عدنيه بجد;10046260:
فطومه ايش اعلق
وايش اقول انتي كلامك كله صح وكلام في محله .........
اني معاي رقمها بس اللي بيننا رنات بس ورسايل الجمعه وبس اما المكالمات مافي غير بالنادر .
ولكني اليوم كان معاها امتحان واني كنت ادعي لها من كل قلبي وراحت امتحنت ونجحت ولما اجت عندي قلت لها كيف الامتحان قالت لي الحمد لله نجحت وسكتت.
ولما اجت عندها وحده بنت صديقتها وهي اصغر مني بثمان سنوات جلست تحكي لها كيف لما دخلت وكيف لما خرجت واني البدايه زعلت واخذت في خاطري وبعدين قلت يابنت بلا زعل هذه لها 4 سنوات وهي صديقتها واني في ظرف 6 اشهر ابي اخذ كل اهتمامها .
وشويه قالت لي الموضوع كامل وجلست تحكي لي ايش مسويه يوم الخميس والجمعه .........
المهم وبعدين روحت واني مبسوطه .
يافطومه في هذه اليومين هي نقصت الرنات اني حاسه انها بدأت تشوف حبي الزايد لها لما قدمت لها الهديه بس اني والحمد لله مش ملهوفه كثير على رناتها زي بداية الايام ...
انتظر تعليقك على كلامي لانك ماشاء الله ترمسين كثير (( ماشاالله تبارك الله على فطومة )) لكن يعجبني اللي يرمس كثير واني اعرف ارمس بس بالنت ما احب بكثره سامحيني اتعبتك معاي.
عادي حبيبتي واذا حبيتي اتراسليني على الخاص عشان اي مساعدة انا جاهزة لاني قلت لج قبل اني عندي فكرة عن هذ الامور بحكم اني قرأت عنها وحضرت محاضرات ماشاءالله تبارك الله ..
طيب بالنسبة لآخر موقف حصل لج ..
حبيبتي دايما دايما المعلمة مهما مهما قلتي انج انتي وهي صرتوا صديقات صدقيني هي بتظل معلمة لج وتعاملها لج كطالبة بس لا غير بس يمكن لما شافت وحست إنج تضايقتي إنها خبرت بتفاصيل القصة لربيعتها وإنتي لا شوية غيرتي عليها فالمعلمة ما حبت اتزعلج عشان ما تخسر كالنصايح والإرشادات اللي عطتج كل هذه الفترة وعشان ما تخسر الأجر عشان جذي المعلمة ما حبت تكسر بخاطرج هي 100% لاحظت علج الضيق لما خبرت صديقتها الموضوع بالتفصيل وإنتي لا .. لان ملامح الإنسان لما يحزن احيانا يبان عليه وبالذات لما يحس بالغيرة ناحية الانسان اللي يحب .. وانتي مثلا لما حسيتي بالغيرة تضايقتي عشان جذي المعلمة تداركت الموقف وخبرتج ايضا بتفاصيل القصة ..
مثال صغير عشان تفهميني اكثر :
مثلا نلاحظ على الأطفال احيانا لما نطلب منهم شي معين مثل انهم ما يرسمون على الجدار او ما يعملون شي غلط بشرط اننا نشتري لهم لعبة ولكن احيانا لما ما نشتري لهم لعبة بالمقبال الطفل يمكن يعاند ويرجع يرسم على الجدار او يرجع يغلط مثل اول عناد لنا لاننا ما اشترينى له لعبه صح ؟
طيب انتي هذا الطفل والمعلمة هي الاخت الاكبر لج المعلمة طول هذه الفترة كانت تنصحج وترشدج للأجر وللدعوة وانتي اتعلقتي فيها وايد ..وإذا المعلمة ممكن إذا جرحتج او ما قالت لج تفاصيل الموضوع او عاملتج بطريقة غير عن صديقتها ممكن تضايقين منها وترجعين ما تعملين بنصايحها ... انا اقول ممكن
انتظر تعليقج واذا حبيتي راسليني على الخاص