تجمع الحوامل اللواتي يلدن في شهر كانون الثاني (يناير 1 )2010 الجزء الثالث

الحمدلله ابخييييييييييير مادري والله مالها حس بس متأكده انها معصبه علي على اللي قاعده اسويه فيها هههههه.. مشي 8 ساعات وبعدها انام على بطني.. مو راحمتها..

اليوم قلت بتم في الشقة والله هلكت..

شخباااااار النونوات ما طلعيتهم اليوم.. مساكين اجااااازه

ويحفظلج عيااااااالج يارب وتيين تبشرينا بأحلى كتكوته عشان تصير رفيجة بنتي كلهم وزرق ما شاء الله

حبيبتي الله يحفظها يارب
لول صج اكيد معصبه ههههه انتي وينج الحين باي ديره وين سافرتي

انا طلعت عيالي الخميس وديتهم غدتهم بره بالمول ودخلنه فلم الي فيه فيران هههه استانسوا
وامس كان زوارة حمولتي
واليوم قاعدين مافي طلعه يمكن بعد شوي اروح الجميعه جذي بعد المغرب اتسوق للبيت اغراض
أأأأأأأخ وبكره دوام الله يعيني يارب

قطرية22;10086264:
حرم بووليد

اللي يريحج فديتج ... المكان الي ترتاحين فيه نفسي فيه ... بس انا اقول لج من باب انه الوحده اساسا في النفاس تكون حالتها حاله ... يدوووب تجابل الياهل ... يبيلها تقريبا 10 ايام لين ترجع مثل الاول ... نشيطه وتهتم بروحها ... :) بس اذا انتي ترتاحين مع زوجج خلاص خلج في بيتج ^_^ وماعليج من حد ...

الله كريم فديتج وربج بيفرجها

*جمال الروح*;10086405:
مساء الخير ياحلوين

صبا

مبرووووووووووووووووووووووك اليوي يتربه بعزكم يارب ويجعله ربي من الذريه الصالحه

مروووم

عسى الله يرزقج الولد الي يفرح قلبج يارب

ضياء
مبروك دخووولج الشهر الخامس وعقبال التاسع يارب

ام الساده - بحرينه -قطريه -نبض قلبه - فجر - العين مليانه
وكل البنات سامحوني اذا نسيت احد :**
شخباركم ان شاء الله بخر وشلون بيبياتكم

ختامه مسك
حرم بوليييييييييييييييييييييييد

حبيبتي حاسه فيج انا نفسج بالضبط كل عيالي متنفسه بروحي
صج مانكر انها تزورني وتطرش السايق بالاكل بس طباخ الطباخ يعني
مو شي زايد
امي صغيره مو حيل كبيره وتحب تطلع وتروح ومواجيب وماتحب تلتزم بقعده نفاس
حتى اكل النفاس من حسو ولهوم وهالسوالف انا اشتريها
سبحان الله مو كل الامهات نفس بعض
والحمدلله انا تعودت وصدقيني كافي شي صعب بالعكس ربي يفرجها من عنده
بس اهم شي يبيلج خدامه عشان تغسل وتنظف البيت وتسويلج شغله تاكلينه
وربج ماينسى عبده

فديتج انا انشالله خير والحمدلله انا قاعده في بيت اهل زوجي وماعندي الا الغرفه وامرها هين بخلي الخدامه تنظف لي
اذا ماجبت خدامه خاصه فيني والله كريم يعني الاكل والغسيل انا مااحاتيه وايد
بس بسالج انتي يوم اول بيبي شقلتي حق اهل زوجج ؟؟ يعني اكيد اسالوج ليش مارحتي اتنفسين في بيت امج؟
انا هاي اللي موعارفه شبقولهم بالضبط ؟؟ وزوجي شبقوله ؟
والله كريم ومشكوره ع الرد فديتج

نبض_قلبه;10086470:
صبااااااااااااح الخيييير كروشاات ادري صار عندكم الظهر الحين بس كان خاطري اصبح عليكم

قطوووووور صبااااح الوووووووووورد اشوف قاعده من صباح الله خير :)

