تجمع الحوامل اللواتي يلدن في شهر كانون الثاني (يناير 1 )2010 الجزء الثالث

يسلمووووووو عيوووون على المقااااااااااااله ^__^

مب شااالته هههههههههههه خليه يعطيني بوكس << استانس على بوكساته فديت روحه :)

نبووووووووووض ...... هالشد معانا كلنا .. وخصوصا اول ماقوم من النوووووم ^__^ لا تحاتين عادي فديتج (f)

هلا وغلا نبوض

شخبارج صح النوم ياقميل

لالالالالالالالازم تمرين المويت وتشوفين هالمحل روووعه اهو سرداب كبييييييييييير كل شي فيه
حق الولاده القرقيعات العروس وايد اشكال وهو يبيع بالحمله وسعره مناسب
وكل شي عنده وبالنسبه لقرقيعان راح اخش حق اتامي خطيبت يسوف << على كفيها لول

والله شوفي الصراحه انا شاريه جيكو من عمر فهودي لها 7 سنين يوم كبر خشبتها بالبوكس مالها
بالمخزن وتالي طلعتها لقيتها تشتغل لول الحمدلله ماخسرت
وجربت الافانت يدخلون انا يسوف الرضعه العوده وهم تدخل بس دامج ماشريتي ليه الحين
انا اقول اخذي مالت افنت عشان يكونون طقم عشتوا ههههه
وبالنسبه للنبلس ترى على حسب البيبي يعني في يهال بسرعه بشرقون <<< مثل يسوف
فكله النبلز اصغر من عمره انتي جيبي نيو بيبي احسن تفاديا اول الايام وخليها لينه توصل شهرين عمرها
وشوفي يبين اذا الياهل طول بالرضاعه يعني الحليب موقاعد يطلعه وبتعرفين مع الوقت

وان شاء الله ماتحتاجين وترضع طبيعي :)

ودامج بلندن تاكدي من الاجهزه تناسب كرهبت البحرين ولا لا لانه انا يوم بامريكا خذيت شغلات مااشتغلت بالكويت :(
واي سؤال انا حاضر هههههههههههه <<< خبره :)

مرحبااا
كيف الحال يا بنات يا حلوات ؟؟

فشونه فديتك انا تسلمي على الدعوات الاكثر من رائعا اسئل الله الكريم رب العرش العظيم ان يحقق امانينا ويوفقنا ويقر عينا بشوف عيالنا
ولو ماسويت غير واجبي اذا مادعيت الى اختي وحبيبتي ادعي لمين

مين هون ؟؟؟

قطريه 22

هانت بس هالاسبوع وانتي تطلعين اجازه وشكلي انا بسحبها عليهم مرضيااااااااات هههههههه

ضياء

شخبارج حبيبتي ان شاء الله بخير


ام الساده

وينج مالج بينه عسى ماشر فقدناج يالغاليه

الحمدلله بخير بس جيعانه تهي تهي
ومعذبني المغص والم الظهر والبلغم و لثتي تنزف وانفي كل شي فيني خربان ههههههههه

بعد الولاده يبي الي سمكره من اول وجديد ^_^

انتي اخبارك واخبار عيالك ؟

السلام عليكم ورحمة الله وبركاته
هااااااااااااااا طحت عليكم شتسووون لحظه بس امسك كرشتي خخخخخخ

حبيبتي والله نبوووض وضووئه تسلمون حبايبي اهيييييييييييي اشتقت لقعره اليهال اهي اهي لانه اهني في بيت زوجي مافي يهال بس زوجي وام ريلي فديتها واخو ريلي انا اكبر منه بيومين هههههههههههههههههه بس ناطرين مودي حبيبي يطلع لنا بالسلامه يملي علينا البيت

وعليكم السلام ورحمة الله وبركاته ،،
الله يسلم قلبك ويسلم غاليك يارب اي والله لويت الاطفال مافي احد منهم بس عيبهم الازعاج

الله يجيب حمود بالسلامه وتفرحون فيه يارب ياكريم
ماتروحي بيت اهلك ؟

هلا ضووئه با حبيبتي اروح بس قعدت في بيت اهلي شهر لانه اختي وولدها وزوجها راحوا للعلاج واختي الكبيره ماتقدر ع اعيال اختي اللي سافرت لانه واحد راح للعلاج وماشاء الله 3 قاعدين بالدوحه فساعدتها ومنها تغير جو هههه

