السونار وصحتة نتائجة - منتديات عروس

ه

همس الدانات

عروس نشيطة

28-07-2009 | 11:19 AM

هلا بنات وش اخباركم
انه بابدئ في الموضوع على طول
بس ابي مشورتكم
انه الحين في الشهر السابع من الحمل
ومثل ماتعرفون ابي اسوي طقم للمستشفى وابتدي في التجهيزات
صج اني وايد تأخرت مع العلم بأن في حملتي في بنتي الأولى من الشهر الرابع بديت اتجهز
بس يابنات انه وايد حيرانه مادري ليش
رحت سويت تصوير اكثر من مرة وطلعت بنيه
بس قلبي قارصني اخاف ان اييب ولد واسوي طقم مال بنات
انه خاطري اسوي لون فوشي بس خايفة وايد هالمرة
في حملتي الأولي من اول ماقالو لي بنت جهزت لها بس في ذي الحمله كل ما اروح حق التصوير ويقولون لي بنت احس غير
مادري سبحان الله هالمرة مو مرتاحة احس انه باييب ولد
عاد تصوروا اييب ولد والطقم فوشي هههههه
في ناس وايد قالو لي سوي الوان محايده مثل البنفسجي والأوف وايت ولا البصلي لو الأصفر
بس بالذمة مو احلى للبنت لون وردي وللولد الأزرق
ادري اني طولت عليكم بس هذي من الحيرة اللي انه فيها
وخصوصا عقب ماعرف انه وحده طول حمالها قالوا لها فيج ولد ويوم ولدت جابت بنت
مع العلم انه اتعالج في مستشفى خاص
بنات دلوني اتوكل على الله واسوي وردي؟
لو اسوي لون محايد وشنو الألوان اللي تناسب وضعي؟
وهل صار لكم هالتردد من قبل وصار عكس الشي؟
:confused::(:eek:

.

...( هنوده )...

عروس ماسية

28-07-2009 | 10:24 PM

إذا الدكتوره أكدتلج أنها بنت خلاص توكلي على الله وسوي وردي ما فيي أحلى من اللون التقليدي

الأزرق للأولاد والوردي للبنات

B

Burger

عروس رائعة

28-07-2009 | 10:51 PM

شوفي انا كل موعد اروح لازم اسأل الدكتور كل مرة شنو جنس البيبي مع ان قالت لي ولد بس كل مرة هم اسألها يعني الحين سألتها 4 مرات وكل ولد
ومدام قالت لج بنت خلاص توكلي على الله وسوي طقمج فوشي

وانزين اذا تبين تتأكدين روحي حق دكتورة ثانية وتطمني

ق

قلبك الأخر

عروس فضية

28-07-2009 | 11:22 PM

سوي لون محايد ادا انتي خايفه’’

ق

قلب البتول

عروس ماسية

29-07-2009 | 12:03 AM

كلما تقدم الحمل نسب الخطأ تقل انا جبت ولدين والاولاد ما شاء اللة من الشهر الرابع ابانون لان جهازهم التناسلي اكون واضح فانا اقول لو هو ولد ببان بسرعه اتوكلي على اللة وسوي وردي واللة انا حامل اللحين وللحين ما سويت اشعه خايفة اروح لان خاطري ببنت ولو اللة عطاني بنت بسوي لها كلشيء وردي

جوفي انا صادني نفس خوفج في ولدي الاولي من قالوا لي ولد جهزت اغراضة بس في حملي الثاني كل زيارة اقولون ولد بس لان خاطري في بنت ما شريت شيء على امل اروح زيارة ثانية وتطلع بنت وجبت ولد اللة يحرس اولادي ويجعلهم من الصالحين

ب

بحرينيه عسل

عروس ذهبية

29-07-2009 | 08:21 AM

اذا رحتي لكذا دكتورة واكدت بنت فهي بنت باذن الله واذا كان الجهاز متطور او 3 دي فنسبة الخطا قليلة.

ه

همس الدانات

عروس نشيطة

29-07-2009 | 11:17 AM

مشكورين حبايبي على الردود والله انكم طمنتوني
لأنه بجد خاطري اسوي الفوشي
ولكم جزيل الشكر

d

dana555

عروس مشرقة

30-07-2009 | 12:36 PM

متى يبين جنس البيبي؟

في الرابع؟

والله يعطيج ع قد نيتج

s

samoha2009

عروس رائعة

30-07-2009 | 01:43 PM

اتوكلي وسوي الفوشي
لانه لو كان في شكك كان قالتلك الدكتوره

ه

همس الدانات

عروس نشيطة

03-08-2009 | 11:09 AM

شكرا على الردود
الحمدلله تأكدت ذي الشهر انها بنت
وشريت الوردي هههههههههههههه
باقي الطقم باسويه فوشي