حروومة والله مافي شي صعب في هالدنيا وانا قلت لج رفيجتي 18 سنة وتنفست بروحها وكان كلش عادي صح الوحده تروح قوتها بس كل شي على رب العالمين مثل ما قالت جمووول لا تحاتين وانتي رتبتيلج كل شي وانا موافقتج الراي هذا احسن شي لج وللبيبي ولراحة بالج

بح بح يااااااااارب كل يوم تحسين بهالاحساااااااس وعقبالنا كلنا يارب

عيووووووووووون ما باااااااااااقي شي فديتج وتعرفين الله يالله عاد انتي اللي لازم تبشرينا ومادري وين طاسه عسى المانع خير

جموووول صح فيه امهات جي يعني انا امي بعد دايما طالعه ومواجيب بس الحمدلله اشوفها مستانسة على اتامي مع اني ما اعتقد بقعد 40 يوم هذي كلها عادات راحت حدي 3 اسابيع

باقي الكروشات وحده وحده يارب كلكم تكونون بخير وصحه وعاااااااااااااافيه

فديتج نبوضه الله كريم وكلها الا 40 يوم مو وايد وفرصه اتقرب من زوجي اكثر انا وعبودي

نبض_قلبه;10086599:
اييييي جمووول صدقتي فيه وااااااايد امهات جذي هذلين اللي تزوجوا صغاااااااار والحين خلاص ما يبوون مسؤولية ولا شي.. وصح الوحده اول شي تتضايق بس بعدين تتفهم.. وما شاء الله عليها الوالده اذا هي تشتغل يعني صعب انها بعد تقدر تجابل نفاس بناتها.. على العموم الله يخليييييييها لكم ان شاااااااء الله وهذاج يبتي العيال وربيتيهم وكبروا ما شاء الله والحياة تمشي..

صحيح انا امي متزوجه وعمرها 14 سنه وماشالله اكبر خواني الحين بال40 يمكن ملت من المووضوع مادري
وترا ع فكره انا يوم كلمتها كانت جدا رايقه وعادي يعني ماكانت متنرفزه ولاشي

وانا اوريدي ترا ماارتاح الا في سريري ولا اعرف انام عدل الا في المكان اللي متعوده عليه يعني الموضوع بيكون اريح لي

مساكم الله بالخير :)

نبوووضه، للحين تسمينها زعبووور ، حرام عليش غيريها لأتامي احلى ...


حرم بو وليد، الحمدلله خيوه واهم شي راحتش، ودامش تعرفين لليهال ، خلاص يعني ما بتتعطلين في شي ، بس نصيحة ، اقرأي كثير عن الكآبة بعد الولادة لأنها ساعدتني وخبري زوجش بعد عنا على اساس انه يساعدش في النفاس بعد اله يوفقش ياااااااااااااااا رب ويهون عليش المسأله.

حرم بو ليد
ماسالوني قلتهم بنتفس بشقتي
ولا احد سأل عاد ماردي بينهم وبين بعد شقالوا بس اهما يعروفون امي
واهم وايد حبوبين بالعكس كانوا يساعدوني ومروني ويزوروني

الحمدلله متفهمين

جمووووووووووله، جم اعمار اولادش؟؟؟ انا ودي اطلع بنتيني مولات وغيره بروحي وياهم بس اخاف ما اقدر اسيطر عليهم

استاذنكم ، أذن ، بروح اصلي

القاكم بعدين :)

باك

مروم سوري رحت اصلي وتوني اشوف ردج

عيالي
العود 11 ونص
والثاني 7 سنين
والصغير سنه

طبعا الصغير مادخلته السينما لانه مايفهم بعده واكيد بطفرني

الله يخليهم لش ويحفظهم يا رب ويبلغش فيهم معاريس :)

جموول فديتج والله ويحفظلج عيالج يا رب.. الله رحتي الفلم اللي على فيران كان حلووو؟؟ خاطري اشووفه.. انا بعد عندي احلى الطلعه يوم الخميس ولو انه زحمة شوي.. السبت عادة استلقاء في البيت ويوم التنظيف العالمي.. وعن الدوام الله يعييييييييينج الصراحه انا ما اتخيل اداوم الحين انتي وقطور صج مكافحااات..