خير ان شاء الله علاج ايش الي رايحين له ؟
والحمدلله على سلامتهم اهم شي استفاد من العلاج وقام بالسلامه

مدري وينهم البنات ؟

السلام عليكم
كيف حالكم كروشات
عيوونة ونبوضة انا توني احس بترفس ولدي عدل من مدة احس فيه يسبح يعني احس بحركته خفيف
تدرون شنو خلاه يطقني طق طالعت فيلم رعب خرعته ههههههههه
جمال الروح يعني ارجع الجهاز وآخذ ماركة ثانية؟؟

فديتكم

بقوم اجهززز فطوري واصلي وبرد لكم:D

لا تنسي تدعي لنا على الافطار وعند الاذان
بثبات الحمل وتسهيل الولاده

وتقبل الله مقدما

اهلين انا عدت لكم من جديد

قطوور شكلج بتمدينها اجازات مرضيه هالاسبوووووع بعد.. الاسبوع قبل ما تاخذين اجازه كلش ما يمر بسرعه..

عيوون مشكوووووره على المقاله فعلا هذا الشي مسبب لي رعب.. وخصوصا اذا انام ما ارتاح دايما اخاف..
وعبالج كل واحد يسمع الكلام مثلي وشيل المخي هااااااا..ولدج يتغلى مو نحيس ولا يمكن دلوووووع

جموووول تسلمييييين حبيبتي ام يساااف خلاص الحين عندي معرسين لاتامي هههههه.. وصج يعني تنصحين اروح للمحل قبل ما اسوي اوردر التوزيعات؟؟ والله شوقتيني انا ادري انه فيه وايد محلات عندكم تسوي شغلات حلوه بس ماعرف وين بالظبط..ودامها اشتغلت عقب 7 اسنين معناتها قود كواليتي ولا انتي تعتنين بالاشياء.. ومثل ما قلتي خلاص باخذ ايفنت اطقم مع المراضع بس ما باخذ اكثر من مرضعتين الحين.. وعندي البيبي بورن نبلز... بس الجهاز باخذه من البحرين ولو انه كهربتهم مثل كهربتنا في امريكا 110 فولت عشان جي.. انا مره خذيت وياي اهناك hair dryer بسوي شعري جان ينفقع زين ما حرقت الفندق.. ومشكوره على الاجوبه اكيد اذا عندي اسأله بعد بسألج

ضووي ايي والله يبيلنا سمكره لانه الحين لو تتسبحين في اليوم مرتين للحين تحسين روحج ملحه

فشوون وااااااي اكيد وحشتج مريوووم ماعليه كلها جم شهر وييكم حمودي ويعفس لكم البيت فووووق تحت

ام علي.. عقباااااالنا يارب نحس بالترفس..اقولج انا ايقنت انه بنتي قصيره ما تطول جدار الرحم خلاص.. ماصدق طالعتي فلم رعب تحرك هههه شريره حرام عليج

بحبووووحه تقبل الله وتسوووووين فطووووورج؟؟ ما اصدق بتطبخييييين؟؟ شبتسووووووووين؟؟ ابد كلش ما يطيح

اخ خايفة من الصيام اول مرة اصوم وانا حامل شلون شعوركم الي جربو الصيام؟؟

نبووووضة شكله خاف عدل مسكين

انا بعدني ما اصوم
ابي اصوم بس عندي موعد مابي الموعد يقطع صيامي شكلي الاربعاء خلاص بصوم
الله يعين الجميع ويوفقهم في ها الشهر الفضيل

بنات بحط لكم صوره فعلا شدتني من اول ما شفتها يمكن بعضكم شافها

سبحان الخالق سبحانك يارب..

ام علاااااوي لا تحاتين ولا تخافين انا كنت اصوم في الثلاث الاشهر الاولى اللي كانت وايد اصعب من الحين وما صادني شي.. يعني سبحان الله كنت اقول اذا انا فاطره كله لوعه ودوره ومن اصوم مافيني الا العافيه

من ناحية السمكره فهي شي لابد منه ههههههههه
بس نولد ونقوم بالسلامه على طول على الورشه سمكره مالها نهايه هع هع

الله المعين ..

