حبوب roaccutane

هلا القرموشه

صراحه انا سرت عند الدكتوره ووصفت لي الدواء الي تقولين عنه - وسرت الصيديلية واشتريتهم ب 800 درهم - وهاي الحبوب ما تعطي الا بوصفه طبيه من الدكتوره وفحص الدم - خاصة الي عندهم مشاكل بالكبد ممنوع يستعملون الحبوب هاي .

بس بعدين يوم قريت الوصفه - خفت من اثاره الجانبيه - وتميت متردد اخذهم او لا - لين اخر شيء قررت ما استعلمهم واردهم للصيدليه

خاصة انه الحبوب الي في ويهي مب وايد - وهاي الحبوب تعطي الي عندهم حبوب كثيره جدا صعب السيطره على ها الحبوب

والشيء الثاني هاي الحبوب خطيره جدا على الحمل

بس هاي الحبوب معروف عنها انه له تاثير ايجابي جدا على الويه وتمنع ظهور الحبوب نهائيا وتخلي البشره صافيه وحلوه - نتائجها مضمونه 100 بالمئه - لانه تمنع الدهون نهائيا

هااااااااااااي كيفكم؟
انا هذي اول مشاركه لي واتمنى اني افيدكم فيها

بالنسبه لحبوبroaccutane
انا استعملتها لمدة ست شهور
بس بصراحه بشرتي تغيرت وانقلبت 180 درجه
كانت بشرتي الدهون صايرة مثل الشمع على بشرتي
الحين بشرتي صايره مثل الورده
بس لازم تستعملينها بمتابعت طبيب

هل هالحبوب تأثر على الرضاعة:( :(

مرحبا خواتي

مشكووورات خواتي الحبيبات على الرد بس يا ريت الردود تكثر عشان الواحد يستفيد .. بالنسبه للاثار الجانبيه عاديه بس انه يجفف لج البشره ويجفف الشفايف بعد بس انا تلعوزت شفايفي وايد اتشققن بس حطي فازلين وبيرطبهن .... والمشكله صعب الواحد يسوي تنظيف بشره خلال العلاج .. مادري ليش .... ؟؟

الفراشه الخفيفه .... اظن ان ما ايووز تاخذينهن في وقت الرضاعه لأن الحبوب اصلن ما تنخذ اذا الحرمه متزوجه لأنه مب زين .. انا الدكتوره قالتلي وقفي الحبوب قبل العرس بشهرين عشان له تأثير على الحمل وسلمتووووووووووووووو ..:shy:

:z_sorry:

تحذير

لازم تاخذ الوحده مانع للحمل وقت الأستخدام وبعد الأنتهاء من العلاج لمدة 6 أشهر لسنه عالأقل..لأن تأثيره على تشوه الأجنه يبقى في الجسم هالمده..أنتبهوا يا بنات وأسألوا أكثر من طبيب على هالموضوع لأن كل اللي أستخدموا العلاج قالوا لهم الدكاتره نفس الكلام..

بس نتيجة العلاج مبهره جدا جدا ورائعه وتختفي الحبوب نهائيا وبلا رجعه وبشرتك تصير تجنن من غير حبوب ولا آثارها...

:cool2: :smile: هلا وغلا انا جديدة هنا ....
المهم انا بصراحة ويهي كله حب في حب وتعالجت لمدة سنة بحبوب مختلفة لكنها ما افدتني ابدا ابدا والحين صارلي شهر واسبوعين استخدم الروآكوتان ( الرواكتين ) يعني هو نفسه المهم بشرتي بصراحة فيها بداية تحسن ما اقولج كليا لكن بداية لكن اختي الكبيرة استخدمته لمدة 6 اشهر ووااااااااااااااد وايد افدادها حتى ان بشرتها كانت مثل مالتي الحين لكنها تغيرت كلججججج مرةةةة كوووووووول على الاخر وبع شغله بعد الكورس مالت الحبوب هذا يطلع حب في الويه لكن بسرعة يروح وما يترك اثر
باي مرسيييييييييي :up: :shy:

هلا خواتي احب اقول تجربتي مع الحبوب هذه انا الحين خلصت الشهر الثالث من العلاج بس صج بعد الله وبعدهم تغيرت بشري صارت احسن بس لازم الاستمرار عليهم لمده ست شهور وبعدها تقطعين عنهم ست شهور عشان تقدرين تتزوجين لان تاثير الاثار الجانبيه تقعد تقريبا ست شهور وطول هالفتره لازم ما تتبرعين بدمج لاحد لانه فيه تاثير الحبوب واي سؤال انا حاضره بس ياريت تكتبين لي ايميل عشان انتبه للرد وشكرا

انا اب اسأل انا ما تطلع لي حبوووووب كثير لكن لمل اشيل بالحلوه تطلع على ايدي هل هذي للحبوووب تمنع ظهورها ؟


وشكرا على الموضوووع الحلووو

حلووووووووووووووووووووو

يعني ممكن تشيل اثار الحبووووب ؟؟ ولا بس تصفي البشره من ظهوور الحبووووب ؟ لانه اختي ويها مليان اثار حبوووووووووب

سمعيني حبيبتي أنا راح أقولج تجربتي ويى هالحبوب...

