همٌ يكبر كل آخر شهر - آبي رأإأإأيكم :(

خيووتي ..!!

آولا انتي صآحبة المآل وانتي الي تعبتي وحصلتي هالمبلغ بجهدج وتعبج طول هالشهر ..!!

مآله حق يقولج تعطينهم آو لا ..

هذا مآلج الخآص فيج ...


لو كآن من مآله ورآتبه الشهري من حقه يمنعج بس اذا من مآلج مآله دآعي اساس تقولين له لان هالشي هديه رمزيه بسيطه منج لامج وله لابوج وتقدرين تشترين هدآيآ بين فترآت بدل المآل لمنآسبآت عديده بدل اعطآء المآل وتسببين لج مشآكل ..


خيو نصيحه لاتخلينا يعتمد عليج بكل شي في البيت


ممكن يكون طمآن بالمآل لاسمح الله ...

بس سؤال من يستلم الرآتب الي يظهر لج ..

هل هو يحتفظ فيه ام انتي تخلينه عندج وله شنووو ؟؟

هل انتي تشآركينه بالصرف على المنزل ..؟؟



والله يهدي زوجج على طريق الحق ..!!

يعطيج الف عافيه خيووو والله يعينج

كلمه بسيطه وموقف قوي منك ينهي كل هالإشكال
بشكل صارم قولي له
هذا المال ماحصلته الا من تعبي وجهدي الخاص ومن توفيق ربي
ودعوات والديني امي وابوي
وحقهم علي اني اعينهم بشئ بسيط
حتى مايحتاجون لأي ماكان مو لانهم محتاجين
ولانهم جنتي ورضاهم من رضا ربي علي..,
وش بيضر لو عطيتهم ..؟!
ماابي ادخل معك في نقاش عقيم
يخليني اسئ نظرتي فيك
الله يبارك لي في راتبي ويعيني على طاعته..
ولو سمحت لاتفتح موضوع الراتب مره ثانيه لانه يضايقني .
نقطه انتهي
خليه يعرف وجهة نظرك وانك قويه
واذا زعل لاتنفعلين وتروحين تراضينه
قولي له فكر بكلامي ومزاجك صافي
وبجلسة هدوء بينك وبين نفسك..

والله وافق كان بها
ماوافق اسمحي لي اقولك انه طمعان براتبك
وحاط عينه عليه من اولها واستخيري ربك مره ومرتين في أمره :)

حبيبتي برائي انه تتفاهمين مع زوجك وتقعدي انتي واياه

وتفهيميه انه هذي صلة رحم و بر والدين

وبالنهاية هذا راتبج وانتي حرة فهي

اختي اهو يعطي اهله من راتبه والا لا؟؟ ولو كان مايعطيهم قولي له لو انت كنت تعطي اهلك من راتبك وانا منعتك راح تسمع كلامي حتى لو كان خطأ؟؟ خليه يفكر في الموضوع بينه وبين نفسه وقولي له ان هذا اقل شي ممكن اقدمه لهم على الي سووه لي,,حاولي تقنعينه والله يسهل ويفرج همج

غاليتي موقفك هذا ذكرني بموقف صار لوحدة قريبة لي ... كانت تشتغل مدرسة من كم سنه ومجمعه مبلغ وقدره 80 أو 90 الف درهم وزوجها للأمانه مو مقصر بالبيت شايل البيت اتصل فيها اخوها وقالها انا محتاج مبلغ ... قامت هي وعطته كل المبلغ اللي عندها مع ان اخوها يعمل وبمركز ومب محتاج

وتخيلي اخذت الليسن (( رخصة قيادة )) وقاعدة تاخذ سيارة زوجها عسب تروح الدوام وهو الفقير متشحتف بالتكاسي وذلة الربع واخواته واخوانه ... بعد فترة اخذها على جنب وقالها زوجها انتي عندج فلوس جمعتيها ليج ما تاخذين سيارة فيها ... قالت له انا عطيتهم اخوي كانت صدمة زوجها :ss: طيب ليج ما استشرتيني قلتي لي .... وبصراحة لان الله قال وامرهم شورى بينهم

والثانية وحدة من الاهل أخذت 700.000 الف درهم ومع الفوائد البنكية وصلت مليون ... عشان تزوج اخوها مع انه بعد يشتغل وما عليه قصور ولو كان محتاج وراتبة ما يكفي كان صندوق الزواج تكفل فيه ... بصراحة وبجلسة مع الذات كم سنه يبيلها عشان تخلصها يعني ربطت نفسها لمدة عشر او خمسة عشرة سنه جدام حضرتها عشان عرس اخوها بدون الرجوع لزوجها ... يعني وبصراحة احيانا تصرفاتنا نحن الحريم بغير عقل او منطق واضح ونفكر بعواطفنا دائما وتصرفتنا غير حكيمة هو الواحد ما عنده مانع انج تتصرفين بفلوسج صح لكن بحكمة وعقل اكثر ....