فيه كم مقال شفته في بعض المنتديات وحبيت انكم تستفيدون مثل ما انا استفدت

لقد كشف بحث جديد الكثير من الاخطاء التي ترتكبها السيدات الحوامل في خيارات الغذاء، وظهر ان نسبة عالية منهن تستهلك انواعا من الطعام ينصح خبراء الصحة ان يصرفن النظر عن تناولها ان كن يتوقعن الحمل او كن فيه.
هذه الدراسة شملت 500 سيدة حامل، واوصت بتحديد تناول بعض اصناف السمك مثل التونا tuna وأبو سيف sword fish ذلك لأنها تحتوي على مستويات عالية من الزئبق الذي يمكن ان ينتقل الى الجنين فيؤذي انسجته في مراحل التخلق. وظهر ان ثلثي السيدات (%65) فشلن في ادراك الخطر الكامن في تناول هذه الاصناف.

من جانب آخر ظهر ان اكثر من نصف السيدات (%54) يعتقدن ان زيت كبد الحوت آمن العواقب اذا ما تناولنه خلال فترة الحمل. ولكن رأي المختصين يختلف، اذ ينصحون بتجنبه لأن تناوله بكميات كبيرة يعني تعرض الجنين لمقادير كبيرة من الفيتامين أ (a) الامر الذي يسبب التشوه، وهذا ما يحصل ايضا في حالة الافراط في تناول الكبد، فهو غني جدا بالفيتامين أ (a)، وقد كشف البحث ان %26 من السيدات لا يعرفن هذه الحقيقة المهمة جدا.


وفي ما يتعلق بالجبن ومنتجات الالبان فإن %72 من السيدات ذكرن ان تناول الجبن الفرنسي المعروف باسم كاميمبرت camembert غير آمن اثناء الحمل، وهذا صحيح ويرجع الى المستويات العالية التي يمكن ان يحتويها هذا الجبن المفضل في فرنسا من البكتيريا الضارة المعروفة ب «لستيريا». وهذه البكتيريا يمكن ان تسبب الاجهاض او ولادة الطفل ميتا، وقد تصيب الجنين بوعكات مرضية قد تورث عيوبا تشريحية.

اما الجبن الابيض القليل الدسم (الكاتج) cottage cheese فهو غذاء آمن ومصدر جيد للبروتين المنخفض الدسم. ومع ذلك فإن نسبة %60 من السيدات اعتقدن خطأ انه ضار.


على ضوء ما تقدم ينصح الاطباء السيدات الحوامل بضرورة اخذ الاستشارة الغذائية خلال الحمل من المختصين بشؤون التغذية، وعدم الاعتماد على الاقاويل الشائعة.


ايضا هناك بعض الاعشاب والاغذية مضرة للحامل او الجنين او للرضيع :

الميرامية : لاينصح باستخدام الميرامية اثناء الحمل
القهوة فهي من المنبهات وغنية بمادة (الكافين)، والإكثار منها لا يناسب الحامل.
القرفة لها أثر في زيادة الانقباضات الرحمية عند بداية الطلق قبل الولادة. فإن كانت الحامل في بداية الحمل ولها تاريخ إسقاط متكرر بسبب الانقباضات الرحمية.. عليها ألا تكثر منها.
الكرفس يقلل حليب المرضع وقد يضر الرضيع
الصبر أو المُرّ يضر الحامل والجنين
الشاي كثرته تضر الجنين وايضا الرضيع ومن الممكن ان يسبب لهم إدمان للكافيين
وكثرة الشاي تؤدي الى تقليل الخصوبة للمرأة
السنامكي يضر الحامل والرضيع
الزعفران يفضل ان لاتكثر منه الحامل خاصة في الشهور الاولى
الخروع يضر الجنين في الشهور الاولى
الجرجير من الممكن ان يؤدي كثرة تناوله في الشهور الاولى للحامل الى حدوث نزيف
الزنجبيل لايعطى للحامل في الشهور الاولى لانه من الممكن ان يسبب لها نزف او اسقاط .

منقول