ابي رايكم,, لا تخلوني,, مالي غيركم

السفر يتعوض ممكن لو مش قدرتي تسافري في شهر العسل تسافري بعدين في اي وقت اي مكان عاوزه تروحيه انما لو مش عملتي فرح (حفله ) دلوقتي مش هينفع تعمليها بعد الجواز :D
طبعا هتندمي كتييييييييييييير لو مش لبستي الفستان الابيض وفرحتي وشوفتي فرحه الناس بيكي في اليوم ده
انما شهر العسل كده كده هيكون جميل ان شاء الله سافرتي او مسافرتيش

سوي الاثنين بنفس الوقت اشتري فستان وسوي ترتيب بسيط لمكان عندكم للبت كانه كوشه بس بسطيه غقب ما تخلصين من الجلوه روحي لبسي فستان وحطي دي جي وخلي زوجك يدخل وتصوروا عالاقل تبقى الصور ذكرى ولا تحرمين نفسج من شي:)..

طمنينا

في البداية راح أذكر لك تجربتي

أنا كنت أخطط لزواجي قبله بمدة طويلة نسبياً " وللحين محتفظة بالدفتر اللي كتبت فيه أدق تفاصيل الحفل مثل ما تخيلته " ورحت السعودية فعلاً أدور قماش لفستاني لأني كنت أتمناه تفصيل وحتى الموديل كنت راسمته وووو ... بس صارت ظروف عند أهل زوجي خلتهم يقولون لي ما أسوي زواج " كأنوا يبونه يتأجل ما ينلغى بسبب ظروف مرض وأنا كنت مصرة على التوقيت " ففضلت أكتفي بالجلوة بس

وسويت الجلوة ولبست اليوم الثاني الفستان الأبيض وصورت وسافرت 10 أيام مع زوجي

وأعترف لش تميت لفترة أتمنى أني سويت عرس وبعدها صارت حفلة للي قالوا لي لا تسوين عرس عشان المرض اللي تحول لوفاه في الفترة اللي سووا فيها الحفل وحز هذا في خاطري جداً جداً وتميت فترة كل ما أروح عرس أرجع مكسور خاطري شوي

لكن بعد فترة زال هالشعور تماما وصرت أحمد ربي اني ما سويت العرس واستبدلته بعشرة أيام من أجمل أيام عمري وذكريات كثيرة عمري ما راح انساها

وأحياناً بصراحة لما اروح عرس واسمع تعليقات الحاضرات على العرس ووو تكسر خاطري !!! وافكر مو حرام مخسرة كل هذا عشان يعلقون عليها !!!

عشان جدي نصيحة إذا كان المبلغ اللي عندش ما يكفي سفر + عرس ...سوي جلوة لكن هم لبسي الفستان الأبيض وصوري

استمتعي أنتِ وزوجش بفلوس السفر بدل لا تصرفينها على حفل عشان غيرش يفرح فيه بالاكل والتعليقات !!!

صح هي ليلة وحدة بس هم أول ايام الزواج ما تتكرر وحتى إذا سافرتي عقب ما بتكون بحلاة السفر في هذي الفترة

ويبقى رأي

بعض البنات يعتبرون ان العرس لازم يكون شئ فخم ومخاسير فوق ال50 ألف ريال سعودي وهالسوالف.

الهدف من العرس انج تفرحي وتستانسي مو ان الناس يجلسون يمدحون فستانك ومسكة الورد والكوشة ووووووو..... لأنهم بعد كم شهر بينسون وراح تظلي انتي وزوجك تدفعون ثمن المخاسير ويضطر يتسلف عشان ليلة وحدة .

اعملي مثلما نصحوك بعض الاخوات وهو انك تعلمي جلوة مع فستان يعني يكون شئ متطور عن الجلوة العادية . وتسوينه في المأتم بحيث ما يكلفك وايد غير الزينة والاغراض الاخرى واستأجري فستان حلو وما يكلفك وايد ومعاها المسكة وغيرها.

اعملي جدول اولا بالاشياء اللي تحتاجينها في الجلوة والعرس ، وخلي وحدة تساعدك من خالاتك او عماتك او اهلك او صديقاتك المتزوجات. خلي صديقاتك والاهل يساعدوك في افكار تزيين مكان الجلوة واختيار الفستان وغيره وحطي لك ميزانية محددة ، لازم لازم ميزانية.

شوفي اذا راح تسوين عرس بيكون في قاعة او فندق صحيح؟؟؟ بس راح يكلفك عالاقل القاعة مع الاكل تقريبا 30 ألف ريال سعودي . غير الفستان والكوشة والزينة وووو.

بس فكري ان مكان الجلوة او المأتم هو القاعة اللي ما بيكلفك الا الاكل والزينة والفستان وووو .. هذا كله بيجي تقريبا 10 آلاف ريال.