وما عليه هذي اللي سلفت اخوها قريبتي اكيد الحين بتقول انا ما اقدر اقول لاخوي ابي فلوسي اكيد هو ما عنده الحين واستحي اكلمة طيب من البداية انتي ليج خليتي عمرج في هذا الموقف ...وعلى فكرة البعض ياخذ فلوس عشان اسهم وخرابط وهذ اللي حصل مع قريبتي ... اخوها خذها عشان اسهم ....

يا اخواتي لا تخلون ازواجكم اعدائكم البعض يخاف على زوجته وتعبها وعرقها ويبيها تستفيد منه وترى كل وحده زوجها خلها تشتغل ترى تنازل عن اشياء كثرة والموظفات المتزوجات يعرفون شو انا اقصد بالضبط يعني لا تسرعون في الحكم على الزوج لو هو طمعان في زوجتة هي كانت راح تعرف هذا الشيء ولو كان خايف عليها هي راح تعرف كل وحده تعرف زوجها وطبيعته ....


بارك الرحمن خطاكم انا انظر من جميع الجهات وليس من منطلق منعني فقط ترى الموضوع يبان لصالج ولكن انا هذا تعقيبي

اقنعيني انه طمعان وانه ياخذ فلوسج ويلعب فيها مثلاً وانا يكون ردي ثاني ...



العتب

اتركك رائعتي مع محاسبة الذات والله يكون في عونك والله موضوع محير ولكن تستطيعن اتخاذ حل بكل سهولة ...

حبيبتي الله يعينك و يصبرك ..

بس انا من وجهة نظري حاولي أولاً تناقشيه في الموضوع و إذا عّند و ما رضى ..

مو لازم يدري .. انتي جالسة تعطينهم من فلوسك الخاصة ..

و ان شاء الله ربي يهداه و يتفهم و يتنحل مشكلتك ..

صراحة من وجهت نظري ان اللي ماله خير فاهله ماله خير فولا احد
انتي قوليله ان انا لو مو هما اللي درسوني وكبروني لا كنت اشتغلت ولا كان عندي راتب بعد
الله يعينك على بر والدينك

حبيبتي
انتي الغلطانه اللي تدخلين ريلج في كل صغيرة وكبيرة في حياتج الخاصة
هو ماله دخل يعرف كم راتبج ومتى تستلمينه وعلى منو صرفتيه وبايش صرفتيه
انتي بس سايريه ولاتاخذين بكلامه..

اقعدي معاه وقوليله اسمع انا مابي نكرر هالكلام كل شهر راتبي بعطي امي وابوي منه وانتهينا
اتوقع انه يحس الفلوس اللي تعطين امك وابوك اهو يستحقها اكثر منهم عشان كذا يمنعك انك تعطينهم
قوليله هذا اقل شي اقدر اقدمه لهم

اختي الغاليه
مو كل شي ضروري يعرفه الزوج
انتي تحبين تعطين اهلج مو ضروري انه يعرف هالشي
وراتبج شي خاص فيج لا الشرع ولا الدين يحق عليج انج تصرفين منه
على بيتج او زوجج الصرف اهني من اختيارج ولا يجبرج على شي ان تصرفين عليه منه
الا باختيارج

تفاهموا على هالشي واذا انتي حسيتي انه فعلا محتاج تقدرين تساهمين في الصرف على نفسج وعلى بعض مستلزمات المنزل من غير خلاف
ولا تخلون الفلوس سبب مشاكلكم
وكل شي ينحل بالتفاهم



دمتم سالمين
اختكم شريفة

اصلا هو مالة دخل فيييييييييييج

هذا شي يراجع لج بغيتي تعطينهم اولا

بدال مايفرح انج تعطيينهم يعصب ومنعج منهم والله مو خوووووووش تصرف

والله يكون بالعووووووووووووووووووون...

بس لو انا منج اعطييييييهم ومالي دخل فييييييييية والله اهلي اولى منه هوووو

واللي يبي يسوية كيييييييييييفة..

انا مع الاخت جمال الروح

نحن في انتظارج ... وينج الغالية طمنينا عليج

ترى الحياة الزوجية تفاهم ... وموضوع ماله حق وماله خص فيني شيليه من بالج انتِ انسانه عاقلة اوزني الأمور كلها بعقلج يا الغالية ... ولا تتهورين ... ترى لو طلب انج تقعدين بالبيت محد بينفعج لا راتب ولا شيء واللي رد عليج وقالج ماله حق ما راح ينفعونج ...

