شعر مموج وكيرلي + رطوبة = يا الله ع الإبداع !!!

ههههههههه
والله يختي شقووولج انا شعري كيرلي لاكن تموجاته ابد مو متناسقة يعني مو من النوع الي شعره كيرلي مموج متناسق وحلووو وبعد لا يفوووتج منفوووش ومنكوووش وفريزي واذا على الشمس انا بعد شمس
عموووما انا شعري خفيف مو كثيف بس ممكن افيدج بكم شغلة اذا تناسبج بس لوو قلتي انتي منوين كان افضل.

عندج كريمات الشعر:
1- دابر فاتيكا باللوز والحناء والالوفيرا.
2- كريم هيمالايا بالبروتين.

عندج زيوووت الشعر:
1- زيت النخاع - اللوز - الخروع - الثوووم - الحبة السوودا - براشووت بجوز الهند مال الاكل
اخذي الزيوووت من وادي النحل
2- زيت الافوكادو من معاصر الاحلام

عندج حمام زيت او ماسكات:
1- صانسيلك لتساقط الشعر
2- دابر فاتيكا اما ترطيب عميق اما تغذية مكثفة

لازم تستخدمين ليف ان كونديشينر بس لا تحطينه على الجذور هاي البلسم الي يترك في الشعر بعد السباحة وبعدين يوميا تحطين كريم وفيه تقدرين تحطين كم قطرة زيت براشووت الي ذكرته فووق

عندج بعد امبووولات الشعر ماركة فيتان او ايفا بالصبار

عندج الشامبو استخدمي نووع مخصص للترطيب او لتحديد التموجات او لزيادة الفوليووم الحجم اذا شعرج كيرلي خفيف

فيه ماركات متخصصة وبروفشنال بس غالية مثل لوكستيان وفريدريك فيكي و كريستاس
وفيه بعد لوريال بروفشنال

لازم تسوين ماسك اسبوعي مرة في الاسبوع وبعد تستخدمين الزيوووت كل 3 ايام وسخني الزيت بعد !!
اعجفي الشعر لما تحطين الزيت وحطيه 7 ساعات بعدين غسلي شعرج

حطي بلسم عقب كل مرة تغسلين شعرج
عندج الماركات:
1- مس مارينو
2- لوريال بالاعشاب الاخضر

لا تحطين سيروم اذا انتي ما تستخدمين ادوات تصفيف حرارية لانه مو زين !!

بعد شنو ؟؟؟ خليني افكر شوية خخخخخ
اي صح مثلا اذا تبين تحطين ماسك حطي معاه ملعقة شاي عسل

والله يختي هذي نصايحي لج واذا عندج استفسار انا حاضرة لان مشكلتج اهيا مشكلتي بعد واحاول اقرى بالنت واتعلم

وعلى قولتج انا ما ابي اعتمد على السشوار والمكواة لانه اوردي شعري متقصف من تحت ومو ناقص
بس ما ادري اذا انخطبت شوو اسوي !!

حبيبتي والله كلام اختي ماقصر بس بقولك على شي

الفرد مو زين على الشعر وبدل مايعدله يخربه....
واذا انتي تبين ترتاحين من الغثاء هذا كله....الزمن تطور يا حبيبتي وريحي عمرك وسوي كيراتين
والكيراتين مثل الفرد بس ماهو فرد...هو علاج للشعر ومافي منه اي مضره

صحيح ان الكيراتين غالي شوي ويختلف من منطقه لمنطقه...بس مريح يعني خلاص يصير شعرك مويه حرير ولا يتلفلف ولا شي....حتى بالرطوبه وحتى بعد السبوح يصير مثل ماهو
وماهو مثل الفرد الي يخلي الشعر واقف وناشف ولافيه اي حيويه بالعكس الكيراتين حل نص الامور
واذا حابه تسالي اكثر...انا في الخدمه

ههههههههههههههه
سويت كل شي ماخليت شي بصرااااااااحة
لكن مايفيد مع الرطوبة يرجع زي مايكون
كأني ما رتبت شعري من دهوور !!!!!!