حفلة العرس مهمة للوحدة بس شو الفايدة اذا بعد الزواج ما بتكوني انتي وزوجك مرتاحين بسبب الديون وإلغاء السفر وغيره.

أنا عادة ما أقرأ الردود قبل ما أرد حتى ما اتأثر فيها أقرأها بعد ما أرسل ردي ... وألحين شفت أنش تفكرين تسافرين دبي

في عرض من طيران الجزيرة بتكلفش التذكرة لشخصين تقريباً 50 دينار لا غير ... وفي عروض حلوة على السكن في دبي هالفترة فببعض البحث في المنتديات المتخصصة وبعض التظيم راح تكون التكلفة جداً حلوة لأسبوع

وما أدري كم ميزانيتش لكن أتوقع ممكن ترتبين لحفلة عائلية جميلة و+ أسبوع سفر في نفس الوقت

خصوصاً إذا خليتي الجلوة مع العرس في نفس الليلة وكانت عائلية وفي مأتم ... وركزتي على نفسش المكياج الشعر الفستان الباقة إلخ وخليتي الوجبة والتوزيعات آخر اهتماماتش مو مهم التكلف فيها أبداً

هلا أختي

اول وشي هي الجلوه؟؟؟

تصدقين مع اني ما اعرست ولا شي ... بس حطيت نفسي مكانش

لو خيرت بين السفر ولا حفلة الزفاف وش بختار؟؟؟

تصدقي تخبلت.. الله يعينش

بس رد حناني عجبني

وحده من قرايبي تزوجت من فتره بسيطه وثاني يوم سافرت شهر العسل تمت ما شاء الله

تقريبا شهر او 3 اسابيع

بس لما رجعت قالت ما انصح اي وحده تسافر على طول

تكون بعدها ما تعودت على زوجها ومو كثير تستانس بالسفر

وانا بعد احب اشوف فرحة اهلي واهل زوجي وربيعاتي

يعني ما اتخيلني بسافر على طول ...

فنصيحتي بعد سوي لك عرس .. ما لازم عرس فيه المخاسر الكثيره .. بس انبسطي

وسافري لو مكان قريب

انتي من البحرين.. ممكن تسافري لدبي مثل ما قلتي .. وما اتوقع السفره بتخسرش كثير

ان شاء الله تستانسي وتنبسطي..

زهورة1;10096809:
شكرا لمرورك
انه رحت معاة العمرة ,, و كنت مفكرة في دبي لاني ما رحتها ,, بس اذا عندك فكرة عن اسعار التذاكر لدبي بالطيارة يا ريت تفيديني

والله ماعندي فكره عن تذاكر دبي
تقدرون حتى تروحون بسيارة توفرون سعر التذكره وسعر ايجار السيارة هناك
وراح تدفعون بس حق السكن
وعن سعر التذاكر اتصلي على اي سفريات عندكم مثل كانو

وفي كذا طيران القطرية -البحرينية - الخليج -العربية
واعتقد ان ارخص شي العربية

السلام عليكم..اختي بالله..مبارك لك وعليك وجمع بينكما على خير,,,
اولا اختي اقول لك عليك بالاستخارة والله يخترلك الاحسن..ثانيا بالنسبة لي لو كنت مكانك اذا كانت الحالة المادية صعبة بعض الشيء نرتب عرس بسيط لا يكلف كثير والبس ثوب الفرح الي احلم في لانو الفرحة مرة واحدة بالعمر وليس كل مرة اما بالنسبة لشهر العسل اتاجليه حتى يصير معك ومع زوجك مال الي تغدري تسافرين ومعك العمر كله مو زي العرس مرة واحدة..والله ولي التوفيق ان شاء الله خير

انا اقول سوي لج عرس اذا تبين اعرف محلات يعملون تجهيزات رخيصه ممكن اساعدك فيها
اذ ممكن طبعا العرس ما يتعوض بشي ابدا اذا بغيتي مساعده راح أساعدك ممكن تسويه في بيتكم مثلا في المجلس تشيلون الأثاث اللي فيه وتصفون الكراسي ولج كوشه صغيره كل شي ممكن يعني من رايي أجلي السفر لأن الصج مب حلو السفر بعد العرس مباشره انا بعد 3 أسابيع من عرسي سافرت وكان أحلى لأاني تعودت على زوجي اما عنج ترى السفر لاحقه عليه واذا تبين مساعده انا جاهزة

اختي انه سالت لج عن العربيه في حدود 60 دينار

واذا حجزتي قبل بايام يطلع عليج ارخص

حبيبتي ليش ماتسوين عرس مختصر وتعزمين المقربين فقط ...وتلبسين الأبيض لأن الأبيض حلمك ... وبكذا تقدرين تسافرين وكذلك تلبسين الأبيض..

