تجربتي مع صابونة خشب الصندل

BHR_Sun 25-07-2009 13 رد 15,596 مشاهدة
B
مرحبا بنات شخباركم شمسوين



انا من فترة مع تكرر الحمل والولادة صار لي حب شباب مع شوية رؤوس سوداء.. وطبعا علشان وضعي ما اقدر آخذ حبوب وكريمات لأنها تحتوي على مواد تضر الجنين


المهههههم... من فترة كنت داخلة انا وولدي بقالة صغيرونه قريبة من البيت والا اشوف الهندي يصف صابون على الرف وريحته معبية المكان.. ريحته صايرة كأنها عطر.. سألته هذي شنو قال هذي SandalWood Soap .. يقول لي ماما هذي واااجد زين حق حساسية حكة كووول شي..

انا شريت قطعتين وقلت اجربها على ويهي يمكن تخف الحبوب.. وبصراحة صار لي الحين 3 اسابيع (والله على ما اقول شهيد) ... الحبوب خفت بشكل واضح وآثار الحبوب القديمة بعد فتح لونها .. يمكن الرؤوس السوداء تحتاج عناية اكثر مني وتنظيف عند اخصائية بس بعد احس ان عددها قل ومو مثل قبل.. وفوق هذا كله ريحتها بنات واااااااايد حلوة ومنعشة.. وساعات استخدمها مو بس لوجهي استخدمها لجسمي


طبعا وايد ناس ما يعرفون فوائد خشب الصندل للجسم .. دخلي القوقل وسوي بحث عن خشب الصندل وبتلاقين ان فوائده كثيرة ....



قبل لا استخدم الصابونة استخدم (نيتروجينا ديب كلين اللي فيه حبيبات)










وبعدين الصابونة وهذي صورتها











وبعدها استخدم ماي ورد مذوبة فيه شوي من العكر الفاسي ( شكر للأخت حنان المغربية اللي شريته من عندها ) طبعا انا عندي زجاجة فيها بخاخ احط فيها ماي الورد وكمية قلييييييلة من العكر الفاسي واستخدمه بعد كل مرة اغسل ويهي فيها، احس انه ينعش البشرة ويسكر المسامات والعكر الفاسي يعطي حيوية للبشرة ويوردها



ان شالله ما اكون طولت عليكم بالموضوع.. وان شالله اللي تجربها تستفيد منها مثل ما انا استفدت منها


تحياااااااااتي لكم
ك
:) مشكورة شمس البحرين على المعلومة الحلوة
ان شاء الله الاخوات يستفيدون من الموضوع

ولاهنتي يالغلا :o


كلها نعومة
B
تسلمين حبيبتي.. وما قصرتي عالرد الحلو :)
ه
مشكوورة ياعسل

بس الصابونة مدري متوفرة بسعودية ؟؟
v
ما شاء الله زين بس حبيبتي من وين احصل هالصابونه شكلها خوشي
B
جوري المحبة;10002598:
مشكوورة ياعسل

بس الصابونة مدري متوفرة بسعودية ؟؟


حياج الله حبوبة

مادام عندنا اكيد عندكم :) .. شوفيها بالسوبرماركتات الكبار..
أو يمكن تلقينها بالصيدليات
B
nice2eyes;10004281:
ما شاء الله زين بس حبيبتي من وين احصل هالصابونه شكلها خوشي



اي والله انا بالنسبة لي صج صج خوشي :D

تحصلينها بكل البرادات.. وبعد ترى في صيدلية رويان انا شفتها
B
عيدكم مبارك بنات

حبيت ارفع الموضوع .. مو لأني كاتبته.. لا والله.. بس لاني شفت النتايج على وحدة من الاهل

انا شفتها نص شهر رمضان تحديداً بيوم القرقاعون .. ومسكينه بشرتها وايد متأثرة بالحبوب

ونصحتها بصابونة خشب الصندل..وما شاء الله امسسس كانت متحسنة وااااااااايد.. الحبوب الملتهبة راحت وباقي شوي الاثر .. بس اتوقع مع الاستعمال بيخف ان شاء الله
و
شكرا غلاي على المعلومة الحلوة وان شاء الله راح اجربه

تحياتي
د
مشكوره ويعطيك الف عافيه
-
>>>> مشكووره ،،
ح

تسلمين يا الغالية على موضوعك الحلو وان شاء الله البنات يستفدون منه ويجربوها
وبتمنى اللي عانون من مشاكل الحبوب واثاره يجربونها مو خسرانين غير شوية دنانير المهم النتيجة مدام هي مصنوعة لعلاج الحبوب اكيد ماراح يكون لها مفعول عكسي فما في مشكلة انها تتجرب لو ما عطت مفعول يعني مافي نتائج مو مشكلة المهم تجربوها ما دام ماراح ضر
وان شاء الله تلاقون النتائج اللي ترضيكم

ومشكووووووووووووووووووورة يا قلبي على ذكرك لي فالموضوع هذا من طيب اصلك واسعدني كثير تسلمييييييييييين يا قمر
ا
تسلم ايدك على نقل التجربة وان شاء الله نلاقيها عندنا لاني حاطتها بالويش ليست

ربي يوفقك
~
مشكوره بس بوين ممكن القى الصابونه عند العطار ؟ ولا بس بقالات.. لأني ما لقيتها
X