البحرينيات يتفضلو

الصالون في العدلية ,

أعرف موقعه بس بصراحة ما أذكره زين .. وفي الوصف حدي ضعوف هههههه

تقدرين تدقين على البدالة 181 , ويعطونج الرقم ويدزونه مسج

أو دشي موقع " بتلكو " وبحثي عن الرقم

*

وبالتوفيق

دائما تغمرينا بلطفش حلم العذارى
تسلمي

انا بعد اعرف في العدلية اتصلي على 188 بتلكو او دشي الموقع في النت وسأليهم الوصف

رحت من قبل 5 سنوات واللي اذكره انه بالعدلية فيه لفه مقابل كنتاكي تاخذينها وتجيش لفة يسار في هالمنطقة يصير

صالون رشنا

بوصف لج من مسجد الفاتح
لي شفتي المسجد لفي يمين وروحي سيدة بيكون فندق الخليج على يسارج واصلي الشارع سيدة بتييج إشاره طوفيها الإشارة الثانية أخذيها يسار على السوق وأمشي في هالشارع لين إتييج الإشارة وأخذيها سيدة، الحين حطي بالج على المحلات باليمين أو ما تشوفين كنتاكي لفي اللفة اللي على اليسار مجابلته أوكي، وبعدين امشي شويه وأول لفة يمين، وبتشوفين صالون رشنا على يسارج كأنه بيت وفيه حديقة.

وهم يفتحون من 9 إلى 9 متواصل.

بوصفة لج من بداية العدلية يعني من فدركرز
دخلي سيده ع فدركرز يعني بيكون فدركز ع يسارج وكودو وليتل سيزر ع يمينج امشي سيدة بتيج اول لفة يمين دخليها عقب بعد دشي اول لفة يمين بتلاقينه ع يسارج

الشكر كل الشكر لمن رد على موضوعي
دليته بفضل الله وثم وصفكم
تسلمون لي والله

بقولكم رشنا تقصدون الحنايه يعني هالصالون بس للحنا نفس ريناز ما ادري شسمه لالي بجد علي؟ولا عندهم خدمات ثانيه؟

البنات كفوووو ووفو
وراح ازيد عليهم .....اتعرفين في العدليه البصمات تبع الداخليه
لما توقفين عند بابهم بتجوفين الصالون جدام عينج على اليسار

صالون رشنا(العدليه)
صالون ريناز(جدعلي)

كل صالون يختلف عن الثاني

لا ما اقصد نفس الصالون نفس ما فهمتي شهوده اقصد يعني نفس الفكره انه صالون للحناء فقط يعني مو لخدمات ثانيه مثل شعر ومكياج وجذي هذا قصدي