كل الأكسسوارات اللى ممكن تتخيلها هنا مع تعليقي بس مع كلاسيك

السلام عليكم ورحمة الله وبركاته
.._.._.._.._.._.._.._.._.._..



ازيكم يا عروسات يا حلوات :)

يارب دايماً بخير

كنت وعدتكوا انى استكمل الموضوع ده

http://forums.3roos.com/t469246.html


وانزل الأكسسوارات اللى ممكن نزين بيها غرف المعيشة

واللي برضه ممكن نزين بيها اى مكان ف الشقة ومعظمها مودرن

انا حاولت انى اجيب كل الأكسسوارات الممكنة وقسمتها

يلا نشوف ويارب تعجبكم :)


***



نبدأ بأكسسوارات الحوائط



الإضاءة



طبعاً الأضاءة ليها عامل كبير جداً ف البيت طبعاً لازم تكون مريحة للعين

وكمان مناسبة لستايل الغرفة نفسها

وتوزيع الأضاءة كمان مهم لأنه يأما يظهر جمال المكان او يطمسه

وتوزيع الأضاءة الجيد ممكن يخلينا كمان نحس بوسع المكان

وهنشوف مع بعض شوية اضاءات مودرن اتمنى تكونوا

مشوفتهاش قبل كده وهى جديدة عن نظام الأضاءة بالنجف المعتاد












































الأباليك


ده نظام إضاءة تاني وانا بعتبره من الأكسسوارات برضه

ومنقدرش نقول انه إضاءة بالمعنى المعتاد لأننا منقدرش نعتمد عليه

واحياناً بيكون مجرد ديكور مش اكتر

بس بتكون من الحاجات اللطيفة وبتعمل شكل جميل للجدران

وبنلاقيه اكتر في الريسبشن بالذات
















































الساعات


طبعاً الساعات مش محتاجة اقولكوا اهميتها

من الحاجات المهمة جداً طبعاً لمعرفة الوقت ودلوقتي كمان

بقت من الحاجات المهمة للتزيين ومحدش ينكر ان ممكن يكون

عنده ف البيت ساعة شيك مبتشتغلش :D

و إن شاء الله تكون المجموعة دى مختلفة عن اللى شوفتوه
























دي ساعات مش معقلة على الحدران حبيت اضمها معاها

كنوع من التنظيم




















التابلوهات


محدش فينا مبيحبش التابلوهات انا عن نفسي بعشقها :D

وتعتبر من اهم الأكسسوارات لتزيين الحوائط وأشيكها

وبتدي للمكان حياة وحركة وبتكسر برودة الوان الجدران

وطبعاً في منها اشكال كتير زى تابلوهات الآيات القرانية

ومعتقدش برضه ان في حد بيتنا مفهوش تابلوه بالشكل ده

فانا ملقتش نماذج ليه بصراحة بس حبيت اوريكم تابلوهات

جديدة ومبتكرة ومودرن ومعظمها بيكون بنظام التلت او الاربع

تابلوهات اللى بتكوّن مع بعض شكل واحد بس

وبصراحة الفكرة دي عاجبني اوى اوى وان شاء الله اطبقها ف بيتي

بس بشرط انها كلها تكون جمب بعض

وبشوف احياناً ف التلفزيون اماكن فيها تابلوهات كتير اوى

بس بصراحة بحس انها زحمة ومش رقيقة خالص

لأن الحاجة كل ما كانت ابسط كل ما كانت أرّق

يلا نشوف

































































دي تابلوهات عبارة عن سجاد خفيف اوى

برضه فكرتها جديدة رغم اننا بنشوفها ف التلفزيون كتير

ف الفيلل بس بتكون بأحجام كبيرة مش رقيقة زي دي














الأرفف



من الحاجات اللطيفة برضه وخاصة ف المودرن

وهى عادةً بتكون نوع من الديكور مش لهدف معين

وبرضه عادةً بنلاقي عليها فازات نونو كده او اى اكسسوارات صغيرة

يعني للتزيين مش اكتر وكمان ممكن تبقى مفيدة وعملية

للأماكن والأركان الضيقة


























المرايات و الكونسول


المرايات طبعاً من الحاجات الضرورية برضه

وإن كان وجودها ف غرفة المعيشة صعب شوية

لكنها دايماً ولازم تتواجد ف الريسبشن مش ف الغرف بس

وده لأن احياناً الواحد بيحتاج بصة ف المراية قبل ما يخرج :D


اما الكونسول فهو حاجة تشبة البوفية بس على صغير

ترابيزة شيك فوقها مراية مثبته على الجدار

وبرضه بتكون موجوده ف الريسبشن او السفرة

































يتبع