انا الله يسلمج الحين في مانشستر,, شكثر كويتيييييييييين اهني تصدقين.. للحين مارحت لندن اتمشى في الهايد بارك على قولة عيوون هههههه

مروووم ههههههه ان شاااااااء الله تامرين امر بغيره بس عاد لازم اعيد اسوي هالتوقيع كامل من اول متعيجزه.. مسكينه زعبوره تحسين وحده خاله شعرها عبل مالت طيران لووووووووول..
وتعالي ليش ما تطلعينهم سارونه 5 اسنين يعني مو صغيره يعني لازم اكثر شي تحطين بالج على ليووول.. اذا بتروحين الستي مثلا اخذيلهم هذيك السياره ام اثنين وركبيهم وخلاص بترتاحين..

حرووومه لا تحاتين شبقولون حمواتج يمكن اصلن ما يسألون ما عليج.. وانتي تفاهمي مع ريلج مو تقولين له امي ما تبيني قوليله انا ما اقدر ابعد عنك وابيك وياي في كل لحظه عشان تشوف عبادي شلون يكبر .. وامي بعد نفس امج تزوجت 16 سنة مساكين والله.. الحين ياهم اكتفااااااء



بناااااااااات الباقيات ويننننننننننكم

تقبل الله جموووووووووول ومروووووووووووم.. اهني النهار ماااااااايكمل تطلع الشمس الساعه 4 ونص وما تغيب الا 9 ونص.. يعني نتريق ونتغدى ونتعشى في الضوا.. كررريه

مروم
بعد قلبي تسلمي على هالدعوه الحلوه امين اجمعين ان شاء الله

ام زعبوره هههه

تسلمين ياقلبي
اي والله يونس واااااااااااايد حلو اسمه اي فورس
انا تغديت ودخلت الفلم يعني دخلته العصر قبل الزحمه الصجيه لامي مااحب الزحمه ابدا مااتحملها
واي على الدوام :(:( صج صج تعب المفروض الحوامل يعفونهم عن الدوام والله :(

mroom;10087072:
مساكم الله بالخير :)

نبوووضه، للحين تسمينها زعبووور ، حرام عليش غيريها لأتامي احلى ...


حرم بو وليد، الحمدلله خيوه واهم شي راحتش، ودامش تعرفين لليهال ، خلاص يعني ما بتتعطلين في شي ، بس نصيحة ، اقرأي كثير عن الكآبة بعد الولادة لأنها ساعدتني وخبري زوجش بعد عنا على اساس انه يساعدش في النفاس بعد اله يوفقش ياااااااااااااااا رب ويهون عليش المسأله.

انشالله بقرا عنها ومشكوره حبيبتي لااهتمامج

*جمال الروح*;10087073:
حرم بو ليد
ماسالوني قلتهم بنتفس بشقتي
ولا احد سأل عاد ماردي بينهم وبين بعد شقالوا بس اهما يعروفون امي
واهم وايد حبوبين بالعكس كانوا يساعدوني ومروني ويزوروني

الحمدلله متفهمين

الله يعين لانهم من الحين حاطين في بالهم اني بتنفس في بيت امي واتوقع مره حماتي اسالتني وقلت لها بروح بيت امي والحين بغير الله كريم بتفاهم مع ريلي واهم مب قايلتلهم شي ولي سالوني بقولهم انا ادور راحتي

نبض_قلبه;10087232:
جموول فديتج والله ويحفظلج عيالج يا رب.. الله رحتي الفلم اللي على فيران كان حلووو؟؟ خاطري اشووفه.. انا بعد عندي احلى الطلعه يوم الخميس ولو انه زحمة شوي.. السبت عادة استلقاء في البيت ويوم التنظيف العالمي.. وعن الدوام الله يعييييييييينج الصراحه انا ما اتخيل اداوم الحين انتي وقطور صج مكافحااات..

انا الله يسلمج الحين في مانشستر,, شكثر كويتيييييييييين اهني تصدقين.. للحين مارحت لندن اتمشى في الهايد بارك على قولة عيوون هههههه

مروووم ههههههه ان شاااااااء الله تامرين امر بغيره بس عاد لازم اعيد اسوي هالتوقيع كامل من اول متعيجزه.. مسكينه زعبوره تحسين وحده خاله شعرها عبل مالت طيران لووووووووول..
وتعالي ليش ما تطلعينهم سارونه 5 اسنين يعني مو صغيره يعني لازم اكثر شي تحطين بالج على ليووول.. اذا بتروحين الستي مثلا اخذيلهم هذيك السياره ام اثنين وركبيهم وخلاص بترتاحين..

