ادعولي ان الله يسخر لي ابو ولدي

السلام عليكم
حبيت تفيدوني بمشكلتي الي اخذت مني صحتي وكرامتي وسعادتي
والسبب زوجي :(
يحب الكشخه والتطور والسوالف والترفيه الا مني لا ولي لا.. يبين اكشخ له واذا بغيت السوق ذاك اليوم يطلع لي الف عله وعله ويزعل ولا يكلمني ويصدع رغم اني محتشمه ولا ني راعيه تمشي وتنقي.. لدرجه بطلت اقوله ابي السوق اشتري راحت بالي ولا انكد على حالي وما شوف اهلي من سنه لسنه واذا جيتهم كني ما شفت خير بس بالسواق اقضي مستلزماتي واذا انا عند اهله يترك المسؤليه على اخوانه طبعن مع خواته..
والسوالف صنم عندي بالبيت بس يكلم احد بالجوال ولا على المسن تطلع العلوم وجيرانا يسمعون ضحكته كل العالم تروح وتجي تغير جو وانا لي سنتين اطلب منه نسافر لاي ديره نغير جو فدايم جوابه الميزانيه ما تكفي ولا وشوله هذا تروحي وتجين مع اهلي>انتبهو مع اهله يعني اهله مسؤلين عني مو هو< وغير كذا يفقع مرارتي بمدحه لسوريا واي وحده من سوريا ما اقول شي بدمشق الحبيبه بس كرهني بهم من كثر ما يهذري ودايم سواليفه مراقص وبنات ليل والحين طاشني عند اهل ومسافر لسوريا حضرته داق علي يعلمني اني مغصوب على الروحه وماودي ومعزوم ومحرصني لا تدقين على ولا تزعجيني بالرسايل ....تقولون غيري من شكلك اقولكم ما خليت شي ما سويته حتى ما يكلف على نفسه يقول فيك شي متغير لا حياة لمن تنادي مليت من تطنيشه وتجاهله لي حتى سهراته ما يجي غير الفجر.. الله يسامحه اي شي اسويه بدون ما يعجبه تقوم قيامتي ويضل زعلان فتره اقلها اسبوعين ولا كل ما قام وقعد يذكرني بجميع مشاكلنا السابقه.. مره تدق عليه بنت فما يرد عليها بس اطلع يرد يقول حرام يمكن تبغى شي.. مرة طولت تدق عليه جننته راح حطه على الصامت يوم شافني مسمره عنده قال ابي اطلع مشوار ويوم جاء لقيته داق عليها.. جنني جنني جنني ولا انا صابره عشان ولدي اخاف يضيع بيننا ولا صاير لا يحتمل انصحوني وحلولي مشكلتي بارك الله فيكم