تجربتي مع خلاط أكل الأطفال

فعلا مهمه وتسهل على الام وايد امور ..!
ربي يبلغج في عيالج معاريس يارب ..
ومشكوره على الموضوع ..!

انا شريت معقم المراضع اللي في الصورة

كلششش زيين وسهل الإستخدام وسعره مناسب انا شريته من لولو هايبر ماركت مسوين عليه عرض 11 دينار شريته


عن سالفة القدور اول ما ولدت كنت اسويها بس وايد تستنفذ الماي الحلو فغيرت لهذه وااايد مريحتني

شكرا حبيبتي على الفكره الحلوه عجبتني ودي اشتريها لبنتي بس بنتي عمره سنه وزياده كبيره على هرس الاكل مع انا مالها ضروسبس الاسنان الاماميه..............قرقر كثير خخخخخخخخخخخ
اما عن الة التعقيم انا استخدم شيكو حلوه والله مريحه

وايد حلوة ومفيدة .. ومشكورة على الموضوع الاحلى وان شاءالله لما يكمل ولدي 5 شهور بشتريها ..

مشكورة الغالية على طرح تجربتج أنا كنت ناوية أخذ خلاط لأكل لولدي من سنتربوينت بس الحمدالله صار لي فترة مأجله الموضوع والحمدالله طرحتي تجربيتج ولا كنت بتوهق فيه شكلي بخذ نفس خلاطج مولينكس أفضل وماركته أحسن

بس حبيبتي ليش مابديتي مع بنتج قبل لأن بنتج قد ولدي بالضبط 20 /3 يعني بعد خمس أيام تكمل 5 شهور أنا بديت مع ولدي بالأشياء الخفيفة مثل عيش الميلوبا وقرص الفرليز والأكل المهروس مثل التفاح والجزر وحجمه صغير ولان مكتوب عليه لسن 4 أشهر معدا القرص الفارليز لسته أشهر ولم كمل الأربع أشهر ونص بدية أعطيه قرص الفارليز بس النص والحمدالله تقبله عادي

مشكورة الغالية على تجربيتج يالله ننتظر الوصفات إلى راح تطبيقينها على الجهاز

اختي رانيا وين احصل مثل الجهاز الي اخذتيه لان رحت اي ماكس وما حصلت مثله

شكرا رانيا على عرض تجربتك ..... شوقتوني اجي بيبي واجرب فيه ههههه

أم فرح وجنى..
أم حواري..
ريحانتي..
أكبر قلب..
مغتربة سدني..
أسعدني مروركم وأعجابكم بالموضوع..


Legned Forgeten يحليلك صرتي مثل الأطفال يله تستفيدين منها...




نور النجوم.. فعلا الخلاط اللي شريته فاشل وماقطع شي..إن شاء الله تحصلين خلاطة زينة...





مليكا.. بخصوص طريقة القدور هي تحطين قدر خاص للمراضع وعادي تحطين به ماء من الصنبور وتخلي الرضاعات فيه وتخليها على مايغلى الماء ومباشرة تسكرين النار.. هي طريقة بدائية بس أمي الله يحفظها مابي الا هالطريقة..


كلمة الحياة..أنا ماجربت شيكو بالمرة.. وجربي الخلاط وقولي رايك...


الماسة البيضاء.. مشكورة على طرح التجربة بخصوص المعقم..


فاتي... أشتريها وبعدين خبرينا برايك فيها...


أم علاوي... مشكورة الغالية على دعوتج...


المشتاقة.. يقولون لولو مسوي عروض وايد..وأعتقد بعد أي ماكس مسوي تخفيض عليها...


وردة السعودية.. ماشاء الله ربي يحفظ لك بنتك وخلاص يله خليها حق البيبي الثاني إن شاء الله..


دلوعة بودي.. هلا حبوبة.. صح بنتي نفس يوم ميلاد ولدك.. بس مو دكاترة هالأيام طالعين فيها لاتعطون الياهال الا عقب ست شهور.. عاد آنه أخرتها شوي وتوني قبل أسبوعين بديت بمليوبا الأرز وهالأسبوع بستوك فارليز والظهر بطاطس وجزر .. يعني بديت هالأسبوع عشان جذي توني مفكرة بالخلاط..بس للحين ماسويت خلطات الفواكة...ويقولون حطي بروكولي مع الخضروات وايد وايد زين حق الياهل..



nicegirl إن شاء الله تجربينها ونشوف رايج...



الدمشقية.. يله شدي الحيل هههه وعشان مايصير في خاطرج....



noormaram اي صح أختي مخلصين لأن يوم رحت مافي ومع إن كنت شهر قبل رايحة وفي وخذيتها بس حق هدية... وقامت رفيجتي يابتها لي من محل بداية في الرفاع .. وتقول في سوق المنامة محلات الألكترونيات كلهم عندها...

مشكور اختي رانيا بروح المنامة وبشوف

شكرا رانيا عالموضوع المفيد

noormaram .. هلا أختي أي شوفي سوق المنامة أكيد عندهم.. وإذا أنتي من المحرق بتحصلينه في إلكترونيات الحجاز على ماعتقد كأن كان عندهم... خل اتأكد إذا جيان ولا مارش ولولو عندهم أو لا؟؟؟؟ وبنقل لكم الخبر...


ياريت.. أسعدني مرورك...

تسلمي رانيا

افدتينا

عجبني الخلاط

أسعدني مرورك أم جودي وجوادي...

مشكورة اخت رانيا
انا رحت لولو هايبر ما كان عنده بس جيان وكارفور ما جيكت

شكرا رانيا على الافادة تسلمين
ما قصرتي
ان شريت لولدي لما كان عمره 4 شهور خلاط من جيان 17ونص ما عجبني كلش استخدامه مو عملي
المرة القادمة اذا الله كتب وحملت وولدت بشتري للبيبي الثاني النوع الي شريتي عجبني وايد وعملي

أنا بعد أخذت من مذركير يمكن مثل اللي قلتيه..
ومو زين..
يغص به الياهل وما استخدمتها كلش..

مادري ان يرجعون جان رجعته هههه

شفت خلاط مولينكس بس خلاص الحين بنتي كبرت مشيتها وياها يعني..
الجايات ان شاء الله..

بالنسبة للمعقم

أنا بالنسبة لي ما أحسه مهم!

شريت لبنتي وبعدين حسيته مو مهم وايد.. لأن تقدرين تستغنين عنه بالطريقة التقليدية!!

بس هو ترى سهل الاستخدام وزين للسرعة..

تسلمى حبيبتى

noormaram مادري أختي بس صديقتي يوم تروح بداية مادري البادية اللي في الرفاع كان عنده وهي تقول إن في فترات تجوفين السوق خالي وأحيانا متروس.. أتصلي قبل لاتروحين..


منوي يله إن شاء الله حق البيبي الثاني...


بنت الأصايل.. لا يرجعون ترى كل شي عندج تقدرين ترجعينه... ههه عاد ماتقولون لهم آنه قايلة,,, عادي حتى الهدايا اللي آحصلهم وعندي نفسهم آروح أبدلهم بشي ثاني هذي صديقتي علمتني والحين كل آسوي مثلها...



smamedo أسعدني مرورك...

عجبني الخلاااط !!

شكله حلوووو

مشكووورة أخت راانياا ع عرض تجربتج

و الله يعطيج ألف عااافية

و يخلي لج الحلوووين و يبلغج فيهم

و تستاااهلي أحلى تقيييم

تسلمي أم مرام أنتي الأحلى.. وربي يحفظ لك الحلوين ومشكورة على تقييمي...