يا خواتي المفروض نحن في هذا القسم نوجد حل لمشاكل اخواتنا بأتزان وبعقل مو المفروض نشجع على حدوث مشاكل ممكن تسبب للطلاق والانفصال ... بأي شرع نقول الزوج ماله خص فيني ... وبأي شرع نقول ماله خص فيني هو رب البيت والأسرة والموجه ... المرأة تعرف زوجها إذا كان يستغلها أو لا

يعني الحين نحن نقويها ونقول لها ماله خص فيج ولا براتبج مثلاً... وعطيهم بالدس والخش ... وبعدين منو اللي بياكلها طبعا هي ... يا جماعة المرأة ما تطلع من زوجها والطاعة له واجبة الا في معصية طبعا ونحن ما نعرف بينها وبين زوجها شو عشان كذا ما نقدر نحكم ....وقدقال عليه السلام (( اذا صامت المراة شهرها وصلت خمسها واطاعت زوجها قيل لها ادخلي من اي ابواب الجنه شئت))

رائعتي اعتقد ان هناك لبس في موضوعك وانك لم توضحي بعض النقاط ... ولهذا فالحكم صعب واتمنى ان تقرئي ردي جيدا وتمتعنين فيه وتفكري جيداً بما كتبت





العتب

مهاوي النعومه;10138116:
الله يعينك
الازواج صارت لهم طلبات وتصرفات تقهر ((الله يعين))
المهم انتي لا تستسلمين وحاولي انك تقنعينه وان شاء الله بيتفهم رغباتك

الموضوع وبكل اختصار

غيرة رجل من زوجته

انتي اعلى منه في الشهادة والراتب وهذا سببين قويين ليشعر بالغيرة مع ان هذا لا يقلل من حبه لك


اعطي اهلك من وراه او اشتري بالمبالغ هدايا ما راح يقدر يعترض

وانتهبي انتبهي انتبهي ان تسمحي له بالتصرف في حسابك وبطاقتك ،، لانه لو جرب يتصرف بمالك ما راح يتركك بحالك

شجعيه على اكمال دراسته وتريقة عمله سترتاحين انتي مستقبلا

الله يوفقك

أمممم هو في حليين ..
إولاً: تعطين اهلج بدون ما يدري..

ثانياً: توقفين ف ويهه وتقولين له ما اقدر اقطع عنهم ..لان يستاهلون وزود....والي مافي خير لأهله مافيه خير للناس ...
وبعدين مافي أحسن من التفاهم ..
تناقشي معااها .. بطيب ..وان شاء الله ربي بيسر امرج ..

حبيبة قلبي نصيحة من أخت شايفة نماذج كثيرة من هالنوع أقوووووووووولك لايضحك عليك من درسك من وصلك لهذا المستوى مو أهلك والله اعرف معلمات مقربات مني والله ان رجالهن مامعهم ألا المتوسطة وهن دراسات عليا عمرت بيت وركبت زوجها احلى سيارة وفي الاخير أخذ اللي قدامها وللي وراءها ولا يسب فيها بعد و موريها نجوم الليل وهو مايسوى ظفرها الرجال مالهم امان (اشباه الرجال ) وزوجك باين مادي والله العظيم اذامن الاول ماكان لك كلمة الله يعوض عليك
يعني اهلك لازم تعطينهم قولي له اهلي ماراح اقطعهم وش ذمتي وذمة أهلك والله بعض الرجال مالهم ذمة ولاضمير وأنا ماأقصد زوجك بس من الواقع اللي شفته غالبية الرجال وهذا بصراحة باين انه مادي وبقوة

أنا ماقصدي اني ازعلك بس والله خايفة عليك يعني خليك ذكية وبلباقة وبأدب قولي له حبيبي ما اقدر أهلي تاج راسي وفضلهم علي ومهما أعمل ماراح ارد جزء من فضلهم واصري على رأيك وفي الاخير يستسلم لرايك وبيحترم فيك حبك لأهلك

يا عمري الحياة الزوجية بدها مسايرة ومسايسة لو هيك طلب منك زوجك لا تخالفينه أبدا لإنه بهادي الطريقة حيعند أكتر لكن قوليله حاضر وبأمرك يا عمري وكم كلمة حلوة
لكن من جهة تانية بري أهلك وعطيهم هدايا من غير ما يعرف وترى مو حرام لإن هذا المال مالك وان شاء الله تكسبي رضا زوجك ورضا أهلك
يا عمري حتى لو إنتي قلتي بنفسك ليش أخبي أنا ما أسوي شي غلط بس أحيانا الظروف تضطرنا لهالشي علشان نكسب رضا ربنا
ربي يسعدك يا رب

حبيتي فديت عمرج انا مثلج بس انا مااقوله والا اخليها يتجرا ويمنعي وشدخله هذا راتبي وعرق جبيني ترى الريال مايحب المره الضعيفه اسمعيني قولي له هذا هلي ربوني وعلموني يبوني اشليهم مو ربوني عشان الريال ياخذني منهم تخيل اني امنعك ماتصرف على اهلك وش بتسوي ؟ والرييايل خواتك يمنعونهم اكيد بتزعل

نصحيه مني لاتخلين ريلج يتحكم فيج وايد ترى واللله بضيعن ادخلي منتدى مملكه بلقيس شوفوي قصص الحريم

بلاوي ترى اخرتها لاسمح الله بيتزوج عليج بيني له انج قويه ماعليه يمنعج من الطلعه من السوق من ربعج

بس من اهلج شدخله والله لواني بمكانج ماخليه يتمادى ماله خص معاشي وكيفي ان شا الله قطه فالبحر << دايما اقول ريلي جذيه

والله انه ياس مني وماصار يقولي شي حتى مااصرف على شي
ماشاء الله