حرووومه لا تحاتين شبقولون حمواتج يمكن اصلن ما يسألون ما عليج.. وانتي تفاهمي مع ريلج مو تقولين له امي ما تبيني قوليله انا ما اقدر ابعد عنك وابيك وياي في كل لحظه عشان تشوف عبادي شلون يكبر .. وامي بعد نفس امج تزوجت 16 سنة مساكين والله.. الحين ياهم اكتفااااااء



بناااااااااات الباقيات ويننننننننننكم

انشالله انا فكرت جي بقوله والله يعين اذا اسالو بقولهم انه ولدهم يبيني يمه خخخخ ام الرومنسيه :o

نبوضه شمسويه في لندن واخبار التسوق ؟؟

نبض_قلبه;10087239:
تقبل الله جموووووووووول ومروووووووووووم.. اهني النهار ماااااااايكمل تطلع الشمس الساعه 4 ونص وما تغيب الا 9 ونص.. يعني نتريق ونتغدى ونتعشى في الضوا.. كررريه

منا ومنج ياقلبي الله يعينج صج انتي وين اي ديره

:ss:

حرم بوليد

يمكن انا لاني ساكنه بروحي عادي ماسالوني
اقول انتي الحين انسي كل شي واستانسي واستمتعي بالحمل وليه التاسع ربي يسهلها :)

ام زعبوره <<< عاجبها الاسم

الله انتي في لندن تدرين عاد طلعتلي فيزا 5 سنين
ومارحت :( خفت من المرض وعلى عيالي
وهم كنه بروح تركيا وحجزا وهم كنسلنه والحمدلله رجعولنه فلوسنه
عاد تركيا كنسلت لانه طلع معاي ضغط في الحمل ضغطي يرتفع ومايناسبني السفر
الحمدلله على كل حال :)

ههههههههههههههه اييي والله حروووم يا عيني على الرومانسية.. عشان يقولون اييي تحبه ما تقدر تفاااااارقه..

والله اهني ونااااااسه كملت نص الشوبينق وباقي النص.. اقولج حتى شامبو بيبي جونسون شريت تقولين خرعه ههههههه..

جمووول انا في بريطانيا..


ودي اقوم اصور الاغراض لاني جذي جذاك بصورهم اراويهم ابوها ومره وحده براويكم بس اخاف اروح وارجع محد اهني

يالله ماااااعليه جمووول اشوه على الاقل عندج فيزا خمس اسنين قولي لين ما تولدين ويكبر البيبي شوي بتقدرين اتيبينه ترى وناسه بس حق يهال احس ملل مافي وايد اشيا..

وتركيااااا صج صج خسااااااره السفره بس لا تتحسفين عسى عن صلاح ان شاء الله واهم شي صحتج وصحة البيبي ولاحقة على السفر بالعكس بعدين بصير حلوو ضيف يديد وياكم عاد لا تصرفون الفلوس خشوووها للسنة اليايه هههه

مووووغي هلاااااااا والله..تقرين الواااااااجب؟؟ وينج من زمااااااان ما دخلتي

نبوضه ، منا ومنش صالح الأعمال :)

شطووووووره سمعتي الكلام :)

اذا بطلع البنات لازم اطلع الثنتين حرام وحده دون الثانيه والمشكله انه صعب اسوي عليهم كونترول لأنهم حركيين ما شاء الله وبناتي مو من النوع اللي يلصق في الاهل، عادي تروح وتجي وتفتر ، مره توني شايله قطعه بشوفها ، التفت صوبي الا ما في احد ، وتميت لش اشوبح بعيوني ادور ساره واناديها وخفت انها طلعت من المحل لأن الباب كان مفتوح، وتعرفين حوادث اختطاف الجهال ، ما حصلها وفيني حياة الحيين، هذا كله بس في لحظة اني اشيل شغله معلقه فاشلون الحين ثنتين ، غير لو بروح عزكم الله الحمام، اخليهم مع من !!! اشياء كثيره تخوفني