تجمع الحوامل اللواتي يلدن بشهر تشرين الاول اكتوبر 10 2009 الجزء الخامس

اهلين فيكم

والله هذاني يوم اصير زينه ويوم يجيني الطلق

وماعرف شنو السبب يعني امس قلت خلاص احتمال اولد لان

كان الطلق يجيني كل 7 دقايق منتظم

وفجأه بعد ساعتين خف وقام يجي كل نص ساعه بعدها اختفى

ومو عارفه هي زي مايقولون طلق كاذب ودي اعرف شنو اسبابه

لاني نفس كل يوم مرتاحه بس يوم يجي الطلق ويوم لا

حتى جلست اراقب اكلي اقول يمكن من الاكل

وامي تقول لي روحي المستشفى خليهم يحطون طلق صناعي وولدي وافتكي بدل

هالالام بس انا مابي ابي كل شيء طبيعي وسمعت انا الطلق الصناعي يعور وايد

فقلت بصبر وكله على اجر من رب العالمين ان شاء الله

متى مالله اراد راح يامر وراح تكون الولاده

ننتظر وموكلين امرنا لله سبحانه

عروس وين بتغيبين عنا يومين

عذرا طولت في ارد عليكم لان رحت اقرا اخباركم في الجزء الرابع :)

خاطري اتحنى بس ريلي مايداني الحنه يقولي زين الي خليتج تحنين حق الخطوبه والعرس :(

اميره ماعليج شر وان شاء الله تولدين في التاسع ع الاقل اول يوم من التاسع بس اهم شي انج تدخلين التاسع

اي والله يا ام زينة انا صادني هلموقف في الشغل والله حتى قلبي عورني عاد انا ماسكت عنها رحت لها اقولها ذكري الله علي لأني خايفة وهي مسكينة ما قصرت تقول واولله مو قصدي ...

بس انتي قبل لا تطلعين من البيت ولا تروحين حق احد اقري على روحج المعوذات ونفخي على روحج

عادي حطي صور هني مافيها شي

خاطري في عسكريم يبرد على هالحارج اللي ذبحني :(

اميره حبوبة ما تشوفين شر والله يبلغج تمامة ان شا ءالله

هاي سنس ياريت اطرشين الصور على الرسائل الخاصة مالتي ؟؟؟

ام زينة حبوبة شربي لبن اكتيفيا انا وايد فادني الصراحة قبل كنت اعاني هالحزة من الحارج بس الحمدالله جربته وفاد معاي جربيه انتي ؟؟

كروشات تحسون ان البيبي يصيده بوفاق مادري بو فهاق مادري شسمه انا ولدي احس كله يصيده بطني كل ينقز في فترات منتظمه يعني مو حركه البيبي

شر مايجيج ام زينه

ان شاء الله بي يسمع منك

بس ماتعرفون ليش الطلق يجي

مع العلم اني مريحه نفسي

ومادري ليش يجي ويروح يعني

ماهو طلق ولاده بس تقلصات تتوقعون لان الرحم يتوسع

لان احس بنوتي الله يخليها ضايق عليها المكان هههههه صاير تتمدد وتضرب كانها تبي

مكان تتحرك مو عارفه

مادري هل هذا الطلق يوسع ولا هو بس الام لان الرحم مفتوح :)

فراوله قبل كان الحليب ينفع وياي الحين لو اشرب لترين حليب ماسوى لي شي حتى التفاح والخيار صارو مايأثرون فيني :(

شر مايجيج ياحبوبه فراوله

الله يسمع منك وانتي بعد وكل البنات ربي يبغكم تمامه ان شاء الله

الحين انا ماعتبر من من اكتوبر خخخ خلاص راح اكون تبع سبتمبر

لان موعد ولادتي في 1-10 هالحين ماتوقع كلش اوصل اذا وصلت

تعرفون اتمنى اولد في تاريخ 16-9 لانه عيد ميلادي كان زين اكون انا وبنتي

نفس اليوم وناسه بس مادري راح اوصل لهاليوم ولا لا

الله وصلج تمامه اميره يمكن هاي تمدد في الرحم

ام زينة انا مثلج بالضبط ما ينفع معاي شي ولا حليب ولا خيار ولا حتى ماي الحندبان بس الحين فايد معاي الأكتيفيا وايد زين الصراحة

وعن البوفاق ههههههه انا بنتي اول مادخل السابع كان يصيدها ههههههه حتى اقول حق امي تقولي لا اقولها صدقيني تضحك علي هههههه

هاي سنس روحي مركز تحميل الملفات ونزليهم من الكمبيوتر وبعدين اخذي الرابط ونزليهم هني

انا ريلي كان يضحك علي ذاك اليوم خذيت يده وحطيتها وراويته صدقني

شريت لي عسكريم من ماكدونالز يبرد ع الحارج ذبحني والله

High Sense روحي مركز رفع الملفات بتحصلينه فوق ونزليهم وبعدين حطي الروابط الي بيطلعون لج هني

انا بعد لما دخلت السابع بديت احس

يجيها بوفهاق واليوم الصبح جاها خخخخخ اقول يؤ ماكلت شيء علشان يجيها

قال زوجي لاتخربطين بس شدراج انه بفهاق يمكن تطقق بس

قلت لها لا لما تضرب يكون اقوى ومو منتظم اما البوفهاق يكون وراى بعض

وخفيف زي اللي تنقز :)

اي عليج نور اميره نفس الشي اول عبالي يجذبون الاوادم الحين صدقت مسكين ولدي وااايد يصيده

صبحكم الله بالخير
ماشاء الله عليكم بنات عساكم دووم تقرقرون جيه وتزيدون صفحات التجمع
شو اخباركم

اقول الحين شو الفرق بين الحركه والبوشاق!
اذا عليى جيه انا الي في بطني ما يتحرك بس كله بوشاق هههه

بنات بالنسبه للبطن
الناس الي ما تعرفونهم لا تقولون لهم انتو باي شهر
الي يقولج بالاخير قولي له ايه
والي يقولج الخامس اقولي ايه

الناس ما ترحم

دلوعته الله يهديج تبين تربين قبل العيد وتكونين في العيد نفاس وعفسه
انتو عادي عندكم الوحده بعد الربا تلبس وتكشخ
نحن ياكلون ويها اذا ما مر اسبوع ههههههه ( حركات اول ) على قولت يدتي تبين يصكونج عين

انا الحين عرس بنت خالي بعد رباي بثلاث اسابيع وابي اروح واشوف من الحين يتحرطمون علي ههههه