تجمع الحوامل اللواتي يلدن بشهر تشرين الاول اكتوبر 10 2009 الجزء الخامس

انا الحين بديت اخاف من الولاده

فراوله انتي متى ناويه تاخذين اجازه الوضع
قبل الولاده بشهر ولا اشلون

لا لاتخافين وكلي امرج إلى الله وخلي ايمانج بالله قوي ودايما ادعي حبوبة انا سمعت وحده تصير لي تقول إذا صادج الالم لا تصرخين وايد اقري سورة الزلزلة وايد زينه لأن إذا صرختي تعبين اكثر من الولاده ودايما استغفري واقراي ادعية تسهيل الولادة وصوره مريم تراها وايد زينة

عروس مسقط;10062172:
فراوله انتي متى ناويه تاخذين اجازه الوضع
قبل الولاده بشهر ولا اشلون

احنا يعطونه إجازة وضع وهي 60 يوم وبعدين راح آخذ إجازة من السنوية ان شاء الله وقبل الولادة إذا حسيت بتعب راح آخذ من إجازتي المرضية

هههههههههههههههه عروس انا بعد فيني لقافة بس اخاف عقب اتعب من كثر الانتظار وابي بسرعه اولد

وبخصوص الولاده لازم الواحد يحاتي ويخاف شوي بس خلج كول وقوي نفسج بنفسج يعني قولي هذي مغامرة لازم انا بنفسي اتعداها وغيرها تعدوها

ورغم اني مب بكرية بس بعد انا ناسيه الولاده وماتذكر الالم لان سبحان الله نعمت النسيان

ودايما وكلي امرج على الله ولا تفكرين في الولاده ولاتسمعين حق احد يعني خلي عالمج الخاص فيج ومب شرط الي صار حق غيرج بيصير لج ولا تسالين احد عن الم او غيره والناس مختلفه

فراوله ملكية;10062223:
احنا يعطونه إجازة وضع وهي 60 يوم وبعدين راح آخذ إجازة من السنوية ان شاء الله وقبل الولادة إذا حسيت بتعب راح آخذ من إجازتي المرضية

انا بعد لي شهرين اجازة وممكن اجازة الوضع تطلعينها قبل باسبوعين من تاريخ الولاده وغير هذا انا راح اخذ جزء من اجازتي السنوية مب كلها لازم اخلي لي رصيد احتياط للظروف القادمة
يعني باذان الواحد الاحد بداوم اذا صارعمر النتوفه 3 اشهر

اي والله صاجة نوووره انا تعرفون شنو خايفة منه الله لا يقول وكفانا الله شرها العملية لأن من جم يوم شفت رفيجتي سوت عملية مسكينة والله انها معوره قلبي

حبيبتي لا تحطين في بالج العملية ولا غيره وهذي الله كاتبه وحطي في بالج اهم شي سلامتها وسلامت الياهل والحمد لله وايد ناس يفظلون القيصيرية على الطبيعي ويروحون مستشفيات خاصه بس عشان القيصرية الي الله كاتبة مافي مهرب منه

صج فراولة اي مستشفي راح تولدين بأذن الله؟؟؟؟

والله انا قلت ان شا ءالله العسكري بس الحين يقولون محد يحصل فيه غرف بس ما يندرى وين اولد الله يعلم

وبعد انا زوجي مو في القوة يعني ما ادري إذا احصل او لا ؟؟؟

انا بعد مادري رغم ان زوجي عسكري والدكتورة من نفسها تكتب لي على غرفة خاصه من عندها بس بعد احتمال يكون مافي عندهم غرف خاصه وانا عندي وسواس من الجمعي

وافكر بالسلمانية وبعد نفس الحاله احتمال احصل غرفة واحتمال لا

والمستشفيات الخاصه مايسوى


ولدي ولدته بالسلمانية
بنتي بالعسكري

اي يقولون الحين صاير صعب تولدين في غوف خاصة في العسكري الحين ما يعطون إلا اللي رتبته وكيل او اكثر انا ابوي رتبته وكيل بس ما يندرى يعطوني اولا ؟؟؟

وي على الجمعي ما يسوى الصراحة

خذتي غرفة خاصة في السلمانية وشلون كانت المعاملة

والعسكري بعد كانت غرفة خاصة وبجم كانت ؟؟

سلام عليكم شخباركم؟

هلا والله حياج الله اختي معانه

ام سيد علي شخبارج ان شالله بخير

تمام بخير الله يسلميش

ها انتي حامل ويانه في هاي الشهر ؟؟؟

اي موعدي في شهر 10 بس شلون اخلي ليه التوقيع رحت لوحة التحكم ما في تعديل التوقيع

فراولة انا بولدي ماتذكر بكم الغرفة لانه من زمان وزوجي كان متكفل بكل شي
ومعاملتهم كانت زينه وكنت بجر يعني ماعرف شنو لازم المعاملة .

وبخصوص العسكري انا غرفة خاصه بس مادفع شي لهم وحتي لين اترقد غرفة خاصه بس مادفع ولا شي زوجي عسكري مثل ماقلت لج ومايصير يدفع شي
وبالنسبة للغرف الي انا كنت ابي على حسابي في جناح 19 الحين مايصير حتي لو على حسابي لان زوجي عسكري وطبعا احسن الغرف اهي ولازم تدفعين مو بس سعر الغرفه سعر الولاده كامله يعني تقريبا 750 دينار وبعد مايصير لازم تكون رتبت زوجج عقيد ورايح ياريت من وكيل ياحيها امرها سهل

لأن حبوبة لازم يصيرون مشاركاتج 50 او اكثر بعدين تقدرين تحطين توقيع روحي ردي على المواضيع عشان تقدرين توصلين 50 مشاركة

تصدقون بنات امس في المسشتفى شفت وحده قالتلي انه الدكتوره تنصح بالولاده القيصريه
لانه معظم خصائيات الولاده والمستشاريات يولدون قيصري !!

شو رايكم انتو بالهكلام