههههه