هههههه شر البلية مايضحك ساعدوني بلييز

اللي يضحك بالموضوع ان اليوم الاحد وماجاء
وبيني وبينكم مابي اتطلق قلت كذا عشان يخاف ويرجع
بس شكله طلع بيااع




الرجال مايجو بالتهديييييييييييييييييد
هوا مو بياااع >>احنا كذا تفكيرنا لان احنا لو اتهددنا نخضع على طول بس لو كنا بايعينها مايهمنا التهديد
والرجال لا مو كدا لو كان يعش التراب الي تمشي عليه مايجي بالتهديد الا مااااااندر حالات شاذه الي يتهددو من الرجال
ومادام هوا حاطط شي براسه بيعمله رضيتي او لا
ماكان عملتي هذا كله مدام متأكده انه بيسافر كان لما سافر خليتيه يشتاق لك ومن نفسه يرجع
حاولي تغيري سياستك في التعامل معاه

ولما يجي دحين لاتفتحي موضوع التهديد ولا شي واستقبليه بحب وانه وحشك وقولي له اعودني ماتسافر ومن دا الكلام وبيني له زعلك


الله يهديه ويهديكي وترجعو لبعض احسن من اول

تدرون ليش مابي اتطلق

اولا: عشان بريستيجي قدام معارفي وصديقاتي ماابي احد يتشمت فيني لان اللي العذال كثييييير حولي

ثانيا: احس ان المطلقه بمجتمعنا يقل احترام الي حولها لها ومحد يقدرها ويعزمها بالمناسبات الكبيره مثلا ومايجاملوها مثل اللي عند زوجها.

ثالثا: مااظمن نفسي اقدر اصبر من دونه واخاف اتعب بعده واتندم اني طلبت الطلاق.

هذي سلبيات الطلاق

بس ايجابياته
اولا: ارتااااااااااااااااااااااااااااااااح من لعبة توم وجيري اللي عايشينها على طول يكذب علي كان الكذب بدمه سبحان الله مثلا يقولي ان بينام الحين بالدوام وشوي ادخل المسنجر الاقيه موجود واقعد اراقبه الاقيه يدردش مع وحده عالمسنجر للسته الصباح. ويحلف انه كان نايم واكيد فيه هاكر يدخل ايميله ويدردش بشخصيته
شي مايتصدق صراحه

ثانيا: عشان كرامتي يعني مو حلوه بحقي يلعب بذيله من وراي طول العمر وبالاخير يمكن يتزوج علي ويرميني

ثالثا: ودي اتطلق الحين مدام بس عندي بنت وحده اخاف اجيب ولد واتطلق بعده وتربية الولد بعد الطلاق اصعب من البنت.

رابعا: اذا تطلقت احتمال كبير اني اتزوج بسرعه لاني الحمدلله مواصفاتي الكل يتمناها من ناحية الجمال والشهاده والعايله وعمري صغير.

بس والله ماني بايعه وصبرت كثير واحبه بس مو حاس بقيمتي ابد

مالي غيركم لاتتركوني
الحين ارسلتله مسج ومارد علي من امس ايش اعمل اطنشه ولا ادق عليه او ارسله مسج

ساعدوني

لو لو كاتي

مع احترامي لج انتي اناااااااانيه سواء من ناحيه انج ماتبينه ايسافر مع ربعه

مع انه سافر معاج ومن حقه يسافر ويستانس مع ربعه دام ان مو مقصر معاج في شي

واسلوبج غلللللللللللط في تعاملج معاه اشدعوه اتهددينه ترى هذا زوجج مب ولدج

واولا واخيرا هو رجال عيب اتعاملينه بهالطريقه كان يقدر يقولج انا باسافر رضيتي والا انرضيتي

وهو رجال الكل بيوقف معاه لانه من الاساس مو مقصر معاج سفرج واستانس معاج بغض النظر عن سلبياته

وعيوبه اهو رجاااااااال ولازم اتعاملينه من هالمنطلق

وثانيا كلامج عن الطلاق انا استغربت انج ماذكرتي بنتج وانج خايفه انها تتربى

بين اب وام منفصلين والكل يعرف ان اللي يتربون بعيد عن الاب او الام

تكون حياتهم اكثرها مشاكل ودار الاحداث تشهد على كلامي اكثر اللي فيها يكونون اهاليهم منفصلين

وانتي الله يهديج اهم شي عندج برستيجج

وكلامج انج بتزوجين اذا تطلقتي عشانج جميله وبنت ناس

حبيت اعلق على كلامج

ترى الديرة مليانه بنات ناس وعوايل كبيره واخلاق وجمال ودين وكاملين والكامل الله

وللحين قاعدين في بيوت اهاليهم مب لاقين حد يتزوجهم فما بالج انتي مطلقه

لا وعندج بنت بعد

حبيبتي يمكن كلامي قاسي شوي

بس انتبهي على بيتج وزوجج والرجال مايعاملونه بهالطريقه

حسسيه انه هو رجال البيت واللي يبي يسويه يسويه في حدود المعقول طبعا

وان كلمته هي اللي تمشي اولا واخيرا

وقعدي مع نفسج شوفي شلي انتي مقصره فيه وشنهو اللي يحصله برا البيت

هو مب لاقيه عنده في البيت ترى الجمال مب كل شي وانتي من اسلوبج

مبين عليج ولاتزعلين مني شايفه نفسج حتى على زوجج والرجال مايرتاح مع اللي

يحسسه انه احسن منه

زوجج ياقلبي ترى محد بيستحملج مع بنتج غيره وهو جنتج ونارج

لاتخسرينه

الله يوفقك ويسعدك في حياتك ياارب ولاتفكري ابداا بالطلااااق هو يحبك انتي ومالو غيرك في الدنيا والرجال زي الطفل الصغير مايجي الا بالصبر واللين

انا راي يختلف عن البنات وماراح اقوله عشان مااحد يزعل الله يعنيك والله بس بصراحة كرهت الرجال والله من هالقصص انا صاحباتي المتزوجات ازواجهم ما يسافرون مع شباب ابد لازم اهم معاهم اويسافرون قروب يعني مع اصحابهم وزوجاتهم وخوالي واخواني ما يسافرون الا بزوجاتهم يقولون احنا نخاف من الحرام
ولا انا راح اسمح هذي ماهي انانية انا لمن اسافر برة واشوف شبابنا هناك والله شي يفشل بلاوي
وما انكر ان في شباب محترمين بس
يعني بالله عليك واحد يقعد على النت وايميلات وشات مع بنات واهذ الي صدتيه عليه ويحلف كدب كمان وبعدين يسافر مع ربعه بصراحة يحق لك تخافين ما الومك وماهي انانية ابد بس ادا انت تحبينه وخايف من الطلاق لا زم تبحتين عن حلول ايجابية تساعدك بتخطي المشكلة انتبهي لحالك

تبين رايي بكل صرااااااااحه

عقب ماقريت موضوعج و الردود اكتشفت ان زوجج ما يتحسف عليه

يعني سوالف مغازل بالنت وبالتلفون و السفرات الي مالها داعي

كل هذا تخلي الواحد يفكر الف مره قبل لا يردله

الله يعينج عليه اذا كنت راح تستمرين معاه

انتي طلبتي راينا وهذا رايي ان شالله تتقبلينه بصدر رحب

انا هالايام من اللي اشوفه من هالشباب و من الزواج

كرهت الزواج مررررررره وحده صرت ما ودي احد يبطله موضوعه جدامي

طيب الغاليه ..

شفت سيئات زوجك ..ممكن تذكرين لي حسناته..

يا ماشاء الله على صبرج على كل هالسوالف الي يسويها .. لكن ارد واقول .. ان زوجك بعد ارحم..من كثير.. في ازواج والله ما يقرون في بيوتهم ,, والبنات كل يوم شكل ولون.. وغيرهم ..

الغاليه موضوعك لا يتحمل التجاهل .. وبما انك تواجهين زوجك وينكر..

يا اختي .. لو اكتشفتي مره ثانيه .. ان زوجك يخونك في الانترنت .. ويكلم بنات .. قعدي معاه قعده مصارحه .. واصري ان يسمعك للاخر وبعدين يعلق على كل كلامك.... وانا بحط نفسي مكانك وبقوله الاتي :

انا يوم كنت ابي اتزوج.. كنت ابي اكون عيله .. وعيال زوج يحبني ويقدرني واكون كل حياته .. وانا اشوف ولله الحمد لا فيني قصور ولا ني مقصره بشي .. مع ذلك .. لو تشوف ان فيني قصور .. والله اني بتقبل بصدر رحب وبسمع لك ..

لكن يا ولد الناس انا يوم تاخذني من بيت ابوي معززه مكرمه .. وانتي تهين عقلي وذكائي وكبريائي كحرمه .. وتقولي هكر وما سنجر ... لو فرضيا ان كلامك صحيح يخي سوي لك ايميل جديد ,, ولا الهكر بيعرفه بعد..

واواصل .. قولي له الحرمه ما يغطي عيونها الفلوس والسفر والمجوهرات وهي تحس ان زوجها في السحاب مع غيرها .. وابي اقولك .. 50 % الي باللانترنت .. شباب يسون نفسهم بنات وال50 الثانيه بنات ما سكرو 20 سنه ... مادري ايش الكلام الي تقدر تقوله لمن ست الصبح ,, وانا ما تقدر تقوله معاي.. تبيني اصير عشيقه بصير تبيني اصير سوقيه بصير تبيني اصير .. مصريه بصير مغربيه بصير..

تبين تتزوج .. قول.. ويش الي عندهم وما عندي !!

وقولي وينك عن ربك يوم تكذب علي .. انا ان صدقتك .. ربك يدري انك تكذب .. وربك يحاسبك يوم القيامه على السهر .. وبدل ما تقضيه بسهر الليالي الملاح.. مع شهرزاد قوم الليل صل ركعتين فيهم لله.. ابرك واحسن .. بدل ما ربك يعذبك بقبرك.. حطني مكانك .. وشفتي اكلم واحد بالانترنت .... شنو رده فعلك وانت شايفني بعينك .. وانا اقولك .. لا هذا هكر !؟ استهبال صح..

اتمنى تراجع نفسك .. الحرمه تصبر والصبر .. له اخر.. وانت شوف عاد.. شنو تبي تقرر..

وخلاص يااختي .. بعدها تقومي بواجباته .. ولكن من غير انك ما تعطيه وجه.. سلام عليكم السلام .. تحطين الغدا تتغدين تقومين .. تصرفي بجفاف جداً خلاص هو تعود انك تسامحيه لو كررها طولي الزعل شوي ,, وبالعكس ترى الريال يخاف من سكوت الحرمه اكثر من كلامها .. صدقيني شي مجرب !!

الحين بالنسبه للسفر الغاليه .. انتظريه لمن يرجع ..وحاوطيه بحنانك.. وحبك .. لكن ان صدتي عليه شي .. عندك الكلام الي كتبته لك فوق ..

والله يحنن زوجك عليك .. الطلاق مب سهل لكن انا بقولك مهوب برستيجك الي بتأثر .. يعني حجي الناس ما يخلص.. الي بيتأثر هي بنتك وحياتك .. وانتي .. يمكن تراجعين نفسك وتلقين حلول كثيره كان ممكن تتفادين فيها مساوء زوجك...

اتمنى افدتك وبانتظار ردك

ام جنى

الله يسخره لج ولايحرمج منه يارب

يعطيكم العافيه جميع
بالنسبه للاخت اللي طلبت مني اذكر ايجابياته

هو ماعليه بس لو يترك سالفة الكذب و الركض ورا البنات بالنت
هو غير شريحته الاولى اللي كان يغازل فيها

انا اقول يمكن بس يصير بالثلاثين يعقل ويبطل سوالفه بس بنفس الوقت يقولون من شب على شي شاب عليه واللي تعود على البنات والمكالمات مايتركها

احس راسي بينفجر من كثر ماافكر ومحتاره
اخاف اتركه واتندم

وحاسه ان راحتي بعيد عنه

وبالنسبه للاخوات اللي يقولون شوفي ايش ناقص فيك وغيريه اقولهم
كان مجنووووون فيني ويقوم ويقعد يفكر فيني ماينام الليل اذا بعد عني مايرتاح الا بحضني
وانا ماتغيرت ابد نفس اول بالتمام والكمال حتى بعد ولادتي ماانشغلت عنه جبت شغاله تهتم ببنتي وانا تفرغتله
بس هو اللي تغير
يمكن مل من حياة الزواج وحن لحياة العزوبيه

نفسي اتركه بس اخاف اتندم

سامحيني اختي تراااا قلت لصقه من باب اني ابي الطف الجوووو شوي

استخيري الله في موضوعك مع زوجك انا توني اشوف ان الموضوع فيه بنات سامحيني وربي ماكان قصدي

الله يفرج همك يارب

والله مااعرف ارد عليك يمكن اني لحظتها بعصب بس بهدأ لان سفرني معاه

يمكن انه حاب يغير جو مع ربعه بس غلط انه مايسأل عنك!!!

تقولين انك مسكتين عليه مسجات غرامية لايكون رايح هناك يلعب (استغفر الله ان بعض الظن اثم)

عاد انتي وطريقتك اكتشفيه وحاولي يرجع في اقرب وقت

الاسطورة المحطمة الله يساعدك لو اني في موقفك مابطوفها على خير :(

قررت ابغى اقول لابوي يتفاهم معه لان الوضع مايحتمل صراحه

سفر عزابي لا والف لا واذا يبيني وشاريني هو يعرف وجهة نظري بموضوع السفر واني رافضته تماما
بيسافر معنا اهلا وسهلا ولا ماله داعي السفر كله
يكفي اني صبرت على علاقاته بالجوال والنت يجيني الحين بسالفة السفر
صبرت واتسترت على بلاويه بما فيه الكفايه

جاء الوقت اني اخذ موقف

تحياتي واحترامي لكل اللي نصحوني وساعدوني

اختي الله يهديه لج ويريح بالكم يارب.. شوفي سالفة سفره مع ربعه ترى عادية والشباب يحبون يلتقون مع بعضهم بدون دوشة العيلة

بس اللي انا ما ارتحت له سالفة المسجات والايميلات.. هذي لازم تتكلمون فيها وتعالجون الموضوع.. واذا تحبينه ما بتخلينه يتمادى بهالسوالف.. حاولي تشوفين ليش هو يسوي هالشي وتحلين المشكلة

والله ييسر لكم حياتكم يارب

لولو كاتي الله يختار لك الخيرة الصالحة ولا مثل ماقلتي قولي لاهلك لانك لو تركتيه كذاا بيسوووووووووق فيها ويعرف انك بتسكتين وعادي عندك الي قهرني انك طول رجعتك من السفر تبكين ولا همه ماعندة لاااحساس ولا قلب اسمحيلي يحبك ومجنون فيكي اسم ان عندة زوجة واولاد بس

اطلبي الله والله السفر لحاله وهوة مزوج فيها بلاوي كثير يعني مايقدر يسوي شي معاكي بيسويه وانتي بعيدة عشان ياخذ راحته الله يصبرك ياشيخة

الله يسلمك
بس ادعولي ان الله ينصرني ويسخره لي ويهديه ويصير امام مسجد ههههههههه

تحياتي

متابعه لمشكلتك
والله يهديه لج ويره و تردون اسرة مستقرة وسعيده وبلامشاكل يارب

ننتظر اخر التطورات معاج
خبرتي ابوج ولا شلون ؟؟
رد على مسجاتج او اتصل .. رد من السفر او للحين ؟؟

و ان شاء الله خير
تحيتي

انا اشوف ان هالموضوع مايخليج تقولين هالكلاااااااااااام ...... والا الطلاق سهل واكيد انتي بعد ماتبغين هالشئ ..

ديري بالج عن تعيدينها مره ثانيه ....

وحاولي بطريقتج الحلوة اطرشين له مسجات حلوة ............................... وان شاء الله يرجع سالم

السلام عليكم كيف حالك .....ياحبيبتي مرده يرجع لك بس هو يتغلى عليك ..والله الرجال كلهم زي كذه بس اصبري والله زوجي يسافر ويروح وياكثر مايسافر بس اطنشه لين يطفش لان الرجال زي الطفل تقولين له لاتسوي كذه يقوم يسويه عنادددد ...اهم شي إذا جاء مسافر خذي مصروفك وزياده وابصطي نفسك لاتخلين سوق ولامطعم عشان لاتفكرين فيه وإذا شافك عادي سافر ولا قعد كلها سوى راح يفكر اشبها هاذي وينسى السفر .....................واهم حاجه إذا جاب فكرة السفر قومي على طول صلي الاستخاره ودعي إذا في سفره خير لك يسهله وإذا فيه شر لك يصرفه عنه ...اختي .إذا طيب وكل طلباتك عندك اصبري الصبر مفتاح الفرج ونتائج الصبر تطول شويه يمكن اكثر من قضية فلسطيييين هههه امزح معك ...نصيحة اخت الطلاق لعد تقوليييينه اهم شي عند الرجال كرامته ....................................................

قرات مشكلتك .. لكن ما قرات ردود العضوات .. فيمكن يكون كلامي مكرر ما أدري

من وجهة نظري .. إنك المفروض ما تمنعي زوجك من الجلسة أو السفر مع أصدقائه!

هو عطاك حقك وسافر معاك ، فخليه يسافر مع أصدقائه ويش المشكلة؟؟ إذا كان ما مقصر معاك

هو ما اتصل لأنه يعرف إنك بترفعين صوتك عليه وبتصارخي وما بتفهميه ..

نيجي للمسألة الثانية .. ليش هو يصادق بنات ويراسلهن؟؟ هل لأنه وجد نقص منك .. او إنه طبيعته كذا؟
لا تحللي المشكلة بمشكلة .. لابد تسأليه وجها لوجه.. ليش تعمل كذا؟ وصارحني... أريد أفهم

الطلاق أبغض الحلال إلى الله .. لا تتسرعي .. أدري إنك تحبيه وما تريدي تبعدي عنه وبتنحل الأمور إن شاء الله
وهالمشاكل ما تصير معك إنتي .. كثيرين يمروا بها .. فخليك صابرة أكثر وحكيمة في تصرفاتك..

هو لو ما يحبك ومتمسك فيك كان ما تزوجك من البداية.. وهذولاك البنات مال تقضية حال ولعب..
لكن لازم تصارحية وتشوفي ردة فعله.. بس بهدوووووووووء وإذا تحسي نفسك إنك بتتعصبين عليه

اكتبي له رسالة .. وعطيه إياها يقرأها.. وإنت ساكته

:) والله يوفقك وييسر لك امورك

على فكرة أنا حتى أتحسس من غياب زوجي لفترة .. لكني أتجنب اتكلم معه لو كنت معصبة
اكتب له رسالة .. وبعدين عاد نفهم بعضنا .. لكن الفرق إللي بيني وبينك إني ممتلكة فقط ما معرّسه (يعني ما انتقلت بيته)

هلا خواتي الغاليات

بالنسبه للتطورات انا كلمته وسألته متى بيجي علشان اشوف متى اكلم ابوي بالموضوع
وقالي متى مامليت راح اجي سالته ليش تعمل معي كذا قال ابغى اربيك عشان ماتجيبي طاري الطلاق مره ثانيه

قلتله تبي تربيني قال ايوه قلتله اوكي باي
وسكرت التلفون

واستخرت وناويه انشالله اقعد عند اهلي لحد مايطلقني
وامي وابوي بصفي وبرح بكره بيتي اجيب اغراضي
وبكمل حياتي بعيد عنه

خلاص يكفي السنتين اللي راحت من عمري ادور رضاه على حساب راحتي النفسيه

وانتهينا منه

تحياتي لكل من اعطاني رايه
استفدت منكم جميعا
شكرا لكل من قرات مشكلتي وعطتني من وقتها عشان تفكرلي بحل

ومعكم انشالله بكل جديد بمسلسل حياتي

تحياتي