مسابقات للكبار
ان شاء الله عاد تفيدج
الفكرة ياحلوة
....................
هي إنج تشترين البالونات الصغيرة وتحطين فيها ورقة مكتوب فيها حظ اوفر وعدد شوي مثل 4 بالونات تكتبين بالورقه مبروك واسرع ثنتين تييب لج الورقة إلي مكتوب فيها مبروك تحصل على جائزة
طبعا تكونين نافخة البالونه ويكون الورق داخل وتوزعين البالونات على إلي حابة تشارك وهم يفقعون البالونات
والله يعينكم على الصوت
________________________
الفكرة الثانية
..............
تخلطين ثلاث انواع من البهارات المعروفة وتوزعين على المتسابقات وتقولين لهم من شنو تتكون
مثلاً تخلطين [ فلفل اسود + قرفة + كمون+زنجبيل]
وإلي تعرف عطيها جائزة
______________
اوو
تشترين 3 مسدسات مائيه وتترسينها ماي
بعدين تحطين 9 شمعات مولعه كل 3 شمعات جنب بعض
وتطلبين من 3 حريم انهم يطفون الشمعات بالمسدس واللي تخلص الاولى
هي الفائزه وطبعا تخلين مسافه مترين بس بين الشمعات والحريم
وهذلين بعد جم فكرة
تحطين اغراض منوعة في كيس وترمينها على الأرض بسرعة مثلا معجون كبريت بامبرز مفتاح
المهم اغراض منوعة وتعطينهم دقيقة وتلمين الأغراض بسرعة وبعدين يكتبونها في ورقة والفريق
اللي يذكر الأغراض كلها هوالفايز طبعا تكون عندج مجموعتين .......وهذي مثل لعبة الذاكرة......
لعبة رقم 2 بزل طبعا لازم يكون عندج 2 واول مجموعة تركبه هي الفايزة..........
لعبة 3 لعبة شد الحبل
لعبة رقم 4 لعبة الكراسي
لعبة رقم 5 سلعة مثلا عطر او خلاط واللي يخمن سعرها ياخذها ممكن تشترين شيء ابسط
لعبة رقم 6 كل فريق يكتب مثل وعلى وحدة من الفريق الثاني تمثيله ..
لعبة رقم 7 انسان حيوان جماد.............
وهذي بعد لعبه روعة انا تعجبني وايد
تيبين ورق
وتقطيعهم صغار وتحطي على كل ورقه رقم بعدد الموجودات ماعدا ورقه ارسمي عليها نجمه
بعدين اسفطيهم وارميهم طبعا كل وحدة بتاخذ وحده اللي تطلع لها النجمه تختار رقم طبعا بدون ماتعرف صاحبه الرقم منهي وتامرها امر او تسالها سؤال
بعدين صاحبه الرقم المختار تنفذ المطلوب
و عندج بعد
عاد هذي لعبه مهابيل بس حلوة هههههههههههههههه
هالمسابقه حركية وحلوة ومضحكة بعد
والله انا سمعت عنها بس ماجربتها
مثلاً 4 حريم وكل وحدة تكون جايبه معها من بيتها ملابس مخبصة يعني مو متناسقه ابد
مثال : وحده منهم تلبس فستان زواج تحته بلوزة بيجامه وجزمه سبورت يعني بيكون لبسها يضحك
وتنفش شوشتها وتحط روج اخضر او ازرق او احمر فاااااااااقع ههههههههههه راح يكون شكلها توووحفه
طبعاً على راحتهم يلبسون اللي يبغون وكل وحده تبغى تتفوق على الثانيه باللبس المضحك
واكثر شي يضحك الناس اللي موجودين لبسها تفوز وعاد انتي حددي الجائزه
=============================
اتمنى اكون افدتج وتسوونها وتضحكون على روحكم
خخخخخخخخخخخخخ
اتمنى فهمتي علي <<< من زين شرحج عاد
ووووووووووووووووووووووووووو
عندج بعد
سوي مسابقات بين الامهات
وختارو بنتين يهال
وحددو وقت مثلا خمس دقايق
وكل ام تعجف شعر بنتها
واللي تسوي اكبر عدد من العجفات اهيه الفايزة
وتقدرين بعدين تييبين كحل سائل
وتخلين بنتين يتكحلون
اللي رسمة عيونها احلى تفوز
امممممممممممممممممم
ان شاء الله اكون افدتج
هذا اللي في بالي الحين
تحياتي
