للاماراتيات فقط ومن لديها معلومات عن ......؟

ب

بدرالبدور

عروس رائعة

26-07-2009 | 01:24 PM

السلام عليكم ورحمة الله وبركاته

حبيباتي بنات الامارات وبالاخص دبي ان شالله بكرا وانا عندكم بإذن الله عز وجل...

وابي خدمه منكم ولكم مني دعوه بظهر الغيب....

جزاكم الله خير انا معي 3 اطفال 11 8 4 سنوات

ايش احسن التماشي والاكثر وناسه بارك الله فيكم..

وبالنسبه لي لاني اغطي ايش في نسائي ترفيهي عندكم...

وايش تنصحوني اروح وفي اي يوم عشان مااطيح بالزحمات...

احلى الاسواق الشعبيه والراقيه...

اماكن لؤطه ماتتفوت...
محلات فيها بضاعه غريبه اي اي اي شي تعرفونه فيدوني فيه الله يسعد قلوبكم مقدما...

وكمان ايش تحذروني منه بلاش اروحله وايش تنصحوني فيه...

احلى المطاعم وافخمها والذ اكلات فيها...

افود الاماكن لعيالي..

احلى الاماكن وانظفها للسباحه عيالي مهووووسين سباحه سواء مسبح او بحر ابي كل مكان ممكن يسبحون فيه ...

السكيت والملاهيات الحلوه...

وكل ماتحبون ان تظيفون اكون شاكره لكم ودعواتكم لي بسفره سعيده وموفقه..

أ

أنتي صح

تاجرة

26-07-2009 | 02:58 PM

حياج الله أختي في الإمارات.. و في دبي..

في أشياء و انشطه واااايده.. بقولج بعض الأشياء اللي أعرفها..

1. عرض الدلافين فحديقة الخور.. روعه و وناسه و في تصوير مع الدلافين..الخ (غاليه شوي اللي اعرفه إنه تقريبا الشخص البالغ 200 درهم)

2. عندج ووندر لاند.. هذي حديقهمائيه تجنن.. و بيستانسون عليها اليهال (فيها أجانب وااايد و اتعرفين عاد كيف تكون اشكالهم) احسن تختارين يوم النساء عشاان انتي بعد تاخذين راحتج..

3. دبي مول.. التسوق فيه روووعه.. و فيه الأكواريوم (حوض الأسمااك) و فيه ساحة تزلج..

4. إمارات مول.. تسوق و مشي.. و فيه ""سكيينغ دبي"" مكان كله ثلج.. و كافيه..الخ

5. في سوق مثل السوق الجديم.. و اكثر شي يسيروله السيااح.. بس ما اعرف اسمه... اممممم

و إذا بتمرين الشارجه بتلاقين السوق الجديم عند مركز ساره.. حلوو بعد..
و بتحصلين مركز الأستكشاف و هو مركز علمي للأطفال.. و الأكواريوم الضخم..
و حديقة حيوانات مغلقة (حديقة أو مركز شبه الجزيره العربيه)

و بعد ممكن تتصلين ب 700017000 هذي خدمه تقولج وين الأماكن و الأنشطه السياحيه.. و يردون على اي استفسارات.. حتى لو ضيعتي الطريج هم يدلونج..

و رحله موفقه :)

ب

بدرالبدور

عروس رائعة

26-07-2009 | 04:14 PM

أنتي صح....

الله يسعد قلبك ويوفقك اتعبتك معي يالغلا...

غفر الله لي ولك ولوالدينا والمسلمين اجمعين...

.

..M!ss-P!nk..

مشرفة سابقة

27-07-2009 | 10:57 AM

وينكم بنات ردو على اختي :)

.

..M!ss-P!nk..

مشرفة سابقة

27-07-2009 | 11:00 AM

وينكم ردو على اختي:):)

ب

بدرالبدور

عروس رائعة

30-07-2009 | 03:36 PM

افاااااااااااا وين الردود انا في دبي بليز احتاج مساعدتكم ...:(

ابي معلومات وين اروح ؟

اهم شي ابي شاطئ نظيف يسبحون فيه اطفالي؟؟

ب

بدرالبدور

عروس رائعة

03-08-2009 | 01:02 AM

طيب ع الاقل ابي احلى وانظف شاطئ في دبي ومناسب للاطفال والعوائل يعني مهناش مناظر:)

ر

رموووو

عروس برونزية

10-08-2009 | 01:52 AM

للرفع

ا

اسمي في دقات قلبه

عروس رائعة

11-08-2009 | 01:23 PM

حبيبتي انا كنت اروح مع زوجي شاطئ جبل علي طريق ابو ظبي على شارع الشيخ زايد الي يودي لابن بطوطة موول تلفين يمين بمجرد انك تشووفين لافتة مكتوب عليها منتجع جبل علي .. عائلي وحلو بس ما تروحين له في الويك اند بيتملى سياح اجانب وصغير ونظيف وصغارك يبقون حد ناظرك وهو احلى مكان للباربكيو بس انتي اختاري الموضع الحلو .. وعطلة سعيدة