أنا جربته لمدة شهر بس...صحيح ان نتايجة مضمونه مية بالمية لكن ما يمشي على كل حد...لان له اثار جانبية كثيرة...
أنا اثر علي من ناحية الدورة الشهرية...صارت تجيني مرتين بالشهر وبغزارة يعني بشكل ما تتوقعينه...وعاد سكتي على الألم تقولين وحدة تبي تولد...البيت كله يدري ان الدورة جاتني...
من بعد ما صارت لي هالاعراض وقفت عني الاخصائية الدوا وقالت لي ما ينفعج ومن يومها لحد الحين يعني سنه تقريبا من وقفت الدوا لكن عدم انتظام الدورة لازال موجود ولازلت اعاني منه ومن الالام اللي تصاحبة هذا بالاضافه الى فقر الدم اللي صابني بسبب غزارة الدورة وعاد اخرتها لجأت الى حبوب منع الحمل لتنظيم الدورة وتخفيف غزارتها مع اني مو متزوجه...وانتوا عارفين طبعا خطورة تعاطي حبوب منع الحمل بالنسبة للبنت اللي مو متزوجه...

هذي هي قصتي مع الدوا وانتي حرة حبيبتي...بس انا حبيت ابين لج وانصحج والامر راجع لج اولا واخيرا...

مرحبا بنااات

انا صديقتي جربت هالحبوب ..نفس ما قلتوا تنشف بشرة الجسم كامل وحتى فروة الراس شعرها ما يزيت ابدا فترة ما تاكلها وتتشقق شفايفها وحتى لو جات بتحف بحلاوه صعبه لان جلدها ناشف ورقيق ..يعني يذبح زياده...


مع انها استخدمتها من زمااااااااان من 4سنين طافت لمدة 6 شهور وتركته لان الحبوب خفت والحين فيها حبوب واثار حبوب حفر يعني ورجعت تستخدمه ونفس المعاناه رجعت ..وطابعا المتزوجه ما تستخدمه االا اذا بتاخذ موانع حمل ...وحتى بعد ما تتركه ما تحمل لمدة 6 شهور..

وهو يشيل الحبوب بس لكن اثار الحبوب والحفر راح تشيلهم عن طريق الاوباجي عند ممتاااااااااز جدا في قطر وهو الوحيد المتخصص بالاوباجي في قطر...

وشكرا

مرحبا خواتي

اشكركم على التواصل

انا الحمدلله الدوره عندي زينه ما تأثرت

الله كريم
:pain:

المشكلة هالحبوب مسرطناااااااااااااااااااااااااااااات :(

الوحدة ما تعرف شو بيستوي لها في المستقبل خصوصاً لأن هالمرض منتشر في دول الخليج بالذاااااااااااااااات ... يوم قريت إن هالمرض من تأثيرات الحبوب الجانبية و أول تأثير مكتوب على الروشتة حطيته في الزبالة .... تحياتي :confused:

هاي حبيباتي انا بصراحة اقولج صح كلام كل وحدة من الاثار اللي تسببه الحبوب هذه من منع الحمل او تشويه الجنين لا سمح الله للمتزوجة يعني والجفاف الشديد بس قولي الله يعين اللي بياخذه مثلنا يعني والله انا بعدني في الشهر الثاني الحين وان شاء الله العافية للجميع اخواتي
باااااااااااااااااااااااااااااااااااااااااااااااااااااااااااااااااااااااااااااااااااااااااااااااااي ........................ :cool: :) ;)

حلفي انج سويتيه لا حبيبتي ابصراحة انا ما سمعت عن هذا المرض لكن انا وااااااااااااااااااااااااااااااااايد ناس نصحوني به والحمد لله في تحسن
لكن عندي لج سؤال متى يظهر هذا المرض وانتي واثقة ومتاكدة منه وشنو هي اعراضه بسرعة حبيبتي تراني مستعجلة خرعتيني .................
باي
:eek:

هلا خواتي انا وحده اتعالج عن طريق هالحبوب سنة 98

الصراحة يسمونها حبوب في عصر السرعة وهيه مضمونه جدا جدا
اذا اتبعتي تعليمات الدكتور ابدا ماتضر
وشي ثاني حبوب الرياكوتين انواع فيه نوع 30 ملم وهو الي يشقق الشفايف ونشف دموع العين وينشف الريق بعد - هذا مايستخدمونه الا حق البنات الي يعانون من حبوب كبيرة وتقرحات في الوجه وفي نوع 10 ملم وهذا النوع الي انا اخر شي استعملته واااااااااااااايد زين لا تحسين بوغز ولا يشقق البشرة ولا نشف العيون بالعكس تخلي بشرتك صافية وعلى فكرة تعمل ايضا على ازالة البثور والبقع ودايما تجدد البشرة واذا كنت تستعملين الرياكوتين مافي داعي حتى انك تستخدمين الصابون في الشهر الرابع من استعماله حتى اني في يوم من الايام يوم رحت المراجعة وقلت حق الدكتور ابغي استخدم ماسك حق بشرتي جان يقولي مافي داعي لانه الحبه هاي تجدد الخلايا بروحها وتجعل البشرة صافية ومشرقة وبدو ن بقع
ودايما حبوب الراكتوتين 10 ملم وااايد حلوه وانا استخدمها :)

هلا بنات في الروشتة اللي قريتها إن المرض ممكن يطلع بعد 15 سنة .. أما اللي عندهم هالمرض وراثي في العائلة فممكن إنه يطلع في أقل من هالمدة يعني ( الاستعداد الوراثي ) يلعب دور كبير..... و بصراحة وايد من أفراد عائلتي ماتوا بسبب هالمرض فخفت أستعمل الحبوب لأني أعاني من آثار خفيفة للحبوب و مش حالة مستعصية فحطيتها في الزبالة ...و هالكلام من حوالي 3سنين .. و ألحين الحمد لله ويهي ما فيه مشاكل .. إقرن الورقة اللي مع الحبوب في الكرتون ....... بتشوفن الكانسر ...... هذا الدواء حاله من حال الكورتيزون و الزئبق اللي تتخوفون منه...

تحياتي :)