والله يا اختي حاسة فيك

بس في ماركة فريدريك فيكي وكريستاس مجموعات لتحديد تموجات الشعر الكيرلي شووفيها يمكن تفيدك

اختي نور العرب شوفي بع ماتغسلبنة بالشامبو والبلسم عندك اختيارات عشان التمويج يطلع حلو ومتناسق :
1-الفازلين
2-كريم الابيض القديم (ابو وردة) مررة خلو
3-زيت دابر املا بالياسمين
تحطين واحد منهم وهو رطب وتلفينا شوي بربطة لين ماينشف وبعدين تفكينة وشوفي النتيجة واذا خايفة من الريحة ممكن تحطين مخمرية للشعر او البخور وحطي الربطة وادعيلي ...انتظر النتيجة

بجرب الفازلين عسى ينفع مع هذا الشعر العجيب هههههه
مشكوورين خوااتي
وراح أجرب كل شي قلتووه
وإن شاء الله يجيب معي نتيجة

تسلموووووووون
ربي يسعدكم دنيا وآخره ..

:)

حطي زبده تهجد الشعر مع الزيت

بجرب
مشكوورة أختي ..

briteny ممكن انا اسال عن الكيراتين ؟
يعني لاي انواع الشعر يستخدم وشيسوي بالضبط
يعني معلومات عنه ابي اعرف عنه

اختي انا شعري كيرلي ومموج تموجات صغيره بس شعري فيه رطوبه شوي مش وايد خشن .ولا وايد ناعم ...
اغسله بالشامبو و احط بلسم و في البلسم اخلط شوي زيت براشوت بجوز الهند و اذا ما تحبين براشوت استخدمي الدهن القديم التنكه الخضرة (المعدن) موجوده في الجمعيه هاي خالي من العطور اصفى يعني براشوت بعد زين بس حد قالي فيه عطر فشكيت فيه ...
و اغسلي شعرج عادي ...
اول ما اطلع من الحمام افرقه من النص و اقسم كل قسم الى قسمين و الغرة تبقى جدام القسم الخامس .. امشط شعري بمشط عريض الاسنان و ارش عليه سبراي مقو للشعر او هير فود سبراي اذا ما كنت حاطه زيت ويا البلسم و بالعاده دائما ارش منه .. يطري الشعر و يخليه صحي و يلمع هو تركيززه مثل اللوشن ...
حاليا استخدم كادوس kadus بس الشركه الي كنت استخدمها قبل احلى بمليون مره بس ما اذكر اسمها لما يخلص الي عندي برد عليها و نصحتني فيه خبيره صالون بس اسمه صعب و الحين موعندي هو فيه صورة رأس ريال ههههههههههه و اسمه طويل ...
او ممكن اذا ما عجبك زيت في البلسم و لا هير فود سبراي عليج بهذا الي اسمه بالمرز هير فود بجوز الهند بس لا تحطين منه كميه كبيره لانه يثقل على ا لشعر ...
و اخلي شعري مفتوح شوي او امسكه بمسكه خفيفة شي صغير وبس يجف نص نص امشطه و افير الغره بفير السليكون و الجوانب مع اول كمية شعر الي اوديه على روا عسب الي يجوف شعري يقول كله مستشور عسب ما اتعب شعري و في نفس الوقت يعطي مظهر و خلاص ... انا اغسل شعري تقريبا كل 5 ايام ....
ان شاء الله اكون افدتج و اي سؤال انا حاضرة ...

ههههه مو مشكلة يالغالية ماقصرتي والله
الموضوع قديم بس زين انك رفعتيه بالرد
مشاركتك مفيدة يعطيك العافية
وانا بسوي الطريقة الي خبرتيني عليها
حقت البلسم وان شاء الله ينفع
انا ماكنت احتاج لشي مع حمام زيت دابر فاتيكا الي غطاه وردي
بالعسل والنخاع كان ممتاز
بس دايما احصله مخلص من السوبرماركت واتعاجز اشتريه من المحلات ههههههههه
هو بصراحة افضل حمام زيت ع وجه الارض
ويحل كل مشاكل خشونة الشعر ووقفته العجيبة بالرطوبة خخخخخ
مشكورة ياقلبووووووو
تسلمين

^_*