المكيااااج وما ادراك مالمكياج

ما حبيت ادخل واطلع من دون ما ارد عليش

انا كنت مثلش بس شوي شوي ع الطريق

يالله ان شاء الله البنات يفيدونا

طيب ليش ما تاخذي دوره في الميكب ؟؟

وعليكم السلام

اختي
اي المواضيع الي تكتب بالانجليزي ...؟؟ ما عندنا مواضيع شرح بالانجليزي !! :)

الموهم
حبوبة لوضع الشدو ما تستعملي اي اداة الا هي يدج وبعدين تتدربي على نفسك ووبعدين اتدربي على حدي غيرك لانك اذا اتقنتي على نفسك بيكون سهل تبداي تتعاملي مع اشكال عيون مختلفة !!
الطريقة الاسهل هي انك تستعملي ايدج في وضع الشدو باصابعك ومع حركات التمويه ارجعي لمواضيع موجودة بالركن وشوفي طريقة الشرح البسيطة لاداوتهم واطلبي منا الاساسيات
لاني ما عرفت اي اسياسات تحتاجيها !!

حاولي بعدين ترجعين للصور بعد ما تضبطي اول طريقة هو رسم الشدو وبعدها ايضا ابداي باستخدام الفراشي !!

موفقة

انا زيك والله اختى ياريت اقدر اتعلم احط ميك اب انا بفهم فيه كويس جدا انما اجى احطه مش بعرف

حبيبتي الللي انجليزي شوفيك كتبتيه شادو يعني الشدو اعرفه لاكن فيه كلمات مااعرفها ياليت يامزز تعلميني والله اكون شاكره لك يعني مثلا تقولين لي وش اخذ شادو وهكذا

أنا كنت مثلك كل يوم اجلس جنب المراية جرب ضليت جرب حتى ظبط شوي بس بعدني مابعرف ادمج كتير ألوان الشادو بس المهم لما يكون عندي مناسبة بقدر ظبط حالي

طيب يابنات انا اقولكم لما اروح محل فيسزز مايتكلم عربي استحي واخرج يجلس يثول بدك لاوز باودر وووو وكذا كلمات ماافهمها لاكن انا ودي اكون كاتبه الاشياء اللي انا محتاجتها وارح على طول اشتريها فهمتو مايكون يتغلسف على راسي

ياحليلك والله


والله ياقلبي انا احب المكياج بس ماحطة كثيييييييير والثقيل لا والف لا ماحبة رغمني ماخذة دورة مكياج بس احب الناعم


ومع هذا كلة ماحط غير كحلة جوات العين ورسم حواجبي احيانا وروج وقلوس وكثر الاحيان لابيلو ومسكرا اهمممممممممممم حاجة


ونتي سوي كذا سهلل عليك وتطلعي تهبلي ع طبيعتك وذا حبيتي تغيري حطي كحلة اخضر جوات العين او
فيروزي مع مسكرا مع للون روج حلوووووو فاتح وشدو خفيف ع خدودك باللون الوردي وربي سهل عليك وروووعة يطلعم ع طبيعتك


انا احب الهاااااااااااااادي كذا دايم مكياجي

لا تنقهرين ولا شي..

انا احط مكياج وايد خفيف و ساعات ما يبين حتى بس ماعرف الاساسيات كلها..

و الحين انشالله جريب باخذ دورة عند شيماء بوجيري (طالبة حنان دشتي) لاني خليت عندها اكثر من مرة في المناسبات و الحفلات و عجبني و قلت بتدرب عشان افيد نفسي و يمكن في المستقبل امكيج غيري..

اذا تبين نقدر نبتدي مع بعض.. خبريني على الخاص و اذا تبين اعطيج رقمي عشان نتفق اذا قررتي تاخذين الدورة

ليش معقدة نفسج ترى وضع المكياج مافي اسهل منه
بس لازم تعرفين تستخدمين شو لشو

وأنتي مبتدأة تحتاجين إلى:
فونديشن - اللي هو كريم الأساس لازم يكون أفتح من بشرتك بدرجة (جربية على الحنك أو اليد)
بودر - اللي هو علبة البودرة أخذي بعد أفتح من بشرتك بدرجة (أنصحك ببودرة البودي شوب للإستخدام اليومي حلوه وخفيفه)
ليكويد آي لاينر- اللي هو الكحل السائل وهذا بس حطيه فوق العين
لب لاينر - هذا محدد للشفايف واللحين محد يستخدمه إلا بالأعراس عشان يثبت الحمره
الروج او القلوس أو اللب ستيك - هذي الحمره اللي تنحط ع الشفايف
البلاشر - هذي حمر الخدود (إذا كنتي بيضه أستخدمي الوردي الفاتح، وان كنتي سمره استخدمي المايل ع الأورنج يكون خوخي)
الشدو - هذي الوان الظلال فوق العين

أول نصيحة: تعلمي تحطين لنفسج المكياج مش لأحد ثاني لأن تقاسيم وجه الشخص الآخر تختلف عنك والمحترفين هم اللي يحطون لناس غير.

