تجمع الحوامل اللواتي يلدن بشهر تشرين الاول اكتوبر 10 2009 الجزء الخامس

فراوله

حطي لج لبسه مريحه عشان طلعتج من المستشفى وملابس داخليه
فوط صحيه مشط وبكله لزوم الكشه الي بتصير خخخخ مزيل عرق وعطر خفيف وفوطه صغيره
انا هذا الي حطيته لي

ههههههه اي والله لزوم الكشه هو لازم يصير كشة يعني

حتى الي شعرهم ناعم تقوم الكشه انا اقول حق ريلي اهم شي انت ماتجوفيني لانك بتسويني نكته هههههههههه

والله يافراوله
انا دائما بعد الولاده تطلع لي كشه خخخخخخخخخخ

كني طالعه من حرب الله ييسر هالمره

هههههه انا وايد قالولي عنها الكشة

الله يسهل علينا ان شا ءالله

اريج عندج عيال من قبل ؟؟

أم زينه
انا عندي ولدين الله يحفظهم من كل شر يارب

ماشاء الله الله يحفظهم لج انا عبالي توج بكريه عيل قوليلي شلون الولاده والطلق يعورون ؟؟؟

ام زينة لا تفكرين في الولاده الحين خلي كلشي على الله لأن وحده عن الثانية تختلف ولادتها

انا مافكر فيها بس احب اسمع سوالف الولاده مادري ليش جنه فضول خخخخخخخ

ام زينه

انا ولادتي ببكري كانت ولادة دلع

يعني اسمعهم يصارخون اصارخ

انا بالبيت كانت عندي الاام مثل الاام الدوره وينزل عليي ماي بس مو وايد ورحت المستشفى كان الرحم فاتح 7 ونص سانتي
بس كانت الالا محتمله كنت اصارخ بس دلع خخخخخخخخ بس طولت على ما ولدت
يعني دخلت المستشفى الساعه 9 الليل وولدت يوم ثاني 5 وربع المغرب

اما ولادتي الثانيه شفت الموت فيها خلا تشهدت فيها بس الحمد لله بعد الولاده كل شئ يروح لما تشوفين ضناج بين ايدينج

وان شاء الله تكون ولادتج سهله وميسره يارب

هههههههههه جنج انا انا احب اقرا عن الولاده بس تصدقينمو خايفة ما ادري ليش حتى كلهم يسألوني مو خايفة من اللاده اقولهم لا خليها على الله

بس فضول نحب نسمع الله يسمع منج اروجه ويسهل علينا

هلا بنات شلونكم
زين انكم يبتو طاري شنطه المستشفى

اريج بما انج والده من قبل ( عجبتني سالفه الكشه خخخخخ)

العطور تاثر اذا حطيتها بعد الولاده يعني في ايام المستشفى؟

انا قاعده اسوي اغراضي لدبي
ولين الحين ما سويت اغراض المستشفى قلت لما بوصل بيت اهلي بشوف شو ابي وشو ما ابي ويمكن
حريم اخواني راعيات الخبره يساعدوني

والولاده الحين باديه احاتيها ما اخاف العوار و الالم خوفي كله على البيبي

السلام عليكم

اخباركم بنات مع الصيام

انا نمت نومه الحمدالله ارتحت فيها كنت احس بتعب بجسمي بس النومه ريحتني مع ان مافي سرير عاجبني بالبيت بالاخير نمت على الارض خخخخخخخخخخخخ

وامي فديتها ناميه عندي تشوفني اتقلب تقولي تقول مو زين التقلب عشان ماينلف الحبل السري قومي نص قومه وانقلبي

دلوعته وعروس مسقط

اخباركم واخبار الصيام وياكم

اذا جهزتو شنط المستشفى خبرونا ايش حطيتو فيها انا ان شاء الله على الاسبوع الجاي راح اجهزها

هذا الاسبوع مشغوله شوي ببعض الترتيبات

اريج الشوق و زينه وفراوله ملكيه

يمممممممه حرام عليكم قاعدين تتكلمون عن الولاده انا اي احد يتكلم عنها اسكته ابي اغفل هالشهرين
عندكم سوالف واجد تتكلمون عنها غير الولاده

مثلا كل وحده ايش جهزت لغرفه الولاده .. او وين بتتنفس بيت زوجها ولا عند اهلها

خلونا نتسلى ننسى شووووووووي

اميره العشاق

انصحك انك ترتاحين وتنامين ولا تدخلين المطبخ ابدااا الا اذا تبين تتفرجين خخخخخخخخخخخخ

اما من ناحيه النوم بعد الولاده مراح تذوقينه

بس ماعليك اعطي اهلك العين الحمراء قوليلهم انا اتنفس عندكم عشان تمسكون البيبي وانا انام

انا بنفاسي الاول كان برمضان محد كان فاضي لي وتعبت تعب ولا انام ولا شي

بس الحين عطيتهم تعليمات وخاصه ان امي تبين ارضع عطيتهم شروط

قلتلهم انتو تسون كل شي حق البيبي تحفظونه تلبسونه تنومونه عندكم انا بس احطه عندي لما اشبع نوم وارضع وبببببببس

واستسلمو الشروطي طبعاااااا

عشان كذا اقولك خلي امك تسوي له كل شي وتحطه عندها وانتي نامي وارتاحي ماتجيبه لك الا اذا يبغي يرضع او اذا انتي صاحيه

اهلييييين بنوتاااات
انا اليوم كان موعدي بالعيادة وحمدلله كل شي اوكي بس قالي الدكتور لازم تحرصين على الحركة متى ماحسيتي انها قليلة تعالي الطوارئ يسون لكي تخطيط ، لازم باليوم اقل شي 10 مرات

وبالنسبه للصيام احس تعب بالدوااااام ولما اتعشى اتعب اكثر احس يمغصني بطني الله يعيني ودوامنا الى 26 رمضان شكلي باخذ اجازة قبل

السلام عليكم شلونكم كروشات وشلون الصيام معاكم

انا اتعب كثيير بس الحمدلله على كل حال الله يعيننا

وماشا الله بديتوا تجهزون شنطة المستشفى

انا باقي لي عالتاسع اسبوع وللحين ماجهزتها

هلا بنات كيفكم مع هالصيام الله يقويكم

بنات مين عندها فكرة بان سحب الدم بيفسد الصيام ولا لا