برنامج تغذية للشعر من خبيرة التجميل دينا الجارم

ازيكم يا عرايس .....
الحقيقة ده اول موضوع لى صحيح انا لى مشاركات فى تجمع بنات مصر لكن ده اول موضوع لى هنا فى ركن العناية بالشعر
اتمنى انه يفيدكم وينال اعجابكم
الحقيقة انا عندى برنامج تغذية رائع للحصول على شعر راااااائع وبالتالى بشرة برضه راااااائعة
وانا عايزة اقول ان التغذية الداخلية لا تقل اهمية اطلااااااقا
عن العناية الخارجية بالشعر من حمامات زيت وكريمات الخ...
نبدا البرنامج وده كنت اخدته من خبيرة التجميل دينا الجارم
لما كنت باكشف عندها من سنتين :
1- السيليكون
وده موجود فى الشعير
هتجيبى الشعير بسنه وتطحنيه او انك تخلى العلاف يطحنهولك وتحفظيه فى الفريزر عشان السوسة وتاخدى منه كوب على 5اكواب ماء وتقلبيهم على نار هادئة لحد ميغلظ قوامه وينضج وتاخدى منه 3 اكواب فى اليوم
2- الحديد
وده نقصه بيسبب سقوط الشعر وشحوب الوجه وده اسهل واسرع حاجة لعلاجه العصائر الخضراء يعنى مثلا تعصرى حزمة سبانخ مغسولة كويس مع عصير برتقالة او انك تعصرى بقدونس او جرجير مع تفاحة وجزرة وبرتقالة وتعصرى معهم فص توم منقوع فى خل تفاح لمدة دقيقة وده عشان المبيدات اللى فى الخضراوات ليكى 2 كوب عصير فى اليوم
3- فيتامين ب
وده افضل مصدر ليه الخميرة اللى بتتجاب من الفرن هتقطعيها فى حجم ملعقة صغيرة وتلفى كل واحدة فى كيس بلاستيك وتحطيها فى الفريزر وتاخدى منها 3مرات فى اليوم بعد ما تدوبيها فى عصير برتقال او جوافة عشان تبقى اخدتى معها فيتاميت سى
4- المنجنيز
وده موجود فى الافوكادو وممكن تطعيه على السلطة
5- الاوميجا 3و6
ودى متوفرة فى زيت كبد الحوت وبرايم روز اويل ودول بيتجابوا من الصيدلية وزيت بذر الكتان وده بيتجاب من السرجة واللى عندها نقص فيهم تلاقى شعرها ناشف وجاف قوى

اتمنى اكون افدتكم وياريت اللى استفادت من الموضوع تقيمنى