دلوووووعه9000;10096337:
يسعدني اكون اول وحده ترد عليك ..... عزيزتي انا اشوف انك تسوين حفلة عرس لأنها ليلة عمر ماتتعوض ابدا ابدا ابدا ... بينما السفر مقدور عليه في اي وقت من الاوقات يعني ان شاء الله تتيسر اموركم بعد فتره من الزواج وتسافرون بينما حفلة العرس لو ماسويتيها حتظلي ندمانه مدى الحياه ... تحياتي

(y)(y):)(f)

اختي سوي اليش شئ بسيط في الجلوه
وسوي بعد حفله بسيطه حتى لو في بيتكم وعزمي بس اهلش وابسي فستان ابيض وصوري على الاقل لذكرى بس لا تصرفين واجد خلي كل شئ وسط
فخير الامور اوسطهاا

هلا حبيبتي ,,

اول شي مبروك والله يتمم لك على خير يا رب ..

ومشكلتك ماهي ذيج المشكلة ومقدور عليها ان شاء الله ,,ومشكلتج مثل مشكلتي تصدقين ,,بس انا لقيت الحل لها ..

شوفي حبيبتي انتي قدامج حلين اختاري الي يناسبج والي يريحج ..

1-ممكن تسوين حفلة بسيطة اهي حفلة واهي جلوة في مكان مثل ماتم او قاعة صغيرة او حتى ممكن البيت اذا يشيل ,,وهذي الاغلبية يسويها الحين لبسي الابيض وروحي الصالون وتعدلي وتحني وكل شي وروحي صوري مع زوجج في الاستوديو بعدين روحي الماتم او المكان الي بتسوين فيه العرس وخليهم يجلونج وبعدين يسون لنج زفة بالسيارات لعش الزوجية وثاني يوم سافري مع زوجج حتى لو اسوبع وبجذي تضربي عصفورين بحجر حفلة وسفر ..

2-سوي لج حفلة الي خاطرج فيها وانتي تلبسي الابيض و تتكشخي و تستانسي واهلج يستانسون فيج والسفر خليه لبعدين لين تصير عندكم فلوس وتقدرو تسافرو السفر يتعوض و مع الايام بتقدرو تسافرو على كيفكم بس الحفلة والفستان الابيض مايتعوضون واذا ماسويتي بظل خاطرج في هالشي لين تكبري وتيبي ولاد ..

فأنتي شوفي الي يناسبج سويه وبالنسبة لي انا انصحج تسوين حفلة وتأجلين السفر شوي لبعدين خاصة انج ماسويتي حفلة في الخطوبة لو سويتي كان قلنا لج استغني عن الحفلة بشي بسيط وسافري بس انتي ماسويتي ومن حقج انج تفرحي هذي ليلة بالعمر ..

حبيتبي عندي لج فستان للإجار وايد حلو

سوي عرس والبسي الفستان وعيشي ليلة عمرك00 لان هليله مميزه فحياتك وماراح تنسينها 00 ومااعتقد ان فيه بنت تقدر تستغني عن هليله00 ولا السفر مو مهم لهدرجه ومثل ماقالو البنات تقدرين تسافرين بعدين00 بس ليلة العمر غير 00 هاذا رايي وتقبلي مروري ومبروك ياقمر00ا

سوي حفلة زفاف ليلة لا تعوض....يكون مختصر زي ما قالوا العروسات

سوي عرس ~ و شهر العسل خلوه عقب . .
أصلا عقب احسن ، بتعرفون بعضكم و بتتعودون و جيه
يعني حتى لو عقب سنه تسافرون مافي مشكله

حبيبتي من رايي سوي جلووه ولبسي من خلالها الفستان الابيض ..!
وروحي صوري مع ريلج ولا تخلين شي في خاطرج ..!

مو مهم حفله كبيره والجلوه بتكون حلفه ..!
والاهل بيفرحون وانتين بتلبسين الا خاطرج فيه ..
وبعدها سافري وستانسي ..
هذا رااي والله يوفقج ..!

معظم البنات نصحوج بالعرس
,, ترى العرس اذا ما سويتينه ولبستين الفستان الأبيض بتندمين طوول عمرج
ترى البنت تعيش عمرها كله عشان هذا اليوم ,,
اني مثلج سويت الملجه عائليه وفي البيت ,, والعرس خيرني زوجي بين حفله العرس أو السفر لإيران
وما كنت أبي الاثنين لأنه السالفه بتصير فيها ديون !!
اخترت العرس طبعاً لانها ليلة العمر
وسبحان الله بع دالزواج بشهر جتنا عمره هديه
سافرنا زرنا بيت الله
يعني السفر لاحقين عليه والعمر قدامكم
سوي العرس وخلي الباقي على الله

والله يبارك لكم مقدما ً