الناس كلها ضدي

انا يا بنات متزوجة من خمس اشهر وحامل في الشهر الربع , وما عندي مشكلة وحده عندي مشكلتين , الاولى مع زوجي الي بيشتغل معي بنفس الشركة هو بطبعه كتير مرح وبحب الضحك مع كل الناس وهادا الي جذبني اله قبل ما يخطبني , المهم لما اجا خطبني كتير فرحت لانو طول عمري بحب اخد وحد بهاي المواصفات غير الصفات التانية المنيحة الي فيه , المهم خطبنا وتجوزنا وبعد ما اتجوزنا بلشت المشكلة عندي تكبر وهي انو جوزي من اكتر الناس الي بتضحك وتمرح براه البيت لكن جوا البيت اشي تاني :rolleyes: تصورو يا بنات انو مستحيل يبتسم بوجهي ودايما معصب وعلي انا بذات بدون العالم كله , واذا سألته اي سؤال بيعصب حتى لو كان تافه حتى لو كان ( شو بتحب تتغدى حبيبي ؟) او ( بدك نروح عند اهلك او اهلي؟) هادا غير انه بيعمل كل اشي من غير ما ياخود رأيي وكأني مش موجوده اصلا ودايما يتفاجأ باخبار بيحكيولي اياها اهله وانا ما بعرفها وبتكون بتخصه وبتخص بيتي كمان , تصورو يا بنات راتبي ما بعرف وين هو ولا كم سحب منه وذا سألته بيحكي انتي بظلك تسألي وتكرري وانا تعبت منك , تصورو بيرتب لمشاوير وطلعات وانا بكون معاه في المشوار وما بيحكيلي الا وهو عم يلبس ويا ويلي اذا اتأخرت في اللبس او حكيت ما بدي اروح ، ممنوع انا اخود قرار بأي اشي حتى لو كان تسكير شباك والله يا بنات بدون مبالغة بتوصل احيانا لضرب، وحكيت لاهلي اكتر من مره بس كل مره بطلعني انا الغلطانة والله عندو اسلوب اقناع رهيب وانا اصلا امي متوفيه وابوي كتير حنون بس عنده مشاكل لا تحصى.
اما مشكلتي التاتية يا بنات داخل عملي انا محاسبة في احدى الشركات الكبيرة بس مديراتي وهن من( الجنس اللطيف) ما بيحبوني ابدا تصورو لما اخذت اجازة علشان عرسي كل يوم بيحكوي معي علشان اداوم واذا فكرت اطلع من الدوام بكير خصوصا بها الفترة لاني بتعب من الحمل بيسمعوني الف كلمة , اخرها قبل ايام اخدت اجازة رسمية وموقعة رغم هيك زعلو وصارو يضيقو علي كتير مع انو كل الموظفات الي معي بياخدو اجازات بدون سبب وممكن توصل اسبوع , والله يا بنات حاسه حالي مظلومة في البيت والشغل والله الظلم ما حبه......ساعدوني والله اني بكتب ودمعتي على خدي .
ملاحظة : انا ما يقدر اترك شغلي لاني بحاجته ماديا.