اللي حملت بأكثر من جنين بأطفال الأنابيب؟؟؟

السلام عليكم خواتي،،
حبيت أعرف تجارب اللي سووا أطفال الأنابيب ونجح معاهم وثبت أكثر من جنين

أنا سويت في شهر فبراير ورجعوا لي 3 اجنة لكن ثبت جنين واحد (الحمدلله نعمه وفضل من رب العالمين)

لكن وحدة من أهلي سارلها من شهر فبراير (بعد ما أنا سويت العملية تشجعت هي تسويها) وهي تاخذ العلاج ومالله كتب لها تبويض
لكن في أمل هذا الشهر بإذن الله إنه يكون في تبويض (الدكتورة) وهي تتمنى بعد كل هذي السنوات وهذي الشهور من العلاج المتواصل للأنابيب إنها تحمل بتوائم

شو تنصحونها خواتي تسوي بعد ترجيع الأجنةعشان يثبت أكثر من جنين بإذن الله؟؟؟؟

أنا عن نفسي بعد الترجيع نمت نص ساعة في المستشفى ورجعت البيت
وقعدت كله نايمة على ظهري 3 أيام لكن في اليوم الرابع رحت المول للتسوق مع أهلي
تحاميل التثبيت وحبوب دوفاستون خذتهم بعد السحب بثلاثة أيام

الصراحة جاني نزف بعد تقريباً اسبوعين من السحب وبعدها تكرر علي النزف عدة مرات في أول 4 شهور من حملي وسرت آخذ ابر التثبيت مرتين في الاسبوع لين الشهر الرابع ووقفت المثبتات بالتدريج على نهاية الشهر الخامس

خواتي اتمنى تفيدون الحرمة بتجاربكم الناجحة عشان يثبت عندها أكثر من جنين بإذن الله (لازم ناخذ بالأسباب)