عشان تحطين مكياج ناعم يومي ويكون شكلج حلوووو ومقبول، شوفي الخطوات:
لازم تكون بشرتك نظيفة ومغسولة بالصابون.
حطي كريم حماية للشمس (الصبح) أو كريم عادي للترطيب (بالليل) طبعا إذا تحتاج بشرتك لأن أوقات تحسيها جافه.

حطي لك كريم الأساس نقطة بسيطة على ظاهر اليد وبعدين أخذي من هالنقطة ووزعي على كامل الوجه، تنقيط تحت العين وفوق الجفن والجبهه والخدود والحنك والرقبة، وبعدين مسحيه بالأصابع عشان يتوزع زين.

الحين أخذي البودرة بالإسفنجة تبعها وطبطبي على كامل الوجه، بهالطريقة تكونين تثبتين كريم الأساس.

بعدين نجي لتحديد العيون، حددي عيونك بالكحل القلم من داخل العين، وابتدي حطي أي لون من الظل على كامل الجفن المتحرك فوق العين (حطيه بأصبعك) الجفن المتحرك هو اللي لما تغمضين عيونك تلاقينه منتفخ. والحين أخذي لون أغمج من الأول وحطيه على طرف العين الخارجي (مو صوب الأنف الجهة الثانية) حطي نقطه كبيره من الظل على الطرف وأخذي فرشاة وحاولي ترفعي اللون الغامج على الفاتح بطريقة التمويه لي نص العين.

والحين تكحلي بالكحل السائل فوق العين (أخذي نوع ما يلمع) وحتى لو ما ضبط معاك أخذي الظل الأسود وحطيه فوق الكحل ورتبيه (عاد خليه يجف بالأول)، وبعدين حطي بالظل الأسود تحت العين تحت خط الرموش على طول خط ضعيف.

وبعدين حطي الماسكرا بس فوق إذا كان صباح وفوق وتحت بالمساء.

الحين نجي لحمرة الخدود، عن نفسي ما أحبها بالصبح، أحس الوجه يصير متكلف كثير لو أحطها وخصوصا ان الوجه يورد لوحده من الحر والشمس، لكن من العصر إلى الليل ممكن تستخدميها، طبعا لازم فرشاة خاصة للخدود تكون كبيرة وشعرها ناعم، غمسيها في علبة الخدود وضربي على كفج بها عشان ما تشيل كثير وبعدين ابتسمي وحطي لك البلاشر من وسط الخد وانتي صاعدة بطريقة مائلة إلى أعلى الأذن.

وآخر لمسة هي الحمرة تحطيها على الشفايف بدون تحديد اذا بالصبح وممكن بس قلوس لماع، أما للسهرة تحطين المحدد يكون لونه مثل لون الحمره (هذي الموضة الحين) وبعدين حطي الحمره وعليها القلوس اللماع.

وبكذا تكونين خلصتي المكياج وان شاء الله تكونين راضية عن نفسك.

يارب يوفققك ياقطاف ويدخلك الجنه من اوسع ابوابها ويارب يحقق لك كل اللي تتمنينه من جد فرحت بردك الله يجزااااااااااااك كل خير حبيبتي تسلمين تسلمين تسلمين من جد فرحت

كلنا كنا كده بس مع القراءه والممارسه بيتغير الحال
طبعا للاحسن

انا انصحج تستخدمين الفراشي لانها وايد تساعد بوضع الظل بسهوله وتدمج اللون من دون تعب انا استخدم فرشاة البدي شوب مالت سحب اللون يوم تحطين اللون وتسحبينه بالفرشاه يطلع جزء فاتح وجزء غامق وكأنج حاطه لونين اما الدمج فبعد ماتحطين لون بالفرشاه اللي تفرش اخذي لون ثاني بفرشاة الدمج وحطيه على جنب جفن العين بطريقة دائريه بتحسينه اندمج بطريقه حلوه واذا ماتعرفين تستخدمين الايلينر وهو الكحل السائل اخذي فرشاة الايلينر من ماك ضعيفه وسهلة الاستخدام
واذا بغيتي يثبت المكياج استخدمي مثبت للمكياج وانا انصحج بالفراشي لانها عجيبه تحسين بفرق يوم تستخدمينها

يسلمو خيتي الله يعطيك العافيه